ដំណឹងសេដ្ឋកិច្ច

គណៈកម្មការអ៊ឺរ៉ុបស្នើមូលនិធិ ៧៥,០០០កោដិអ៊ឺរ៉ូ ដើម្បីស្ដារសេដ្ឋកិច្ចឡើងវិញ

គណៈកម្មការអ៊ឺរ៉ុប (ឬហៅម្យ៉ាងទៀត ជារដ្ឋាភិបាលសហភាពអ៊ឺរ៉ុប) បានស្នើឲ្យមាន កញ្ចប់ថវិកាមួយឡើង មានទំហំ ៧៥,០០០កោដិអ៊ឺរ៉ូ (ប្រមាណជា៧៨០កោដិដុល្លារអាមេរិក) ដើម្បីអនុញ្ញាតឲ្យសេដ្ឋកិច្ច របស់សហភាព មានដំណើរការឡើងវិញ បន្ទាប់ពីវិបត្តិជំងឺ«Covid-19»។

លោក «Paolo Gentiloni» ស្នងការសហភាពអ៊ឺរ៉ុប ទទួលបន្ទុកសេដ្ឋកិច្ច បានថ្លែងឲ្យដឹង អំពីគម្រោងនេះ នៅលើទំព័រទ្វីសធើរ របស់លោកថា៖

«គណៈកម្មការអ៊ឺរ៉ុប ស្នើមូលនិធិជំរុញសេដ្ឋកិច្ច ក្នុងកម្រិត ៧៥០ពាន់លានអ៊ឺរ៉ូ  ដែលនឹងបន្ថែម ទៅលើយន្ដការ ដែលបានធ្វើរួចហើយ។ ជាចំណុចរបត់មួយ ដ៏សំខាន់ របស់សហភាពអ៊ឺរ៉ុប ដើម្បីប្រឈមមុខ នឹងវិបត្តិដែលមិនធ្លាប់មាន។»

៧៥,០០០កោដិអ៊ឺរ៉ូ = ៥០,០០០កោដិ + ២៥,០០០កោដិអ៊ឺរ៉ូ

យោងតាមប្រភព ដែលដកស្រង់សម្តី ដោយទីភ្នាក់ងារព័ត៌មានអាល្លឺម៉ង់ «DPA» និងប្រព័ន្ធផ្សព្វផ្សាយអាឡឺម៉ង់មួយចំនួនទៀត បានអោយដឹងថា កញ្ចប់ថវិកានេះ នឹងមានមួយផ្នែក ក្នុងទំហំទឹកប្រាក់ ៥០,០០០ កោដិអឺរ៉ូ ដែលជាហិរញ្ញប្បទាន ដូចសំណើររបស់ប្រទេសបារាំង និងអាល្លឺម៉ង់ ដែលបានលើកឡើង កាលពីសប្តាហ៍មុន និងមួយផ្នែកទៀត ក្នុងទំហំទឹកប្រាក់ ២៥,០០០ កោដិអឺរ៉ូ ដែលជាប្រាក់កម្ចី។

អ្នកស្រី «Ursula von der Leyen» ប្រធានគណៈកម្មការអ៊ឺរ៉ុប បានអំពាវនាវ ទៅបណ្ដា​សមាជិក​សហភាពអ៊ឺរ៉ុប ឲ្យទុកទៅម្ខាង នូវរាល់ការវិនិច្ឆ័យជាមុន ដោយងាកមកគាំទ្រ គម្រោង​ស្នើមូលនិធិ ខាងលើនេះវិញ។

គណៈកម្មការអ៊ឺរ៉ុប កំពុងស្វែងរក ការផ្សះផ្សាររវាងទស្សនវិស័យពីរ ដែលសមាជិកទាំង២៧ របស់សហភាពអ៊ឺរ៉ុប កំពុងប្រកាន់យក។

