កំសាន្ដសំណើច កំប្លែង

«ប្រសើរជាង!» សំណើចខ្លីៗ

«ប្រសើរជាង!» ត្រឡប់មកពីផ្សារ ទិញម្ហូបចំណីពេញដៃ យួរមកដល់ផ្ទះ ដោយក្ដីនឿយហត់ អ្នកស្រី សាឡាឡា បានផ្ទុះការក្ដៅ​ក្រហាយ​ជាខ្លាំង ព្រោះចូលមកក្នុង​ផ្ទះ​ខ្លួន​វិញ ឃើញផ្ទះស្ថិតក្នុងសភាពរាយប៉ាយ គ្មានសណ្ដាប់ធ្នាប់។ អ្នកស្រី សាឡាឡា បាន​ហៅ​នាង កាតុ អ្នកបម្រើ​ក្នុង​ផ្ទះ មកសួរ។

– កាតុ! ហេតុអ្វីបាននាងឯង មិនរៀបចំបោសសម្អាតផ្ទះ ទុកឲ្យផ្ទះគគ្រិចដូច្នេះ?

– ម្ចាស់ស្រី សួរចំពេលល្អណាស់ ព្រោះខ្ញុំក៏កំពុងចង់និយាយ ជាមួយម្ចាស់ស្រីដែរ។

– មានរឿងអ្វី និយាយមក អញរង់ចាំស្ដាប់។

– ខ្ញុំចង់សុំម្ចាស់ស្រី តម្លើងប្រាក់ខែឲ្យខ្ញុំ…

– យី ការងារមិនធ្វើ ទុកផ្ទះឲ្យរាយប៉ាយ… រួចមកចង់ទារតម្លើងប្រាក់ខែ!

– ច៎ា​ ម្ចាស់ស្រី ខ្ញុំមិនបានបោសផ្ទះ តែថ្ងៃនេះទេ ព្រោះចង់និយាយ ជាមួយម្ចាស់ស្រីសិន។ ប៉ុន្តែមូលហេតុសំខាន់​នោះ គឺខ្ញុំធ្វើ​ការសព្វគ្រប់បែបយ៉ាង បានប្រសើរជាងម្ចាស់ស្រី។ ឧទាហរណ៍ ដូចជាការដាំស្លជាដើម…

– ហើយនរណា ប្រាប់នាងឯង ថានាងឯងដាំស្លគ្រាន់បើជាងអញ?

– គឺលោកម្ចាស់ ដែលជាស្វាមីម្ចាស់ស្រី។ រីឯខាងការបោកគក់ អ៊ុតខោអាវ ក៏ខ្ញុំធ្វើបានប្រសើរជាងម្ចាស់ស្រីដែរ…

– យី! នរណាប្រាប់នាងឯង ថានាង​ឯងបោកគក់ អ៊ុតខោអាវ បានគ្រាន់បើជាងអញ?

– គឺលោកម្ចាស់ ដែលជាស្វាមីម្ចាស់ស្រី។ មិនត្រឹមតែប៉ុណ្ណឹង ខាងរួមរ័កភិសម័យ ក៏ខ្ញុំធ្វើបានប្រសើរជាងម្ចាស់ស្រី ដ៏​សម្បើម​ដៃដែរ…

– ហើយនរណា ប្រាប់នាងឯង ថានាងឯងធ្វើអីៗនៅលើគ្រែ គ្រាន់បើជាងអញ?

– អ្នកបើករថយន្ដឲ្យម្ចាស់ស្រី!

អ្នកស្រី សាឡាឡា ក្រហមមុខ ហើយឆ្លើយតប ទ្រង់បែបឆ្លេឆ្លាថា៖

– ពិតជាប្រសើរជាងមែន! បាន… ចាំអញតម្លើងប្រាក់ខែ ឲ្យច្រើនជាងមុន



You may also like

កីឡា និងបច្ចេកវិទ្យា

តុលាការ​ប្រេស៊ីល​សម្រេច​មិនចាត់ការ​បណ្ដឹង​ប្រឆាំង ណីម៉ា ពីបទ​រំលោភ

ចៅក្រមមួយរូបនៃតុលាការក្រុង សាវប៉ាវឡូ (Sao Paulo – ប្រេស៊ីល) បានសម្រេចបិទសំណុំរឿង មិនចាត់ការតាមបណ្ដឹងរបស់ស្ត្រីបង្ហាញម៉ូដ ដែលបានប្ដឹងកំពូលខ្សែប្រយុទ្ធ កីឡាករ ណីម៉ា (Neymar) ពីបទរំលោភ ...
កំសាន្ដ

«បំណងល្អ ដែលរងការឈឺចាប់!» រឿងខ្លី

ចាប់យកសណ្ដែកខៀវមួយកញ្ចប់ រួមនឹងគ្រាប់សាគូ ខ្ទិះដូង និងស្កអំពៅចេញមក ខ្ញុំបាននិយាយ ដោយ«បំណងល្អ»ទៅកាន់កូនប្រុស ថា៖ គ្រូប៉ាបានប្រាប់ប៉ា តាំងពីពេលប៉ានៅរៀនថា សណ្ដែកខៀវជួយបណ្ដុះជាតិដែក និងកោសិកាខួរក្បាល ហើយញ៉ាំបង្អែមសណ្ដែកខៀវមួយចាន និងជួយបណ្ដុះកោសិកានេះ ...
កំសាន្ដ

«តើ​សត្វ​ស្វាឪ ស៊ី​សណ្ដែកដី​យ៉ាងដូច​ម្ដេច?» សំណើច​ខ្លី

«តើ​សត្វ​ស្វាឪ …»៖ ពីរនាក់ ឪពុក​និងកូនប្រុស កំពុងដើរកំសាន្ដ នៅក្នុងសួនសត្វមួយ ហើយបានមកឈប់មើល សត្វស្វា«ឪ»ដ៏ធំ ដែល​កំពុងអង្គុយចោងហោង នៅក្នុងទ្រុងរបស់វា។ កូនប្រុស ចង់ឃើញកាយវិការ ស៊ីចំណីរបស់សត្វស្វា«ឪ» ...

Comments are closed.

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...
កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...