នៅខណៈអាណត្តិរបស់អ្នកស្រី រ៉ូណា ស្មីត (Rhona Smith) ឈានជិតដល់ទីបញ្ចប់នោះ ក្រុមប្រឹក្សាសិទ្ធិមនុស្ស នៃ​អង្គការ​សហប្រជាជាតិ កំពុងពិចារណា​លើបេក្ខភាព របស់«បេក្ខជនបីរូប» ដែលនឹងមកបន្តតំណែង ជាអ្នក​រាយការណ៍​ពិសេស ស្តីពីស្ថានភាព​សិទ្ធិមនុស្ស​នៅ​កម្ពុជា។ នេះ បើតាមរបាយការណ៍ របស់ស្ថាប័នសិទ្ធិមនុស្ស នៃអង្គការ​សហប្រជាជាតិ ដែលទស្សនាវដ្ដី​មនោរម្យ.អាំងហ្វូ បានចូល​ទៅ​ពិគ្រោះ។

អ្នកស្រីសាស្ត្រាចារ្យ រ៉ូណា ស្មីត ត្រូវបានតែងតាំង ឲ្យធ្វើជាអ្នករាយការណ៍ពិសេស ចាប់ពីខែមីនា ឆ្នាំ២០១៥មក។ បើតាមអាណត្តិ ដែលកំណត់​ដោយក្រុមប្រឹក្សាសិទ្ធិមនុស្ស អ្នកស្រី ស្មីត នឹងបញ្ចប់តំណែងខាងលើ នៅត្រឹមខែមីនា ឆ្នាំ២០២១ខាងមុខ។

រីឯបេក្ខជនទាំងបីរូប ដែលត្រូវបានជ្រើសរើស ដោយក្រុមពិគ្រោះយោបល់ ដែលសុទ្ធសឹងជាតំណាង​ មកពីរដ្ឋ​ជាសមាជិកនានា រួមមាន៖

១. លោក វិទិត ម៉ុនតារបន (​Vitit MUNTARBHORN​) ជាជនជាតិថៃ
២. អ្នកស្រី អ៊ួរមីឡា ប៊ុលឡា (​Urmila BHOOLA​) ជាជនជាតិអាហ្វ្រិកខាងត្បូង និង
៣. អ្នកស្រី ខាធឺរីន មួររីស (​Catherine MORRIS​) ជាជនជាតិកាណាដា។

ម្នាក់ពីចំណោម«បេក្ខជនបីរូប» នឹងបន្តតំណែងពី រ៉ូណា ស្មីត

នៅខណៈនេះ អនុសាសន៍របស់ក្រុមពិគ្រោះយោបល់ ដែលលើកពីបេក្ខជនទាំងបីរូបខាងលើ ត្រូវបានបញ្ជូន​ដល់ដៃ​អ្នកស្រី «Nazhat Shameem KHAN» ដែលជា​ប្រធានក្រុមប្រឹក្សាសិទ្ធិមនុស្ស របស់អង្គការសហប្រជាជាតិ។ ហើយ​អ្នកស្រី «Nazhat Shameem KHAN» ក៏កំពុងពិគ្រោះយោបល់ ជាមួយក្រុមរដ្ឋ​ក្នុងតំបន់ដែរ ដើម្បីស្វែងរក​មតិគាំទ្រ​ជាឯកច្ឆន្ទៈ។

បេក្ខជន ដែលនឹងក្លាយជាអ្នករាយការណ៍ពិសេស បន្តពីអ្នកស្រី រ៉ូណា ស្មីត នឹងត្រូវប្រកាសឈ្មោះ នៅចុងខែមីនា​ខាងមុខ ហើយឥស្សរជន​រូបនោះ នឹងត្រូវចូលកាន់មុខតំណែង នៅថ្ងៃទី១ ខែឧសភា ឆ្នាំ២០២១។

ប្រទេសកម្ពុជា ត្រូវបានដាក់ក្រោមការឃ្លាំមើល អំពីបញ្ហាសិទ្ធិមនុស្ស ដោយអនុលោមតាមកិច្ចព្រមព្រៀង​សន្ដិភាព ក្រុងប៉ារីស ឆ្នាំ១៩៩១ ដែលចុះហត្ថលេខា ដោយបណ្ដាភាគីជម្លោះខ្មែរ និងប្រទេសចំនួន១៨ រួមនឹងតំណាង​របស់​អង្គការសហប្រជាជាតិផង។ មាត្រា១៧ នៃកិច្ចព្រមព្រៀងនេះ បានសរសេរថា៖

