សូមជូនសំណើចខ្លី៖ អ្នកគ្រូនិងសិស្ស (វគ្គទី៤)។ អ្នកគ្រូសួរទៅកូនសិស្ស នៅក្នុងថ្នាក់រៀន៖ នៅក្នុងគ្រួសារ តើនរណាធំជាងគេ? សុខ ឆ្លើយថា៖ ប៉ា ធំជាងគេសៅ ឆ្លើយថា៖ ម៉ាក់ ធំជាងគេសួស ឆ្លើយថា៖ បងស្រីខ្ញុំធំជាងគេស៊ាំ ឆ្លើយថា៖ ខ្ញុំធំជាងគេ អ្នកគ្រូបន្តសំនួរ៖ ហេតុអ្វី? សុខ៖ ព្រោះប៉ាខ្ញុំ គាត់ជាមេគ្រួសារ!សៅ៖ ព្រោះម៉ាក់ខ្ញុំស្អាត កាន់លុយ ហើយរកចំណូល បានច្រើនជាងប៉ាឆ្ងាយណាស់!សួស៖ ព្រោះសព្វថ្ងៃ បន្ទុកគ្រួសារនៅលើបងស្រី ប៉ា​ម៉ាក់គាត់ចាស់ហើយ។ស៊ាំ៖ បើនរណាមិនធ្វើតាមខ្ញុំថា ខ្ញុំទាមទារ ខ្ញុំយំ ខ្ញុំងរឥឡូវ! (សំណើច ...

«ពុកអើយ… កូនចង់​និយាយ​រឿងមួយ ជម្រាបពុក!» នេះ ជាសម្លេងកុមារីម្នាក់ ដែលបានសួរទៅកាន់ឪពុករបស់នាង ក្នុងដំណើរឡើងភ្នំមួយ។ ឪពុកបានឆ្លើយតបវិញថា៖ កូនអាចនិយាយរឿងនេះ នៅពេលយើងឡើងដល់លើ… ១០នាទីក្រោយមក កុមារីបានបន្តសួរទៀតថា៖ ខ្ញុំអាចនិយាយ​ប្រាប់ពុក បានហើយឬនៅ? ឪពុកបន្តឆ្លើយដូចមុន៖ ចាំឡើងដល់កំពូលភ្នំសិន។ លុះមួយម៉ោងក្រោយ នៅពេលឡើងដល់កំពូលភ្នំ ឪពុកបានងាកមកសួរកូនវិញ៖ តើកូនមានរឿងអ្វី ដែលចង់និយាយប្រាប់ពុក? កូនស្រីតូច​ធ្វើភ្នែកប្រិមៗ ហើយឆ្លើយថា៖ កូនបានភ្លេចសម្ពាយរបស់កូន នៅជើងភ្នំ !!!

មុនផុតដង្ហើម លាចាកលោក បុរសជាប្ដីបានហៅភរិយាខ្លួនមកជិត ហើយខ្សិបប្រាប់ថា៖ – អូនសម្លាញ់ មុននឹងបងស្លាប់ បងសូមសារភាពប្រាប់អូនរឿងមួយ… – រឿងអ្វីទៅបង? – រឿងនោះ គឺបងបានលួចទាក់ទង ប្អូនស្រីរបស់អូន តាំងពីច្រើនឆ្នាំហើយ… – ចាស អូនដឹងហើយ។ ឮដូច្នេះ ប្ដីភ្ញាក់ព្រើត… – អូ… អូនដឹងរឿងហ្នឹងដែរ? – បើអូនមិនដឹង អូនដាក់ថ្នាំ បំពុលបងធ្វើអី?! – … !!! (រឿងនិទានរបស់ប្រិយមិត្ត)

