កម្ពុជាដំណឹង

នាយករដ្ឋមន្ត្រី​ខ្មែរ​និយាយ​ពី​«ក្បួន​ចាក់ទឹក​ក្រៅ​ពាង»

លោក ហ៊ុន សែន នាយករដ្ឋមន្ត្រីកម្ពុជា និងភរិយារបស់លោក គឺអ្នកស្រី ប៊ុន រ៉ានី។ (រូបថត EPA)

ពីខេត្តកណ្ដាល ក្នុងព្រឹកថ្ងៃទី២៦ ខែធ្នូ ឆ្នាំ២០១៨នេះ លោកនាយករដ្ឋមន្ត្រី ហ៊ុន សែន បានថ្លែងនៅចំពោះ កម្មករ-កម្មការិនីច្រើនពាន់នាក់ ពីក្បួនរួមរ័ក្សមួយ ដែលលោកហៅថា ជាពាក្យចាស់ ដែលមានឈ្មោះ «ក្បួនចាក់ទឹកក្រៅពាង»។

បុរសខ្លាំងកម្ពុជា បានរៀបរាប់ថា ដោយសារនយោបាយរបស់លោក ក្នុងការគាំពាមាតា ពេលមានផ្ទៃពោះនោះ កម្មការិនីដែលរៀបអាពាហ៍ពិពាហ៍រួចហើយ នឹងមិនទំនេរពោះយូរទេ ដោយលោកចង់មានន័យថា នឹងប្រាកដជាឆាប់មានផ្ទៃពោះ។

លោកបានមានប្រសាសន៍ថា៖

«ធម្មតាទេអាហ្នឹង ក៏មានអ្នកខ្លះ គេក៏ត្រូវការទំនេរ អ្នកខ្លះគេក៏មិនត្រូវការទំនេរដែរ។ ក៏ប៉ុន្តែសម្រាប់ពូវិញ ពូអត់មានមធ្យោបាយទេ កាលពីដើមនោះ។ ឥឡូវនេះ គេមានមធ្យោបាយ តែពូនៅតែអត់យល់ ហេតុអ្វី បានពូកូនមួយឆ្នាំមួយៗ?»

នាយករដ្ឋមន្ត្រីកម្ពុជា បានឆ្លើយដោយខ្លួនលោកថា៖

«ព្រោះអត់ចេះក្បួន។ ចេះក្បួនពន្យាកំណើត។ ឥឡូវនេះ គេចេះក្បួនអស់ហើយ ក្បួនស្អីក្បួនស្អីនោះ។»

បើទោះជាលោក ហ៊ុន សែន បានការពារ ពាក្យសំដីលោក ថានិយាយមិនបានទេ ដោយ​វាជាពាក្យ​«អាសអាភាស»​នោះ​ក៏ដោយ ក៏បុរសខ្លាំងកម្ពុជា នៅបន្ត​សំដីលោក​ទៀត​ថា៖

«ចាស់ៗគេថា ក្បួនចាក់ទឹកក្រៅពាង! (…) សូមទោស ប្រឹងរែកចង់ងាប់ ៗ ហើយយកមកចាក់ក្រៅពាងអាម៉េច បើមិនចាក់បញ្ចូលពាង? សូមទោសណាក្មួយ។»៕



លំអិតបន្ថែមទៀត

កម្ពុជា

ហ៊ុន សែន៖ «ស្ថានភាពរំជើបរំជួល និង​ធ្ងន់ធ្ងរ តែសូមកុំស្លន់ស្លោរ»

លោកនាយករដ្ឋមន្ត្រី ហ៊ុន សែន បានបញ្ចេញសារបន្ទាន់មួយ ក្នុងយប់ថ្ងៃទី៩ ខែវិច្ឆិកា​នេះ ដើម្បីបញ្ជាក់​ពី«ស្ថានភាពរំជើបរំជួល និងធ្ងន់ធ្ងរ» នៅក្នុងរាជធានី-ខេត្តមួយចំនួន បន្ទាប់ពី​ក្រសួងសុខាភិបាល បានអះអាង ពីការរកឃើញអ្នកជំងឺ«Covid-19» ចំនួនបីនាក់ ...
កម្ពុជា

ព្រឹទ្ធសមាជិក​បារាំង៖ ហ៊ុន សែន ជា​អ្នកបំផ្លាញ EBA ខណៈ EU មិនដកថយ

លោក អង់ឌ្រេ ហ្គាតូឡាំង (André Gattolin) សមាជិកព្រឹទ្ធសភា​​មកពី​គណបក្ស​​កាន់អំណាច របស់ប្រទេសបារាំង បានថ្លែងខ្លាំងៗ​ទម្លាក់​ការទទួល​ខុសត្រូវ នៃការបាត់បង់ ប្រព័ន្ធ​​អនុគ្រោះ​ពន្ធ «EBA» ទៅលើការដឹកនាំ របស់លោកនាយករដ្ឋមន្ត្រី ...
កម្ពុជា

កម្ពុជា​មានពេល​៦ខែ ដើម្បី​«ស្ដារស្ថានភាព»​បើចង់រក្សាទុក EBA

ការប្រកាសបើកនីតិវិធីផ្លូវការ ដើម្បីឈានទៅដកប្រទេសកម្ពុជា ចេញពីកម្មវិធីអនុគ្រោះពន្ធ «EBA» មិនមែនជាសេចក្ដីសម្រេចចុងក្រោយ របស់សហភាពអ៊ឺរ៉ុប ដែលថានឹងត្រូវព្យួរប្រព័ន្ធអនុគ្រោះពន្ធ ក្នុងពេលនេះទេ។ ប៉ុន្តែសម្រាប់សហភាពអ៊ឺរ៉ុប វាជាការកំណត់ពេលវេលា ដែលមានកាលវិភាគច្បាស់លាស់ ដើម្បីឈានទៅកាន់ទិសដៅនោះ ប្រសិនណាជាប្រទេសកម្ពុជា ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.