កម្ពុជាដំណឹង

អ្នកជំនាញ អ.ស.ប ស្នើ​ឲ្យ​ដោះលែង​​​យុវជន​​​និយម កែម ឡី ទាំង​ពីររូប

ក្រុមអ្នកជំនាញសិទិ្ធមនុស្ស អ.ស.ប (អង្គការសហប្រជាជាតិ) នៅថ្ងៃនេះ បានអំពាវនាវឲ្យអាជ្ញាធរកម្ពុជាដោះលែង និងទម្លាក់ចោលបទចោទទាំងឡាយ លើបុរសពីររូប ដែលត្រូវបានចាប់ខ្លួន ពាក់ព័ន្ធនឹងសកម្មភាពរំឭកខួបបីឆ្នាំ នៃការធ្វើឃាតលើ លោក កែម ឡី អ្នកវិភាគនយោបាយ និងសកម្មជនសង្គម។

លោក គង់ រ៉ៃយ៉ា ត្រូវបានចាប់ខ្លួន នៅថ្ងៃទី០៩ ខែកក្កដា ឆ្នាំ២០១៩ ពាក់ព័ន្ធនឹងការបង្ហោះលើទំព័រហ្វេសប៊ុក លក់អាវយឺតដែលមានរូបលោក កែម ឡី និងផ្តល់ព័ត៌មានលម្អិត អំពីសេវាតាក់ស៊ីធ្វើដំណើរ ទៅកាន់កន្លែងប្រារព្ធពិធីរំឭកខួប នៅថ្ងៃបន្ទាប់។ លោក សួង នាគព័ន្ធ ត្រូវបានចាប់ខ្លួន នៅថ្ងៃទី១០ ខែកក្កដា ឆ្នាំ២០១៩ ខណៈពេលដែលលោកកំពុងព្យាយាមចូលរួម ក្នុងពិធីបុណ្យរំឭកខួបលោក កែម ឡី។ បុរសទាំងពីររូបនោះ ត្រូវបានចោទប្រកាន់ ពីបទញុះញង់ឲ្យប្រព្រឹត្តបទឧក្រិដ្ឋ។

ក្រុមអ្នកជំនាញ អ.ស.ប បានមានប្រសាសន៍ថា៖

«យើងមានកង្វល់ អំពីការចាប់ខ្លួន ការឃុំខ្លួន និងការចោទប្រកាន់ពីបទព្រហ្មទណ្ឌទៅលើលោក គង់ រ៉ៃយ៉ា និងលោក សួង នាគព័ន្ធ (…) យោងតាមព័ត៌មានដែលយើងទទួលបាន លោកគង់ រ៉ៃយ៉ា និងលោក សួង នាគព័ន្ធ បានចូលរួមក្នុងការអនុវត្តស្របច្បាប់ នូវសេរីភាពក្នុងការសម្តែងមតិរបស់ពួកគេ ហើយលោក សួង នាគព័ន្ធ ហៀបនឹងបានចូលរួម នៅក្នុងពិធីបុណ្យរំឭកខួបដោយសន្តិវិធី។ ជាថ្មីម្តងទៀត យើងមានកង្វល់ថា អាជ្ញាធរកំពុងកំណត់គោលដៅ លើសេរីភាពក្នុងការបញ្ចេញមតិ និងការជួបប្រជុំដោយសន្តិវិធី។»

ក្រុមអ្នករាយការណ៍ពិសេស បានសម្តែងកង្វល់កន្លងមក អំពីការបង្ក្រាប ដែលនៅតែកើតមាន ទៅលើសង្គមស៊ីវិល និងទៅលើការអនុវត្តសេរីភាពជាមូលដ្ឋាន។

ក្រុមអ្នកជំនាញបានមានប្រសាសន៍ថា៖

«យើងសូមអំពាវនាវជាថ្មីម្តងទៀត ដល់រដ្ឋាភិបាល ឲ្យបង្វែរនិន្នាការ ដែលធ្លាក់ចុះនាពេលបច្ចុប្បន្ននៃការអនុវត្ត នូវសេរីភាពជាមូលដ្ឋាន (…) ការពិភាក្សាដោយបើកចំហលើប្រធានបទផ្សេងៗ សូម្បីតែនៅពេលដោះស្រាយបញ្ហារសើប ឬបញ្ហាសំខាន់ៗក៏ដោយ  មិនគ្រាន់តែជាការបញ្ចប់បញ្ហា ដែលកើតមានប៉ុណ្ណោះទេ វាថែមទាំងជាមធ្យោបាយមួយដើម្បីលើកកម្ពស់មតិយោបល់ គំនិតច្នៃប្រឌិត និងការពិភាក្សាដេញដោល ដែលចាំបាច់ដើម្បីជំរុញកម្ពុជា ឲ្យឆ្ពោះទៅរកការអភិវឌ្ឍប្រកបដោយចីរភាព និងសន្តិភាពយូរអង្វែង។»

អ្នកជំនាញ អ.ស.ប ទាមទារឲ្យសើបករណី កែម ឡី ដោយឯករាជ្យ

ក្រុមអ្នករាយការណ៍ពិសេស ក៏បានសម្តែងកង្វល់ផងដែរថា រយៈពេលបីឆ្នាំកន្លងមកនេះ ហាក់មិនមានការស៊ើបអង្កេតដោយឯករាជ្យ និងមិនលំអៀងជាក់ស្តែងណាមួយ ទៅលើករណីឃាតកម្មលើលោក កែម ឡី នោះទេ។

