ក្រសួងមហាផ្ទៃកម្ពុជា បានអះអាងថា អ្នកជាប់ឃុំម្នាក់ ត្រូវបានធ្វើតេស្ដិ៍ បង្ហាញលទ្ធផល«វិជ្ជមានកូវីដ-១៩» ពីក្នុងចំណោមការធ្វើតេស្ដិ៍ ទៅលើអ្នកជាប់ឃុំ​ជាង១០០នាក់ ដែលបានសង្ស័យថា បានជាប់ពាក់ព័ន្ធនឹងករណីលោក ឆែម សាវុធ អគ្គនាយក​នៃអគ្គនាយកដ្ឋាន​ពន្ធនាគារ ដែលត្រូវបានរកឃើញ«​វិជ្ជមានកូវីដ-១៩» កាលពីចុងខែវិច្ឆិកា ឆ្នាំ២០២០។

ការបង្ហើបឲ្យដឹង​របស់ក្រសួងមហាផ្ទៃ ធ្វើឡើងតាមរយៈលិខិតជាផ្លូវការមួយ ដែលរដ្ឋាភិបាលកម្ពុជា​ បានឆ្លើយតបទៅនឹងក្ដីកង្វល់ របស់ក្រុមអ្នកជំនាញសិទ្ធិមនុស្ស នៃអង្គការសហប្រជាជាតិ ដែលបានដាក់លិខិត​ចោទសួរ ទៅរដ្ឋាភីបាល កាលពីដើមខែធ្នូ​។

អ្នកជំនាញសិទ្ធិមនុស្ស អ.ស.ប ចំនួនពីររូប ក្នុងនោះមានអ្នកស្រី រ៉ូណា ស្មីត (Rhona Smith) អ្នករាយការណ៍ពិសេស ស្តីពីស្ថានភាព​សិទ្ធិមនុស្ស​នៅកម្ពុជា​មួយរូបផង បានផ្ញើលិខិតមួយច្បាប់ កម្រាស់៥ទំព័រ កាលពីថ្ងៃទី៤ ខែធ្នូ ឆ្នាំ២០២០ ជូនរដ្ឋាភិបាល​កម្ពុជា ដើម្បីស្នើសុំឲ្យមានការបកស្រាយបំភ្លឺ និងព័ត៌មានបន្ថែម អំពីវិធានការនានា ដែលនឹងត្រូវអនុវត្ត​ដើម្បីធានាថា អ្នកជាប់ឃុំទាំងអស់ នៅក្នុងពន្ធនាគារទាំងឡាយ ដែលលោក ឆែម សាវុធ បានចុះទៅធ្វើ​ទស្សនកិច្ច មានសិទ្ធិទទួលបាន​ការធ្វើតេស្ត​ជំងឺកូវីដ-១៩ ការថែទាំ​សុខភាព​សមស្រប ក្នុងករណីដែលពួកគេ​មានឆ្លងជំងឺកូវីដ-១៩ និងវិធានការបង្ការ ដើម្បីគ្រប់គ្រង​ការរីករាលដាល នៃមេរោគ​ជំងឺកូវីដ-១៩ នេះ។

ឆ្លើយតបនឹងលិខិតរបស់ក្រុមអ្នកជំនាញ ក្រសួងមហាផ្ទៃបានអះអាង ក្នុងលិខិតចុះថ្ងៃទី១ ខែកុម្ភៈ ឆ្នាំ២០២១ថាក្រសួងបានចាត់វិធានការចាំបាច់ជាច្រើន ដើម្បីការពារការរាតត្បាត និងធ្វើកិច្ចអន្តរាគមន៍រហ័ស ដោយបានបង្កើតជាក្រុមការងារមួយឡើង ជាមួយមជ្ឈមណ្ឌលប្រឆាំងជំងឺឆ្លង របស់ក្រសួងសុខាភិបាល។ លិខិតបានសរសេរបន្តថា៖

«អ្នកជាប់ឃុំ​ ទទួលបានការបណ្តុះបណ្តាល អំពីរបៀបតាមដានរោគសញ្ញា ការការពារ ការរាយការណ៍ និងការឆ្លើយតប។ រីឯបុគ្គលិក​ពន្ធនាគារ ត្រូវបានហ្វឹកហាត់ ឲ្យចេះប្រើប្រាស់ឧបករណ៍ធ្វើតេស្តិ៍ ការវេចខ្ចប់សំណាក​ទៅកាន់មន្ទីរពិសោធន៍ និងការឆ្លើយតបបន្ទាន់។ ថ្នាំសម្លាប់មេរោគ “Chlorite” ត្រូវបានបាញ់ប្រចាំសប្តាហ៍ នៅតាមអាគារដាក់អ្នកទោស បន្ទប់នីមួយៗ ទៅលើរថយន្ដដឹកអ្នកទោស  ប៉ុស្តិ៍សុខភាព និងកន្លែងរដ្ឋបាលទូទៅ ស្របតាមគោលការណ៍ណែនាំ របស់អង្គការសុខភាពពិភពលោក និងក្រសួងសុខាភិបាល។»

