កំសាន្ដសំណើច កំប្លែង

«នៅ​ស្រុក​​ខ្ញុំ សង់​ហើយ​តែ៣ថ្ងៃ​ប៉ុណ្ណោះ» សំណើច​ខ្លី

ជនជាតិឥណ្ឌាមួយរូប បានចេញ​ពីព្រលាន​យន្ដហោះ​អន្តរជាតិភ្នំពេញ ហើយបានហៅ​រថយន្ដតាក់ស៊ីមួយ ដើម្បីដឹកខ្លួន ទៅកាន់សណ្ឋាគារ។ ឆ្លៀតឱកាសនោះ ជនជាតិឥណ្ឌាសុំឲ្យអ្នកបើកតាក់ស៊ី បង្ហាញខ្លួនពីកន្លែងសំខាន់ៗមួយចំនួន ក្នុងរាជធានី។ ពេលមកដល់វិមានឯករាជ្យ ជនជាតិឥណ្ឌាសួរឡើង៖

– ជាអ្វីនេះ?

អ្នកបើកតាក់ស៊ី ឆ្លើយតបវិញដោយសុភាពរាបសារ៖

– ជាវិមានឯករាជ្យ របស់កម្ពុជា។

– ជនជាតិអ្នកឯងប្រើពេលប៉ុន្មាន ដើម្បីសាងសង់វា?

– ច្រើនខែណាស់… ហើយបើតាមខ្ញុំដឹង សង់ដំបូងវិមានឯករាជ្យនេះ​រាងផ្អៀងបន្តិច ក៏ត្រូវរុះរើសង់ម្ដងទៀត…

– នៅស្រុកខ្ញុំ សង់ហើយតែ៣ថ្ងៃប៉ុណ្ណោះ!

រថយន្ដបើកទៅដល់ វត្តភ្នំ… ភ្ញៀវជាតិឥណ្ឌាយើងបានសួរទៀតថា៖

– ចុះនេះ ជាអ្វី?

អ្នកបើកតាក់ស៊ី បានឆ្លើយតបថា៖

– ជាវត្តភ្នំ ទីសង្ការៈបូជា និងជាបូជនីយដ្ឋានប្រវត្តិសាស្ត្រ របស់រាជធានីភ្នំពេញ…

– ជនជាតិអ្នកឯងប្រើពេលប៉ុន្មាន ដើម្បីសាងសង់វា?

– ច្រើនឆ្នាំណាស់ និងរហូតដល់ច្រើន​សតវត្សរ៍ផង ព្រោះត្រូវពូនភ្នំសិប្បនិមិត្ត នេះឡើង មុននឹងសង់ទីអារាម នៅលើនោះ…

– នៅស្រុកខ្ញុំ សង់ហើយតែ៦ថ្ងៃប៉ុណ្ណោះ!

អ្នកបើកតាក់ស៊ី ចាប់ផ្ដើមក្រហមត្រជៀក! ពេលនេះ រថយន្ដបើកទៅដល់ផ្សាធំថ្មី… ជនជាតិឥណ្ឌាបន្តចំងល់៖

– រួចអាគារនៅខាងមុខនេះ ជាអ្វី?

– អាគារហ្នឹងឬ? ខ្ញុំមិនដឹងទេ។ កាលពីព្រឹកម៉ិញ ខ្ញុំអត់ឃើញអាគារនេះ នៅហ្នឹងទេ!!!



You may also like

កំសាន្ដ

«តើ​សត្វ​ស្វាឪ ស៊ី​សណ្ដែកដី​យ៉ាងដូច​ម្ដេច?» សំណើច​ខ្លី

«តើ​សត្វ​ស្វាឪ …»៖ ពីរនាក់ ឪពុក​និងកូនប្រុស កំពុងដើរកំសាន្ដ នៅក្នុងសួនសត្វមួយ ហើយបានមកឈប់មើល សត្វស្វា«ឪ»ដ៏ធំ ដែល​កំពុងអង្គុយចោងហោង នៅក្នុងទ្រុងរបស់វា។ កូនប្រុស ចង់ឃើញកាយវិការ ស៊ីចំណីរបស់សត្វស្វា«ឪ» ...
កំសាន្ដ

«បងឯងឡើងមកនេះ…» សំណើចខ្លី

«បងឯងឡើងមកនេះ…»៖ ពូសុខកំពុងសង់ ទីលំនៅដ្ឋានរបស់ខ្លួន។ ថ្ងៃនេះ ដល់វេលាដែល ពូសុខត្រូវឡើងប្រក់ក្បឿង ពីលើដំបូលផ្ទះ ហើយគាត់ប្រក់​បានពាក់កណ្ដាល​ហើយ។ មើលទៅគាត់ ដូចជាអស់កម្លាំងជាខ្លាំង។ រំពេចនោះ លេចបុរសម្នាក់ទៀតមកដល់ ក៏ហៅពូសុខពីលើដំបូលផ្ទះ ...
កំសាន្ដ

អ្នកគ្រូនិងសិស្ស (វគ្គទី៤) សំណើចខ្លី

សូមជូនសំណើចខ្លី៖ អ្នកគ្រូនិងសិស្ស (វគ្គទី៤)។ អ្នកគ្រូសួរទៅកូនសិស្ស នៅក្នុងថ្នាក់រៀន៖ នៅក្នុងគ្រួសារ តើនរណាធំជាងគេ? សុខ ឆ្លើយថា៖ ប៉ា ធំជាងគេសៅ ឆ្លើយថា៖ ម៉ាក់ ...

Comments are closed.

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...