«ក្រោយពីរយៈកាលអន្តរកាល ត្រូវបានបញ្ចប់ គណៈកម្មការ អ.ស.ប ស្ដីពីសិទ្ធិមនុស្ស គប្បីបន្តតាមដាន​ឲ្យបាន​ដិតដល់ ពីស្ថានភាព​សិទ្ធិមនុស្ស នៅកម្ពុជា ហើយបើចាំបាច់ រួមមានទាំងការតែងតាំង អ្នកធ្វើកំណត់ហេតុ​ពិសេស​ម្នាក់ ដែលត្រូវធ្វើ​របាយការណ៍​ប្រចាំឆ្នាំ ស្ដីពីលទ្ធផល​​នៃការរកឃើញរបស់ខ្លួន ទៅជូនគណៈកម្មការ និង​មហាសន្និបាត។»

បន្ទាប់ពីប្រទេសកម្ពុជា មានរដ្ឋាភិបាលស្របច្បាប់ ក្នុងឆ្នាំ១៩៩៣ អគ្គលេខាធិការអង្គការសហប្រជាជាតិ បាន​តែងតាំង​​បេសកជន​ពិសេសរបស់ខ្លួន ដើម្បីធ្វើជាអ្នកឃ្លាំមើល-រាយការណ៍ ស្ដីពីបញ្ហាសិទ្ធិមនុស្ស ប្រចាំ​នៅកម្ពុជា។ តែចាប់ពីឆ្នាំ២០០៨រហូតមក ការតែងតាំង​ខាងលើ បានប្ដូរមកនៅត្រឹម ជាអ្នករាយការណ៍ពិសេស ដែលតែងតាំង​ដោយ​ក្រុមប្រឹក្សាសិទ្ធិមនុស្សវិញ៕



លំអិតបន្ថែមទៀត

ដំណឹង

អ.ស.ប ប្រាប់​បណ្ដារដ្ឋាភិបាល កុំប្រើ​«Covid-19»​ដើម្បី​រំលោភ​សិទ្ធិមនុស្ស

នៅពេលដែលរដ្ឋាភិបាលទាំងឡាយ ជួបប្រទះនឹងបញ្ហា គួរឱ្យភ័យខ្លាច ក្នុងការការពារប្រជាជន ពីជំងឺកូវីដ-១៩ (Covid-19) ឧត្តមស្នងការ អ.ស.ប ទទួលបន្ទុកសិទ្ធិមនុស្ស អ្នកស្រី មីស្សែល ​បាស្សេឡែត (Michelle ...
ដំណឹង

ការបង្ក្រាប​គ្រឿងញៀន នៅហ្វីលីពីន អាចជា​​«ឧក្រិដ្ឋកម្ម​ប្រឆាំង​មនុស្សជាតិ»

អង្គការលើកលែងទោសអន្តរជាតិ ហៅជាភាសាអង់គ្លេស «Amnesty International» បានទាមទារកាលពីថ្ងៃចន្ទម្សិលម៉ិញ ទៅកាន់អង្គការសហប្រជាជាតិ ឲ្យបើកការស៊ើបអង្កេត ដោយឯករាជ្យមួយ ទៅលើការប្រហារជីវិតមនុស្ស ជាច្រើនពាន់នាក់ ក្រោមផ្លាក​«ការបង្ក្រាប​គ្រឿងញៀន» របស់ប្រធានាធិបតី រ៉ូឌ្រីចូ ...
កម្ពុជា

ស្ត្រី​ប្រធាន​អង្គការ​ម្នាក់​សរសេរទៅ UN ពីការរំលោភ​សិទ្ធិមនុស្ស​នៅកម្ពុជា

ស្ត្រីមេដឹកនាំម្នាក់​នៃស្ថាប័នអន្តរជាតិពីរ អ្នកស្រី ចាយ៉ាន់ធិ ដេវី បាឡាហ្គុរ៊ូ (Jayanthi Devi Balaguru) បានសរសេរលិខិតពីរផ្សេងគ្នា ក្នុងថ្ងៃទី៧ ខែមិនា ឆ្នាំ២០១៩នេះ ជូនទៅអគ្គលេខាធិការរង​ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...