ក្នុងថ្ងៃសុក្រទី១៩ ខែមីនា ឆ្នាំ២០២១នេះ កម្ពុជា​មានអ្នកជំងឺ​ស្លាប់ពីរនាក់ ក្នុងនោះម្នាក់ ជាស្ត្រីអាយុ៦២ឆ្នាំ និងម្នាក់ទៀត ជាបុរស​អាយុ​៤៦ឆ្នាំ។ នេះ បើតាមសេចក្ដីប្រកាសព័ត៌មាន និងប្រភពផ្លូវការ របស់ក្រសួងសុខាភិបាលកម្ពុជា នៅប៉ុន្មាននាទីមុននេះ។

បើគិតរួមទាំងជនរងគ្រោះផ្សេងទៀត ដែលបានស្លាប់ ក្នុងអំឡុងពេលធ្វើចត្តាឡីស័ក និងក្នុងពេលសម្រាកព្យាបាល នៅឯមន្ទីរពេទ្យផង ប្រទេសកម្ពុជាមានអ្នកស្លាប់ ៨នាក់ហើយ។ តែមានអ្នកជំងឺតែ៣នាក់ប៉ុណ្ណោះ ដែលអាជ្ញាធរកម្ពុជាទទួលស្គាល់ថា បានទទួលមរណភាព ដោយសារជំងឺកូវីដ-១៩ (Covid-19)។ រីឯជនរងគ្រោះ៥នាក់ទៀត (ក្នុងនោះ២នាក់ជាជនជាតិចិន) ត្រូវបានប្រកាសថា ស្លាប់ដោយសារជំងឺ«ខ្យល់គ» «គាំងបេះដូង» ឬមានអាការៈ«ញៀនថ្នាំ»ជាដើម

ខាងក្រោមនេះ ជាព័ត៌មានលំអិតមួយចំនួន របស់អ្នកជំងឺទាំង៣នាក់ ដែលអាជ្ញាធរប្រកាសថា ស្លាប់ដោយជំងឺកូវីដ៖

  • បុរសវ័យ៥០ឆ្នាំ រស់នៅ​រាជធានីភ្នំពេញ បានទទួលមរណភាព នៅព្រឹក​ថ្ងៃទី១១ ខែមីនា ឆ្នាំ២០២១ បន្ទាប់ពីរកឃើញវិជ្ជមានកូវីដ នៅថ្ងៃទី២៧ ខែកុម្ភៈ។ បុរសរូបនេះ ធ្លាប់ជាអ្នកបើកបរ ឲ្យថៅកែជនជាតិចិន ក្នុងខេត្តព្រះសីហនុ ដែលមានផ្ទុក​មេរោគកូវីដ-១៩​ដែរ។
  • ស្ត្រីវ័យ៦២ឆ្នាំ រស់នៅរាជធានីភ្នំពេញ បានទទួលមរណភាព នៅថ្ងៃត្រង់ ថ្ងៃទី១៩ ខែមីនា ឆ្នាំ២០២១ បន្ទាប់ពីរកឃើញវិជ្ជមានកូវីដ នៅថ្ងៃទី១០ ខែមីនា។ ស្ត្រីរងគ្រោះ ជាភរិយារបស់ តារាចម្រៀងជើងចាស់ លោក ហួរ ឡាវី និងជាម្តាយរបស់តារាចម្រៀង ប្រចាំ​ផលិតកម្ម​រស្មីហង្សមាស កញ្ញា វី ឌីណែត។
  • បុរសវ័យ៤៦ឆ្នាំ រស់នៅរាជធានីភ្នំពេញ បានទទួលមរណភាព នៅថ្ងៃត្រង់ ថ្ងៃទី១៩ ខែមីនា ឆ្នាំ២០២១ បន្ទាប់ពីរកឃើញ​វិជ្ជមានកូវីដ នៅថ្ងៃទី១០ ខែមីនា។

គិតមកដល់ព្រឹកថ្ងៃទី១៩ ខែមីនា ឆ្នាំ២០២១នេះ ប្រទេសកម្ពុជាបានប្រកាស មានអ្នកឆ្លងកូវីដ-១៩ សរុបចំនួន ១៥៨៧នាក់ ក្នុងនោះ​អ្នកជំងឺដែល​​ជាសះស្បើយ មានចំនួន ៩១៧នាក់ និងកំពុងសម្រាកព្យាបាល ក្នុងមន្ទីរពេទ្យ មានចំនួន ៦៥៨នាក់៕



លំអិតបន្ថែមទៀត

កម្ពុជា

នៅក្រុង​ព្រះសីហនុ មានដល់​មន្ទីរពេទ្យ «ព្រះពុទ្ធ»?

រូបថតមួយសន្លឹកខាងលើ ត្រូវបានចែករំលែកតៗគ្នា នៅព្រឹកនេះ ពាសពេញបណ្ដាញសង្គម។ រូបថតនោះ មានសរសេរអក្សរខ្មែរធំៗ ខាងលើអក្សរចិន ដាក់ថា «មន្ទីរពេទ្យ ព្រះពុទ្ធ»។ ម្ចាស់រូបថត ដែលដាក់ឈ្មោះ «ឡៃលី ...
កម្ពុជា

Covid-19៖ កម្ពុជាមាន​២ករណី​ទៀត ជាអ្នកដំណើរ​មកពី​ ឥណ្ឌូនេស៊ី

ពី​ចំណោម​អ្នកដំណើរ​​៤៦នាក់ ដែលជិះយន្ដហោះ មកពីប្រទេស ឥណ្ឌូនេស៊ី ប្រទេសកម្ពុជា បានរកឃើញករណីឆ្លង ជំងឺ«Covid-19» ចំនួនពីរនាក់ ដែលជាជនជាតិ​ខ្មែរ។ នេះ បើ​តាមសេចក្តីប្រកាសព័ត៌មាន របស់ក្រសួងសុខាភិបាលកម្ពុជា ដែលបានធ្លាក់មកដល់​ដៃ​អ្នក​សារព័ត៌មាន ...
កម្រមាន

អាយុ​១៨ឆ្នាំ រង​ពិការភាព​មិនស្លាប់​មិនរស់ ព្រោះ​ការវះកាត់​ពង្រីក​សុដន់

យុវតីស្រស់សោភាម្នាក់ បានធ្លាក់ខ្លួន រង​ពិការភាព​មិនស្លាប់​មិនរស់ ត្រូវការសង្គ្រោះបន្ទាន់ នៅក្នុងមន្ទីរពេទ្យ បន្ទាប់ពីរូបនាង បានចូលទៅឲ្យគ្លីនិកមួយ ធ្វើការវះកាត់ពង្រីកសុដន់។ រឿងរ៉ាវនេះ បានឈានទៅដល់ ដំណាក់កាលស្វែងរកយុត្តិធម៌ ពីសំណាក់ក្រុមគ្រួសាររបស់នាង នៅក្នុងតុលាការអាមេរិក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...