ប្រទេសអៀរ៉ង់ បានបើកឡើងវិញ នូវដំណើរការ​ចម្រាញ់សារធាតុ​អ៊ុយរ៉ាញ៉ូម ប្រមាណជា២០% នៅក្នុងរោងចក្រក្រោមដីរបស់ខ្លួន ក្នុងខេត្ត «Fordo» ស្ថិតតនៅចម្ងាយប្រមាណជា ១៨០គីឡូម៉ែត្រ ភាគខាតត្បូង​រដ្ឋធានីតេអៀរ៉ង់។ បរិមាណនេះ ហួសពីការកំណត់ ដែលមានចែង ក្នុងកិច្ចព្រមព្រៀងអន្តរជាតិ ឆ្នាំ២០១៥។

មន្ត្រីផ្លូវការរបស់រដ្ឋាភិបាលក្រុងតេអៀរ៉ង់ ដែលត្រូវបានដកស្រង់សំដី ដោយបណ្ដាញទូរទស្សន៍រដ្ឋអៀរ៉ង់ បានថ្លែងឡើង​ក្នុងថ្ងៃចន្ទ ទី៤ ខែមករានេះថា៖

«ដំណើរការដើម្បីចម្រាញ់ សារជាតិអ៊ុយរ៉ាញ៉ូម ក្នុងកម្រិត២០% បានចាប់ផ្ដើមធ្វើហើយ នៅក្នុងរោងចក្រ “Shahid Alimohammadi”។»

កាលពីថ្ងៃ៣១ ខែធ្នូ ឆ្នាំ២០២០ រដ្ឋាភិបាលអៀរ៉ង់ បានជូនដំណឹងទៅភ្នាក់ងារអន្តរជាតិ ស្ដីពីថាមពលអាតូមិក (*)  អំពី​បំណង​របស់ខ្លួន ក្នុងការផលិតសារជាតិអ៊ុយរ៉ាញ៉ូម ក្នុងបរិមាណ២០%។ (*) ភ្នាក់ងារអន្តរជាតិ ស្ដីពីថាមពលអាតូមិក ដែលហៅកាត់ថា «AIEA» ជាស្ថាប័នមួយ របស់អង្គការសហប្រជាតិ មានទីតាំងធំក្នុងរដ្ឋធានីវីយែន ប្រទេសអូទ្រីស។

ក្នុងរបាយការណ៍ចុងក្រោយ របស់ភ្នាក់ងារអង្គការសហប្រជាតិ ដែលចេញផ្សាយឲ្យដឹង កាលពីអំឡុងខែវិច្ឆិកា បានអះអាងថា ក្រុងតេអៀរ៉ង់ បានចម្រាញ់សារជាតិអ៊ុយរ៉ាញ៉ូម ហួសពីកម្រិត ៣.៦៧% ដែលមានចែងក្នុងកិច្ចព្រមព្រៀង ឆ្នាំ២០១៥ តែមិនបានផលិត​ឲ្យ​លើសពី ៤.៥%នោះទេ។

ប៉ុន្តែសំនុំរឿងផលិតសារជាតិ ដែលអាចត្រូវយកទៅផលិតសព្វាវុធនុយក្លេអ៊ែរ បានកម្រើកឡើងវិញ ចាប់ពីការធ្វើឃាត ទៅលើលោក «Mohsen Fakhrizadeh» អ្នកប្រាជ្ញជំនាញខាងនុយក្លេអ៊ែរ ជាតិអៀរ៉ង់ កាលពីចុងខែវិច្ឆិកា នៅខណៈអ្នកប្រាជ្ញរូបនេះ កំពុងធ្វើដំណើរ​តាមផ្លូវ ជាមួយភរិយាលោក អមដោយអង្គរក្សជាច្រើននាក់។

រដ្ឋាភិបាលអៀរ៉ង់ បានចោទប្រកាន់ប្រទេសអ៊ីស្ត្រាអែល ថារៀបចំ និងនៅពីក្រោយអំពើឃាតកម្មខាងលើ ហើយក្នុងពេលភ្លាមៗ រដ្ឋសភាអៀរ៉ង់ បានអនុម័តច្បាប់ ដ៏ប្រទាំងប្រទើសមួយ អនុញ្ញាតឲ្យចម្រាញ់សារជាតិអ៊ុយរ៉ាញ៉ូម យ៉ាងហោច ២០% និងបិទបញ្ចប់ នូវអធិការកិច្ច របស់ភ្នាក់ងារអន្តរជាតិខាងលើ ដែលមានកាតព្វកិច្ច ត្រួតពិនិត្យប្រទេសអៀរ៉ង់ កុំឲ្យផលិតសារជាតិអ៊ុយរ៉ាញ៉ូម ដើម្បី​យកទៅធ្វើ​​គ្រាប់បែក​ប្រល័យលោក៕



You may also like

ដំណឹង

មេ​ដឹកនាំ​កូរ៉េ​ខាង​ជើង ប្រាប់​នាយទាហាន​ឲ្យ​ពង្រឹង​កងទ័ព

លោក គីម ជុងអ៊ុន (Kim Jong Un) មេ​ដឹកនាំ​កូរ៉េ​ខាង​ជើង បានចេញបទបញ្ជា ទៅកាន់នាយទាហាន ដែលនៅក្រោមបង្គាប់លោក ឲ្យបង្កើនមធ្យោបាយ ដើម្បីពង្រឹងសមត្ថភាពកងទ័ព របស់ប្រទេសកុម្មុយនីស្ដិ៍។ ...
ដំណឹង

ត្រាំ៖ «បើ​អៀរ៉ង់​ចង់ធ្វើ​សង្គ្រាម នោះ​អៀរ៉ង់​នឹង​ត្រូវចប់ ជាស្ថាពរ»

នៅមុននេះបន្តិច ប្រធានាធិបតីអាមេរិក លោក ដូណាល់ ត្រាំ (Donald Trump) បានគម្រាមកម្ទេចប្រទេសអៀរ៉ង់ ឲ្យចប់«ជាស្ថាពរ» ប្រសិនបើប្រទេសនេះ បើកការវាយប្រហារ ប្រឆាំងនឹងប្រយោជន៍អាមេរិកាំង ដែលលោកប្រធានាធិបតីចាត់ទុកថា ...
ដំណឹង

អៀរ៉ង់ ចេញ​ដីកា​តាមចាប់ខ្លួន ដូណាល់ ត្រាំ ពីបទ​មនុស្សឃាត​និង​ភេរវកម្ម

ប្រធានាធិបតីអាមេរិក លោក ដូណាល់ ត្រាំ (Donald Trump) ត្រូវបានប្រទេសអៀរ៉ង់ចោទប្រកាន់ ពីបទមនុស្សឃាតនិងភេរវកម្ម ជុំវិញមរណភាពមេទ័ពអៀរ៉ង់ម្នាក់  កាលពីដើមខែមករា ឆ្នាំ២០២០។ នេះ បើតាមដីកាតាមចាប់ខ្លួនមួយ  ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...