បន្ទាប់ពីសវនាការកន្លះថ្ងៃ នៅថ្ងៃទី២៣ ខែមីនា ឆ្នាំ២០១៧ សាលាដំបូងរាជធានីភ្នំពេញ បានរកឃើញបុគ្គលមួយរូប ថាមានពិរុទ្ធ ពីបទឃាតកម្ម ហើយបានផ្តន្ទាទោសបុគ្គលរូបនោះ ដាក់ពន្ធនាគារអស់មួយជីវិត។ នៅថ្ងៃទី២៤ ខែឧសភា ឆ្នាំ២០១៩ តុលាការកំពូលបានតំកល់ទោស ដាក់ពន្ធនាគារអស់មួយជីវិតនោះ។

ការស៊ើបអង្កេត ដែលកំពុងបន្តស្វែងរកអត្តសញ្ញាណជនដទៃទៀត ដែលជាប់ពាក់ព័ន្ធ នឹងការធ្វើឃាតលើលោក កែម ឡី ទំនងជាត្រូវជាប់គាំងហើយ ដោយគ្មាននរណាម្នាក់ត្រូវបានកោះហៅពាក់ព័ន្ធ នឹងការស៊ើបអង្កេតនេះឡើយ។

ក្រុមអ្នករាយការណ៍ពិសេស បានមានប្រសាសន៍ថា៖

«យើងមានកង្វល់ អំពីការខកខានជាក់ស្តែងមិនបានធ្វើការស៊ើបអង្កេត ឲ្យបានគ្រប់គ្រាន់ ដើម្បីបញ្ជាក់ឲ្យច្បាស់ អំពីករណីឃាតកម្មលើលោក កែម ឡី (…) យើងសូមអំពាវនាវឲ្យរដ្ឋាភិបាលបង្កើតស្ថាប័នឯករាជ្យមួយ ដើម្បីធ្វើការស៊ើបអង្កេតប្រកបដោយតម្លាភាព និងមិនលំអៀង ឲ្យបានឆាប់តាមដែលអាចធ្វើទៅបាន។»

នៅក្នុងដំណើរការនីតិវិធីព្រហ្មទណ្ឌ ប្រឆាំងនឹងសំឡេងឯករាជ្យដទៃទៀត ដូចជាអ្នកយកព័ត៌មាន លោក អ៊ួន ឈិន និង លោក យាង សុទ្ធារិន ក្រុមអ្នកជំនាញបានអំពាវនាវឲ្យរដ្ឋាភិបាលកម្ពុជា ចាត់វិធានការជាបន្ទាន់ និងប្រកបដោយអត្ថន័យ ដើម្បីការពារសុវត្ថិភាពអ្នកសារព័ត៌មាន ដែលត្រូវបានវាយប្រហារ ចំពោះការអនុវត្តសិទ្ធិសេរីភាពសម្តែងមតិ របស់ពួកគេ។

ក្រុមអ្នកជំនាញ អ.ស.ប បានទំនាក់ទំនងប្រាប់ពីកង្វល់ របស់ពួកគាត់ ទៅរដ្ឋាភិបាលកម្ពុជារួចហើយ៕

(English below) – UN EXPERTS CONCERNED BY ARRESTS AROUND KEM LEY MEMORIAL… យើង សូម អំពាវនាវ ឲ្យ អាជ្ញាធរ កម្ពុជា ដោះលែង និង ទម្លាក់ ចោល បទ ចោទ ទាំងឡាយ លើ លោក គង់ រ៉ៃយ៉ា និងលោក សួង នាគព័ន្ធ។

Posted by Special Rapporteur Cambodia on Friday, July 26, 2019


លំអិតបន្ថែមទៀត

កម្ពុជា

កម្ពុជាមានទាហានមួកខៀវម្នាក់ ស្លាប់ ដោយសារ​​ជំងឺ «Covid-19»

លោកឧត្ដមសេនីយទោ ស សាវី ដែលបានបំពេញបេសកកម្ម ក្នុងនាមជាកងកម្លាំង របស់​អង្គការសហប្រជាជាតិ ក្នុងប្រទេសម៉ាលី បានទទួល​មរណភាព ដោយសារ​​ជំងឺ «Covid-19»។ នេះ បើតាមការប្រកាស របស់អង្គការសហប្រជាជាតិ ...
កម្ពុជា

អ្នកវិភាគ​រំលឹក​ពីឃាតកម្ម​មិនសម​ហេតុផល​សម្លាប់ បណ្ឌិត កែម ឡី

រយៈពេលពីរឆ្នាំ​និង៨ខែ បានកន្លងទៅហើយ តែយុត្តិធម៌សម្រាប់លោក«បណ្ឌិត កែម ឡី» អ្នកធ្វើអត្ថាធិប្បាយនយោបាយដ៏ល្បីល្បាញ ដែលរងការបាញ់ប្រហារ នៅកណ្ដាលរាជធានីភ្នំពេញ ហាក់មិនទាន់ចេញ ជារូបរាងនៅឡើយ ដោយហេតុថា មានតែបុរស ជួប ...
កម្ពុជា

សម រង្ស៊ី៖ ស្ដេច​«ទន់ជ្រាយ»​បែបនេះ គឺ​«ឥតប្រយោជន៍»​សម្រាប់​ប្រទេស

សម្រាប់លោក សម រង្ស៊ី ព្រះមហាក្សត្រកម្ពុជាសព្វថ្ងៃ ជាស្ដេច«ទន់ជ្រាយ» «ឥតប្រយោជន៍» ព្រោះ«សំងំសុខតែនៅក្នុងវាំង» និង«មិនដែលឈឺឆ្អាល» អំពីបញ្ហារាស្ត្រម្ដងណាទេ។ មេដឹកនាំប្រឆាំង បានថ្លែងដូច្នេះ នៅក្នុងប្រតិកម្មមួយរបស់លោក ដែលលោកបង្ហោះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...