«យ៉ាងនេះក្ដី អ្នកជាប់ឃុំ ជាង១០០នាក់ ដែលរងការសង្ស័យ ក្នុងការបង្ហាញ​អាការៈ​ជំងឺកូវីដ-១៩ ត្រូវបានយកសំណាក ទៅធ្វើតេស្ដិ៍ ដោយបានបង្ហាញលទ្ធផលអវិជ្ជមានទាំងអស់ លើកលែងតែមួយករណីប៉ុណ្ណោះ ដែលត្រូវបានរកឃើញ វិជ្ជមានកូវីដ-១៩ ពីក្នុងបណ្ដា​ពន្ធនាគារទាំងអស់ នៅកម្ពុជា។»

មិនមានរបាយការណ៍ឯករាជ្យណាផ្សេង អាចបញ្ជាក់បន្ថែម ពីលើការលើកឡើងរបស់រដ្ឋាភិបាលកម្ពុជាខាងលើនេះទេ។ តែការបង្ហើបឲ្យដឹងខាងលើ បានបញ្ជាក់ពីករណីឆ្លងដំបូង នៅក្នុងពន្ធនាគារកម្ពុជា ដែលរងការរិះគន់ថា តូចចង្អៀត និងខ្វះអនាម័យ។

លោកអ្នកអាចពិគ្រោះលំអិត ដោយទាញយកលិខិតទាំងពីច្បាប់ តាមរយៈខ្សែភ្ជាប់ខាងក្រោម៖



លំអិតបន្ថែមទៀត

ទស្សនៈប្រិយមិត្ត

លិខិតអ្នកអាន៖ ​«ការ​អស់​សុពល​​ភាព»ដ៏ចម្លែក​នៃ​កិច្ច​ព្រម​ព្រៀងក្រុងប៉ារីស

«ការ​អស់​សុពល​​ភាព ដ៏ចម្លែក»៖ បន្ទាប់ពីគេចផុត ពីរបបកាប់សម្លាប់រាស្ត្រខ្លួនឯងមក ពលរដ្ឋខ្មែរក៏មិនបាន​សុខ​សាន្តត្រាន​ដែរ គឺនៅអត់ឃ្លាន ភិតភ័យនឹងសន្តិសុខ និងសង្គ្រាមជានិច្ចរហូតដល់មានកិច្ចព្រមព្រៀងមួយ បញ្ចប់​ជម្លោះ​រវាងខ្មែរនឹងខ្មែរ ដែលមានបរទេសជាបង្អែក ប៉ុន្តែកិច្ចព្រមព្រៀងនេះ នៅមានភាពចម្រោងចម្រាស់យ៉ាងខ្លាំង ដោយម្ខាង​យល់ថា ...
ដំណឹង

Covid-19៖ អៀរ៉ង់ហាមឃាត់វ៉ាក់សាំង របស់​អាមេរិក និងអង់គ្លេស

មគ្គុទេសន៍ដ៏កំពូល (Ayatolla) របស់ប្រទេសអៀរ៉ង់ លោក «Ali Khamenei» បានប្រកាសនៅថ្ងៃសុក្រទី៨ ខែមករានេះ ហាមឃាត់ការនាំចូល នូវថ្នាំវ៉ាក់សាំង​បង្ការជំងឺកូវីដ (Covid-19) ដែលផលិតដោយសហរដ្ឋអាមេរិក និងអង់គ្លេស ...
ដំណឹង

ជំនិត ត្រាំ និងជានាយក​ខុទ្ទកាល័យ​សេតវិមាន ធ្វើតេស្ដិ៍វិជ្ជមាន​«Covid-19»

លោក «Mark Meadows» ដែលជា​មនុស្ស​«ជំនិត» របស់លោក ដូណាល់ ត្រាំ (Donald Trump) និងជានាយកខុទ្ទកាល័យ នៅសេតវិមាន បានធ្វើតេស្ដិ៍ ចេញលទ្ធផល ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...