កំសាន្ដសំណើច កំប្លែង

«មកពីលោកមិនសួរ» សំណើចខ្លី

«មកពីលោកមិនសួរ» ជាចំណងជើងនៃរឿងនិទានខ្លីមួយ ដើម្បីចែកជូនប្រិយមិត្ត ឲ្យផ្ទុះសំណើច។ សូមតាមដានដូចតទៅ៖

ដោយធុញទ្រាន់នឹងអ្នកបម្រើ ដែលចេះតែនិយាយ តែពិសតែពាស គ្មានលោះពេលនោះ លោកសេដ្ឋីបានហៅ​អ្នកបម្រើ​រូបនេះមកជួប ហើយប្រាប់ថា៖

– ថ្ងៃក្រោយ បើអាឯងនិយាយ ទាំងអញមិនបានសួរ អញនឹងវាយអាឯង។

ស្ដាប់ឮហើយ អ្នកបម្រើក៏ឱនក្បាលដើរចេញទៅ។

ប៉ុន្មានថ្ងៃក្រោយមក សេដ្ឋីរៀបចំពិធីលៀងអាហារមួយ ដោយអញ្ជើញ​មិត្តភក្តិជិតស្និទ្ធទាំងអស់ មកចូលរួម។ ភ្ញៀវបានធ្វើដំណើរមកដល់ ជាបន្តបន្ទាប់… តែនៅឡើយ ក្លើសេដ្ឋីជិតដិតម្នាក់ មិនទាន់ឃើញមកដល់។

ដោយម្ហូបត្រូវបានរៀបចំរួចរាល់ លោកសេដ្ឋីមិនចង់ចាប់ផ្តើម ចោលមិត្តចិត្តមួយថ្លើមមួយ របស់លោកទេ។ លោកក៏បានប្រាប់ទៅអ្នកបម្រើ ឲ្យទៅតាមហៅក្លើរូបនោះ ដល់ផ្ទះ។

អ្នកបម្រើធ្វើតាមបង្គាប់ហើយ ត្រឡប់មកវិញ ក៏ចូលក្នុងផ្ទះចង្ក្រានបាយបាត់ ហើយសំងំនៅទីនោះ ដោយ​មិនហ៊ាន​ចេញវាចា​អ្វីឡើយ។

ចំណែកលោកសេដ្ឋីឯណេះ ដោយមិនឃើញមានដំណឹងអ្វី ក៏ហៅអ្នកបម្រើមកសួរ ក្រែងលោមិនទាន់បានទៅហៅ។ តែអ្នកបម្រើឱនក្បាលឆ្លើយតបថា «បានទៅហើយ» រួចដើរចេញទៅ។

ចាំបាត់ៗ… ភ្ញៀវក៏ចាប់ផ្ដើមនឿយណាយ… លោកសេដ្ឋីបានហៅអ្នកបម្រើ មកសួរជាថ្មីថា៖

– អាឯងបានទៅហើយ មានអញ្ជើញគាត់ឲ្យប្រញាប់មកឬទេ?

– បាទទាន ខ្ញុំជម្រាបអញ្ជើញគាត់ហើយ…

– ហើយគាត់ឆ្លើយថាម៉េច?

– គាត់ថា មិនបានមកទេព្រោះគាត់មិនស្រួលខ្លួន។

សេដ្ឋីផ្ទុះកំហឹង មុខឡើងក្រហម៖

– រួចចុះម្ដេចក៏អាឯងមិនប្រាប់ តាំងពីដំបូងមក ទុកឲ្យអញនិងភ្ញៀវរង់ចាំ មកដល់ថ្មើរនេះ រហូតម្ហូបអាហារត្រជាក់អស់?

– បាទទាន… មកពីលោកមិនសួរ!



You may also like

កំសាន្ដ

«ស្ពានវែងជាងគេ ក្នុងពិភពលោក» សំណើចខ្លី

សុខនិងសៅដើក្នុងព្រៃ បានប្រទះឃើញផ្លែត្នោតមួយយ៉ាងធំ ខុសពីផ្លែត្នោតធម្មតា។ សៅឧទានឡើង៖ សៅ៖ យី ផ្លែត្នោតអីក៏ធំម្លេះ តាំងពីតូចមក អញមិនដែលប្រទះឃើញ ផ្លែត្នោតណាធំដល់ប៉ុណ្ណឹងទេ … សុខ៖ ឃើញផ្លែត្នោតប៉ុណ្ណឹងថាធំ ...
កំសាន្ដ

«ប្រពន្ធ​អញ​កើត​ អេដស៍ !» សំណើចខ្លី

ពីរនាក់​ប្ដី​ប្រពន្ធ​ជា​អ្នក​ជំងឺ​ អេដស៍ តែពួក​គេ​ស្រលាញ់​គ្នា​ រស់នៅ រកស៊ី​មានលុយ​មាន​កាក់ ​មាន​ផ្ទះ​សម្បែង​ធំ​គួរ​សម។​ ថ្ងៃ​មួយ ​ចោរ​ស្លៀក​លីអូម្នាក់ បានចូល​មក​ប្លន់ ​ហើយ​ឃើញ​នាង​ជា​ប្រពន្ធ​ស្អាត ក៏​ចូល​ទៅ​ចាប់​រំលោភ។ ​ពេល​នោះ​ បុរស​ជា​ប្ដី​ចេញ​មក​ទាន់​ ...
កំសាន្ដ

«យក​លោកសង្ឃ» សំណើចខ្លី

សុខនិងសៅ កំពុងអង្គុយទទួលទានពោតស្ងោរនៅ មាត់ទន្លេ ខាងមុខព្រះបរមរាជវាំង។ រំពេចនោះ មាននារីពីរនាក់ពាក់អាវពណ៌លឿង ជិះម៉ូតូកាត់ពីមុខ។ សុខឃើញដូច្នេះ ក៏ស្រែកបែបបញ្ឆិតបញ្ឆៀងឡើង៖ – វើយ ញ៉ាំពោតអស់ប៉ុន្មានក៏អស់ចុះ ឲ្យតែបានលឿង! ...

Comments are closed.

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...
កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...