សហរដ្ឋអាមេរិក​នឹងផ្ដល់វ៉ាក់សាំងបង្ការជំងឺកូវីដ-១៩ (Covid-19) ប្រភេទ«Johnson&Johnson» ប្រមាណ​ជាង១លានដូស ជូនដល់ប្រជាជន​កម្ពុជា ក្នុងពេលឆាប់ៗខាងមុខនេះ។ នេះ បើតាមសំណេរជូនដំណឹង របស់​ភ្នាក់ងារ​រដ្ឋាភិបាលអាមេរិក «USAID» នៅលើទំព័រហ្វេសប៊ុក​ផ្លូវការ​របស់ខ្លួន។

ភ្នាក់ងារសហរដ្ឋអាមេរិក សម្រាប់ការអភិវឌ្ឍអន្តរជាតិ ហៅកាត់ថា «USAID» បានជូនដំណឹង​ជាខេមរភាសា​ដូច្នេះថា៖

«សហរដ្ឋអាមេរិកនឹងផ្តល់វ៉ាក់សាំង “Johnson & Johnson” ចំនួនជាងមួយលានដូស ដល់ប្រជាជនកម្ពុជា។ យើងកំពុងតែធ្វើការ​យ៉ាងជិតស្និទ្ធ ជាមួយរាជរដ្ឋាភិបាលកម្ពុជា យន្តការ”COVAX” អង្គការសុខភាពពិភពលោក និងអង្គការ”UNICEF” ដើម្បីបញ្ជូនវ៉ាក់សាំង​ទាំង​នោះមក ក្នុងពេលឆាប់ៗខាងមុខ​នេះ។»

វ៉ាក់សាំងរបស់សហរដ្ឋអាមេរិក ជាជំនួយថ្មីមួយទៀត ចេញពីពិភពលោកសេរី បន្ទាប់ពីជំនួយវ៉ាក់សាំង​របស់​ប្រទេស​ជប៉ុន ប្រភេទ «AstraZeneca» ចំនួន១លានដូស តាមរយៈយន្តការ«COVAX» ដែលនឹងបញ្ជូន​មកដល់​កម្ពុជា ក្នុងល្ងាចថ្ងៃសុក្រទី២៣ ខែកក្កដានេះ។

វ៉ាក់សាំង«Johnson&Johnson» ឬហៅម្យ៉ាងទៀត «vaccin COVID-19 Janssen» ជាវ៉ាក់សាំងដែលប្រើ​បច្ចេកវិទ្យា «Viral vector» និងអាចត្រូវបានប្រើ ត្រឹមតែ«១ដូស»ប៉ុណ្ណោះ (ខុសពីវ៉ាក់សាំងដទៃទៀត ដែលតម្រូវ​ឲ្យចាក់ ចាប់ពី២ដូសឡើង)។ ក្នុងការសាកល្បងជំហានទី៣ (ជំហានចុងក្រោយ) បានឲ្យដឹងថា វ៉ាក់សាំងនេះ​អាច​បង្ការការចម្លងមេរោគ ក្នុងកម្រិត៦៧% និងបង្ការការធ្លាក់ខ្លួនឈឺ​ក្នុងកម្រិតធ្ងន់ បានរហូតដល់​៩៤%៕



You may also like

ដំណឹង

សហគ្រាសចិន ទិញវ៉ាក់សាំងពីអាល្លឺម៉ង់ ខណៈប៉េកាំង​បង្ហាញវ៉ាក់សាំងខ្លួន

សហគ្រាសចិន ឈ្មោះ«FosunPharma» បានប្រកាសថាខ្លួន បានបញ្ជាទិញវ៉ាក់សាំងបង្ការជំងឺកូវីដ (Covid-19) ចំនួនយ៉ាងហោច១០០លានដូស ពីសហគ្រាស«BioNTech» របស់ប្រទេសអាល្លឺម៉ង ហើយថាវ៉ាក់សាំងទាំងនេះ នឹងនាំមកដល់ប្រទេសចិន ក្នុងដើមឆ្នាំ២០២១នេះ។ នេះ បើតាមសេចក្ដីប្រកាសព័ត៌មានមួយ ...
ដំណឹង

ទីភ្នាក់ងារ​ឃ្លាំមើល​រដ្ឋាភិបាល​ឲ្យដក​ទីប្រឹក្សា​ប្រធានាធិបតី ត្រាំ ចេញ​ពីតំណែង

មនុស្សជំនិតម្នាក់ របស់ប្រធានាធិបតីអាមេរិក ដូណាល់ ត្រាំ (Donald Trump) គួរត្រូវបណ្តេញចេញពីតំណែង។ នេះបើតាមរបាយការណ៍មួយ របស់ទីភ្នាក់ងារឃ្លាំមើលរដ្ឋាភិបាល របស់សហរដ្ឋអាមេរិក ហៅកាត់តាមភាសាអង់គ្លេសថា «OSC»។ ទីភ្នាក់ងារ ...
កម្ពុជា

នាវាទេសចរណ៍៥គ្រឿង វិល​មកភ្នំពេញ​វិញ បន្ទាប់ពី​វៀតណាម​មិនឲ្យ​ចុះចត

នាវាទេសចរណ៍៥គ្រឿង ដែលចុះបញ្ជីក្នុង​ប្រទេសកម្ពុជា បានវិលមកដល់កំពង់ផែភ្នំពេញវិញហើយ បន្ទាប់ពីត្រូវប្រទេសវៀតណាមបដិសេធ មិនអនុញ្ញាតឲ្យចូលចត។ នេះ បើតាមសេចក្ដីជូនដំណឹង របស់សាលាខេត្តកណ្ដាល ដែលអះអាងថា ការវិលត្រឡប់របស់នាវាទាំងនោះ មកដល់រាជធានីភ្នំពេញវិញ ក្រោយក្រុមមន្ត្រីរកមិនឃើញថា មានភ្ញៀវណាម្នាក់បានផ្ទុកមេរោគ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...