ដំណឹងពិភពលោក

អ៊ីតាលី៖ គ្រូពេទ្យស្នើឲ្យរដ្ឋាភិបាល​«បិទប្រទេសទាំងស្រុង»ឡើងវិញ

ក្រុមគ្រូពេទ្យអ៊ីតាលី បានស្នើឲ្យរដ្ឋាភិបាល​«បិទប្រទេសទាំងស្រុង»​ឡើងវិញ និងជាបន្ទាន់ ដើម្បីទប់ស្កាត់​រលកទី២ នៃការរាតត្បាតជំងឺ«Covid-19»។ ពួកគេទាំងនោះបាន​លើកឡើង​ថា ស្ថានភាព​ក្នុងប្រទេស​អ៊ីតាលី នៅពេលនោះ មានលក្ខណៈ​«គ្រប់គ្រង​លែងបាន»។

ប៉ុន្មានសប្ដាហ៍ចុងក្រោយនេះ ប្រទេសអ៊ីតាលីមានអ្នកជំងឺកូវីដថ្មី រវាងពី៣០០០០ ទៅ៤០០០០នាក់ ជារៀងរាល់ថ្ងៃ។ ការឆ្លងរាលដាលដ៏សម្បើម បានគម្រាមដល់​ប្រព័ន្ធទ្រទ្រង់សុខភាព នៅតាមមន្ទីរទេព្យនានា ក្នុងតំបន់ជាច្រើន និងតម្រូវឲ្យគ្រូពេទ្យ លើកពេលព្យបាល សម្រាប់អ្នកជំងឺផ្សេងទៀត។

លោកវេជ្ជបណ្ឌិត «Massimo Galli» ប្រធានការិយាល័យជំងឺឆ្លង នៃមន្ទីរពេទ្យ«Sacco» ប្រចាំក្រុងមីឡង់ ក្នុងតំបន់«Lombardie» ដែលរងគ្រោះនឹងជំងឺ«Covid-19»ជាងគេ បានថ្លែងតាមកញ្ចក់ទូរទស្សន៍ កាលពីយប់ម្សិលម៉ិញថា៖

«ស្ថានភាពពេលនេះ មានលក្ខណៈគ្រប់គ្រងលែងបាន។ អ្នកជំងឺផ្សេងទៀត មិនអាចផ្អាក​ជំងឺ​របស់ខ្លួន (ឬឈប់ឈឺមួយរយៈ – ន័យធៀប) ព្រោះមូលហេតុថា យើងមានអ្នក​ជំងឺកូវីដ ច្រើនលើសលប់នោះទេ។ អញ្ចឹងយើងត្រូវពិនិត្យមើល ដោយម៉ឺងម៉ាត់ ឬបើមិន​អញ្ចឹងទេ ការរាតត្បាតជាថ្មី នឹងបង្កឲ្យមានមនុស្សស្លាប់ ដ៏ច្រើន និងគួរឲ្យសោកស្ដាយ។»

គួររឭកដែរថា អ៊ីតាលីជាប្រទេសដំបូងគេ ដែលរងការឆ្លងជំងឺកូវីដ យ៉ាងសាហាវ កាលពី​ខែកុម្ភៈ ដើមឆ្នាំកន្លងមក។ ការរាតត្បាតនៅពេលនោះ បានសម្លាប់មនុស្សច្រើនជាង ៤១ ០០០នាក់ ពីក្នុង​ចំណោមអ្នកឆ្លងជំងឺ ប្រមាណជិត១លាននាក់។

ដើម្បីទប់ស្កាត់រលកទីពីរ នៃការរាតត្បាត រដ្ឋាភិបាលអ៊ីតាលី បានសម្រេកដាក់​តំបន់​ចំនួន២០ ទៅក្នុងចំណាត់ថ្នាក់បីផ្សេងគ្នា ដោយអនុលោមតាមស្ថានភាពឆ្លង ធ្ងន់ស្រាល ទៅតាមតំបន់ទាំងនោះ។ ចំណាត់ថ្នាក់ស្រាល (ពណ៌លឿង) តម្រូវឲ្យមានបម្រាមគោចរ ក្នុងរយៈពេលកំណត់មួយ ខណៈចំណាត់ថ្នាក់ធ្ងន់ (ពណ៌ក្រហម) តម្រូវឲ្យបិទតំបន់​នោះទាំងស្រុង៕



លំអិតបន្ថែមទៀត

កម្ពុជា

អាជ្ញាធរ​ចិន​រកឃើញ​បុរសចិន​ផ្ទុក​«Covid-19»​ម្នាក់​ទៀត ចេញពី​កម្ពុជា

ជនជាតិចិនមួយរូប អាយុ៣៧ឆ្នាំ ដែលធ្វើដំណើរ ចេញពី​កម្ពុជា កាលពីថ្ងៃទី១០ ខែមេសា ត្រូវបានអាជ្ញាធរនៃក្រុង ស៊ិនជិន (Shenzhen) ប្រទេសចិន ធ្វើតេស្ដិ៍រកឃើញ ថាបានឆ្លងជំងឺ «Covid-19» ...
កម្ពុជា

ហ៊ុន សែន មិនបាន​ទៅបី​ចៅស្រី​ទើបនឹងកើត ព្រោះជំងឺ​«Covid-19»

Covid-19 ៖ លោកនាយករដ្ឋមន្ត្រី ហ៊ុន សែន ទើបនឹងប្រកាសឲ្យដឹង ថាលោកមានចៅថ្មី​មួយរូបទៀត។ តែផ្ទុយពីគ្រួសារលោក ក្នុងនោះរួមទាំងភរិយាលោកផង ដែលបានទៅ​ចាប់បី​ទារិកាថ្មី បុរសខ្លាំងកម្ពុជាអះអាងថា លោកមិនអាច​ទៅបីចៅ«ទី២១»រូបនេះ បានឡើយ ...
ប្រាសាទអង្គរវត្ត ក្នុងខេត្តសៀមរាប អតីតរាជធានី នៃចក្រភពខ្មែរ។ (រូបថត ប៊ុន ណារុន)
កម្ពុជា

នៅរមណីយដ្ឋាន​អង្គរ អាជ្ញាធរ​អប្សរា​​បើក​«សារមន្ទីរ​ទាំង៣»​ឡើងវិញ

ចាប់ពីថ្ងៃទី០១ ខែមិថុនា ឆ្នាំ២០២០​នេះតទៅ «សារមន្ទីរ​ទាំង៣»របស់អាជ្ញាធរជាតិអប្សរា នឹងបើកទ្វាឡើងវិញ ដើម្បីចូលទស្សនា ដោយមិនគិតថ្លៃ។ នេះ បើតាមសេចក្ដីជូនដំណឹង របស់ស្ថាប័នជាតិមួយនេះ ដែលចុះថ្ងៃខែ តាំងពីថ្ងៃព្រហស្បត្តិ៍ ទី២២ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.