កំសាន្ដសំណើច កំប្លែង

«រាត្រីចន្ទទឹកឃ្មុំ នៅ​បន្ទប់​សណ្ឋាគារ… ជាន់ទី​៣៥» សំណើចខ្លី

ទើបនឹងរៀបការហើយថ្មីថ្មោង គូស្វាមីភរិយាបានជ្រើសរើសយប់ ដែលមានព្រះចន្ទពេញវង់ និងសណ្ឋាគារដ៏ខ្ពស់មួយ កំពស់៣៥ជាន់ ដើម្បីឆ្លងកាត់រាត្រីទឹកឃ្មុំ របស់ផងខ្លួន។ យកសណ្ឋាគារខ្ពស់ គឺដើម្បីអាចសម្លឹងមើលព្រះចន្ទ បានយ៉ាងងាយ និងដោយលន្លង់លន្លោច។ ហើយដើម្បីឲ្យកាន់តែវិសេសវិសាលទៀតនោះ នៅរាត្រីនេះ បន្ទាប់ពីចេញពីពិធីជប់លៀងរួច ស្វាមីត្រូវបីភរិយាខ្លួន ទៅកាន់បន្ទប់ចន្ទទឹកឃ្មុំ ដែលនៅជាន់លើបង្អស់ គឺជាន់ទី៣៥។

ពេលបីភរិយាថ្មី មកដល់បញ្ជទទួលភ្ញៀវ បុគ្គលិកប្រចាំការនៅទីនោះ បានឱនលំទោន និងប្រាប់ពីដំណឹងដ៏រំខានមួយ៖

– សោកស្ដាយណាស់ ដោយហេតុថា យប់នេះ ជណ្ដើរយន្ដដែលយោងឡើង ទៅជាន់លើៗ បានខូច… ខ្ញុំព្យាយាមហៅជាង មកជួសជុលភ្លាមៗ តែមិនអាចជួលជុល បានទាន់ពេល…

សុភាពបុរសជាស្វាមី យល់សភាពការណ៍ ក៏ថ្លែងតបទៅវិញ៖

– អូ… មិនថ្វីទេ! ខ្ញុំនឹងបីភរិយាខ្ញុំ ទៅដល់បន្ទប់ ដោយមិនបាច់មានជណ្ដើរយន្ដ។

ស្វាមីបីភរិយា ទៅដល់ជាន់ទីមួយ ស្រាប់តែនាងជាភរិយា ខ្សិបដាក់ត្រជៀកស្វាមីថា៖

– បងសម្លាញ់… អូនមានរឿងមួយចង់ប្រាប់បង…

– អូ… មិនថ្វីទេ ចាំប្រាប់បងពេលក្រោយក៏បាន។ ពេលនេះ អូនគ្រាន់តែថើបបង មួយខ្សឺតបានហើយ… 

ទៅដល់ជាន់ទី៥ នាងជាភរិយាបន្តខ្សិបដាក់ត្រជៀកទៀតថា៖ 

– អូនពិតជាមានរឿង ចង់ប្រាប់បង…

– អូ មិនថ្វីទេ! បងគ្រាន់តែចង់ឲ្យអូន ថើបបងមួយខ្សឺត វាគ្រប់គ្រាន់ហើយ…

ពេលនេះ ប្ដីបីប្រពន្ធ ដើរឡើងជណ្ដើរ មកដល់ជាន់ទី៣៥ នាងជាភរិយាចាប់ផ្ដើមបន្លឺឡើង យ៉ាងមុតមាំ៖

– អូនត្រូវតែនិយាយរឿងនេះ ប្រាប់បង!

– និយាយមកអញ្ចឹង តើអូនមានរឿងអ្វី?

– គឺអូនភ្លេចសោរបន្ទប់យើង នៅជាន់ផ្ទាល់ដី កន្លែងបញ្ជទទួលភ្ញៀវ



លំអិតបន្ថែមទៀត

កំសាន្ដ

បុណ្យ១៤កក្កដា៖ ជូនចិញ្ចៀនគូស្នេហ៍​សុំរៀបការ នៅមុន​ព្យុហយាត្រា

នៅមុនព្យុហយាត្រា នៃថ្ងៃបុណ្យ១៤កក្កដា របស់ប្រទេសបារាំង ទាហានម្នាក់បានលុតជង្គង់ នៅលើមហាវិថី«Champs-Elysées» ដើម្បីជូនចិញ្ចៀនដល់គូស្នេហ៍របស់ខ្លួន និងសុំនាងរៀបអាពាហ៍ពិពាហ៍។ ជាព្រឹត្តិការណ៍បេះដូង បង្កឲ្យមានការរំជួលចិត្តជាទូទៅ សម្រាប់បណ្ដាជននានា និងទាំងនៅក្នុងជួរមេដឹកនាំបារាំង។ ទាហានដែលគេស្គាល់ឈ្មោះ «Maximilien» ...
កំសាន្ដ

«រវាង​ឋាន​នរក និង​ឋាន​សួគ៌» សំណើច​ខ្លី

«រវាង​ឋាន​នរក និង​ឋាន​សួគ៌» ក្លើបីនាក់ មកពីបីសាសន៍ អាមេរិកាំង ចិន និងខ្មែរ បានស្លាប់ទៅហើយ តែបានទៅជួបគ្នា នៅក្នុងឋាននរក។ នៅ​ចំពោះ​ស្ដេចយមបាល អ្នកទាំងបីបានធ្វើការតវ៉ា ថាពួកគេមិនដែលធ្វើអំពើអាក្រក់ ...
កំសាន្ដ

គ្រូពេទ្យ និងអ្នកជំងឺ (វគ្គទី៥) សំណើចខ្លី

[ វគ្គទី៥ ] អ្នកជំងឺមានវ័យជរាម្នាក់ បានចួលទៅជួបគ្រូពេទ្យរបស់គាត់ ហើយត្អូញឡើងថា៖ – ខ្ញុំមានជំងឺផោមច្រើន សូមលោកគ្រូពេទ្យជួយព្យាបាល ឲ្យខ្ញុំផង។ ទោះជាវាមិនឲ្យក្លិន និងមិនឲ្យសំលេង ក៏ខ្ញុំនៅតែមានអារម្មណ៏ថា ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...