ទស្សនវិស័យទីមួយ របស់ក្រុមប្រទេស​ភាគខាងត្បូង ដែលរងការប៉ះពាល់ ពីការរាតត្បាត ខ្លាំងជាងគេ មានបំណងឲ្យប្រើប្រាស់កញ្ចប់នេះ ជាហិរញ្ញប្បទាន ហើយស្នើឲ្យសមាជិក ទាំង២៧ប្រទេស ចូលរួមសងប្រាក់នេះ ទាំងអស់គ្នា។

រីឯទស្សនវិស័យទី២ របស់ក្រុមប្រទេស ភាគខាងជើង ដែលមិនសូវ​រងការប៉ះពាល់ (មានជាអាទិ៍ ហូឡង់ ស៊ុយអែដ ដាណឺម៉ាក និងអូទ្រីស) មានបំណងចង់ឱ្យរដ្ឋណា ដែលទទួលផល ត្រូវទទួលខុសត្រូវ តាមរយៈប្រាក់កម្ចី ដែលមានលក្ខខណ្ឌ។

យ៉ាងណា អ្នកស្រី «Von der Leyen» ទំនងជាមានទំនោរ ទៅរកការប្រើប្រាស់មូលនិធិខាងលើ ជាលក្ខណៈហិរញ្ញប្បទាន តែត្រូវកម្រិតទំហំ នៃទឹកប្រាក់ មិនឲ្យលើសពី ១០០ពាន់កោដិអ៊ឺរ៉ូឡើយ៕



You may also like

កម្ពុជា

Covid-19៖ កម្ពុជាមានអ្នកជំងឺ​ក្នុងសហគមន៍​ ៤នាក់ទៀត សរុប៣៨នាក់

អ្នកជំងឺកូវីដ-១៩ (Covid-19) ដែលឆ្លងក្នុងសហគមន៍ ត្រូវបានរកឃើញវិជ្ជមានបន្ថែម ៤នាក់ទៀត ដែលធ្វើឲ្យចំនួនអ្នកឆ្លង ក្នុងសហគមន៍សរុប មានចំនួនកើនឡើង ដល់៣៨នាក់។ នេះបើតាមសេចក្តីប្រកាសព័ត៌មាន របស់ក្រសួងសុខាភិបាល ដែលទើបនឹងចេញផ្សាយ ក្នុងព្រឹកថ្ងៃពុធទី៩ ...
ដំណឹង

Covid-19 ៖ ឱសថការី​ឥណ្ឌា​ម្នាក់ ស្លាប់​ដោយសារ​សាកល្បង​ថ្នាំ​ខ្លួនឯង

ឱសថការី​ឥណ្ឌា​ម្នាក់ បានស្លាប់ និងប្រធាន​មន្ទីរពិសោធន៍​ម្នាក់ទៀត បានចូល​សម្រាក​ពេទ្យជាបន្ទាន់ បន្ទាប់ពីបានផឹកទឹកថ្នាំផ្សំ ដែលពួកគេបង្កើតឡើង ក្នុងក្ដីសង្ឃឹមថា ជាថ្នាំ​ព្យាបាលជំងឺ «Covid-19»។ នេះ បើតាមការអះអាង របស់នគរបាលឥណ្ឌា កាលពីថ្ងៃសៅរ៍ ...
កម្ពុជា

ខ្លីៗ​ពីបារាំង៖ ក្រុងប៉ារីស​បញ្ជាក់​ពី​ការដាក់​កម្ពុជា​ក្នុង​«បញ្ជីខ្មៅ»​អ៊ឺរ៉ុប

សប្ដាហ៍ទីពីរ នៃខែឧសភានេះ ត្រូវបានកត់សម្គាល់ ដោយការដាក់ប្រទេសកម្ពុជា ចូលក្នុង​«បញ្ជីខ្មៅ» ពីសំណាក់សហភាពអ៊ឺរ៉ុប (EU) ស្ដីពីការលាងសម្អាតលុយ និងហិរញ្ញប្បទាន​ភេរវកម្ម។ នេះ បើតាម​របាយការណ៍​ខ្លីៗ ប្រចាំសប្ដាហ៍​ទី២០ របស់ក្រសួងសេដ្ឋកិច្ច ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...