«មកពីលោកមិនសួរ» ជាចំណងជើងនៃរឿងនិទានខ្លីមួយ ដើម្បីចែកជូនប្រិយមិត្ត ឲ្យផ្ទុះសំណើច។ សូមតាមដានដូចតទៅ៖ ដោយធុញទ្រាន់នឹងអ្នកបម្រើ ដែលចេះតែនិយាយ តែពិសតែពាស គ្មានលោះពេលនោះ លោកសេដ្ឋីបានហៅ​អ្នកបម្រើ​រូបនេះមកជួប ហើយប្រាប់ថា៖ – ថ្ងៃក្រោយ បើអាឯងនិយាយ ទាំងអញមិនបានសួរ អញនឹងវាយអាឯង។ ស្ដាប់ឮហើយ អ្នកបម្រើក៏ឱនក្បាលដើរចេញទៅ។ ប៉ុន្មានថ្ងៃក្រោយមក សេដ្ឋីរៀបចំពិធីលៀងអាហារមួយ ដោយអញ្ជើញ​មិត្តភក្តិជិតស្និទ្ធទាំងអស់ មកចូលរួម។ ភ្ញៀវបានធ្វើដំណើរមកដល់ ជាបន្តបន្ទាប់… តែនៅឡើយ ក្លើសេដ្ឋីជិតដិតម្នាក់ មិនទាន់ឃើញមកដល់។ ដោយម្ហូបត្រូវបានរៀបចំរួចរាល់ លោកសេដ្ឋីមិនចង់ចាប់ផ្តើម ចោលមិត្តចិត្តមួយថ្លើមមួយ របស់លោកទេ។ លោកក៏បានប្រាប់ទៅអ្នកបម្រើ ឲ្យទៅតាមហៅក្លើរូបនោះ ដល់ផ្ទះ។ អ្នកបម្រើធ្វើតាមបង្គាប់ហើយ ...

ចាប់យកសណ្ដែកខៀវមួយកញ្ចប់ រួមនឹងគ្រាប់សាគូ ខ្ទិះដូង និងស្កអំពៅចេញមក ខ្ញុំបាននិយាយ ដោយ«បំណងល្អ»ទៅកាន់កូនប្រុស ថា៖ គ្រូប៉ាបានប្រាប់ប៉ា តាំងពីពេលប៉ានៅរៀនថា សណ្ដែកខៀវជួយបណ្ដុះជាតិដែក និងកោសិកាខួរក្បាល ហើយញ៉ាំបង្អែមសណ្ដែកខៀវមួយចាន និងជួយបណ្ដុះកោសិកានេះ បានប៉ុន្មានលាន​កោសិកា… និយាយឲ្យខ្លី គឺញ៉ាំសណ្ដែកខៀវមានប្រយោជន៍ខ្លាំងណាស់កូន។ កូនប្រុសងក់ក្បាលតប៖ អឺហឹស! ពាក្យ«អឺហឹស»របស់កូនខ្មែរ ដែលកើតនៅស្រុកបារាំង និងដែលរៀននៅក្នុងសាលាបារាំង គឺមានន័យថា អូអញ្ចឹងផងឬ។ ខ្ញុំយល់ពីទម្លាប់របស់ពួកវា ទាំងកូនគេទាំងកូនខ្ញុំ ដែលត្រូវតែមានចរិត តាមសង្គមបារាំង។ ប៉ុន្តែខ្ញុំមិនចង់ឲ្យវាភ្លេចខ្លួនថា ខ្លួនវាកើតចេញពីឪពុកម្ដាយជាខ្មែរ ឬហៅម្យ៉ាងទៀតថា វាមានដើមកំណើតជាខ្មែរ នោះទេ។ អញ្ចឹងហើយ ទើបខ្ញុំតែងតំណាលរឿង ពីស្រុកទេស ...

ទើបនឹងរៀបការហើយថ្មីថ្មោង គូស្វាមីភរិយាបានជ្រើសរើសយប់ ដែលមានព្រះចន្ទពេញវង់ និងសណ្ឋាគារដ៏ខ្ពស់មួយ កំពស់៣៥ជាន់ ដើម្បីឆ្លងកាត់រាត្រីទឹកឃ្មុំ របស់ផងខ្លួន។ យកសណ្ឋាគារខ្ពស់ គឺដើម្បីអាចសម្លឹងមើលព្រះចន្ទ បានយ៉ាងងាយ និងដោយលន្លង់លន្លោច។ ហើយដើម្បីឲ្យកាន់តែវិសេសវិសាលទៀតនោះ នៅរាត្រីនេះ បន្ទាប់ពីចេញពីពិធីជប់លៀងរួច ស្វាមីត្រូវបីភរិយាខ្លួន ទៅកាន់បន្ទប់ចន្ទទឹកឃ្មុំ ដែលនៅជាន់លើបង្អស់ គឺជាន់ទី៣៥។ ពេលបីភរិយាថ្មី មកដល់បញ្ជទទួលភ្ញៀវ បុគ្គលិកប្រចាំការនៅទីនោះ បានឱនលំទោន និងប្រាប់ពីដំណឹងដ៏រំខានមួយ៖ – សោកស្ដាយណាស់ ដោយហេតុថា យប់នេះ ជណ្ដើរយន្ដដែលយោងឡើង ទៅជាន់លើៗ បានខូច… ខ្ញុំព្យាយាមហៅជាង មកជួសជុលភ្លាមៗ តែមិនអាចជួលជុល បានទាន់ពេល… សុភាពបុរសជាស្វាមី ...