ដំណឹងពិភពលោក

អៀរ៉ង់ ចេញ​ដីកា​តាមចាប់ខ្លួន ដូណាល់ ត្រាំ ពីបទ​មនុស្សឃាត​និង​ភេរវកម្ម

ប្រធានាធិបតីអាមេរិក លោក ដូណាល់ ត្រាំ (Donald Trump) ត្រូវបានប្រទេសអៀរ៉ង់ចោទប្រកាន់ ពីបទមនុស្សឃាតនិងភេរវកម្ម ជុំវិញមរណភាពមេទ័ពអៀរ៉ង់ម្នាក់  កាលពីដើមខែមករា ឆ្នាំ២០២០។ នេះ បើតាមដីកាតាមចាប់ខ្លួនមួយ  របស់សាធារណរដ្ឋអ៊ីស្លាមអៀរ៉ង់ ចុះថ្ងៃចន្ទទី២៩ ខែមិថុនា ដែលត្រូវបានទីភ្នាក់ងារព័ត៌មានផ្លូវការ «Fars» ដកស្រង់មកផ្សព្វផ្សាយ។

នៅ​ក្នុង​​​ដីកានោះ តុលាការ​អ៊ីរ៉ង​​ បញ្ជាឲ្យតាម​ចាប់​ខ្លួន ​លោក ដូណាល់ ត្រាំ ព្រមទាំង​ទាហាន​​ជាន់​ខ្ពស់​ និង​អ្នក​ទទួល​ខុស​ត្រូវ​នយោបាយ​អាមេរិក ចំនួន​៣៥​នាក់ ផ្សេង​ទៀត។

បើតាមរដ្ឋអាជ្ញាអៀរ៉ង់ លោក «Ali Alqasimehr» ដែលត្រូវបានស្រង់សំដី ដោយ​ទីភ្នាក់ងារ​ព័ត៌មានផ្លូវការ បានអះអាងថា អាជ្ញាធរអៀរ៉ង់ បានស្នើទៅ​នគរបាល​អន្តរជាតិ «InterPol» ដើម្បីឲ្យតាមចាប់ខ្លួន ប្រធានាធិបតីអាមេរិក និងជាពិសេស ​ស្នើឲ្យ​ស្ថាប័នអន្តរជាតិមួយនេះ ដាក់លោក ត្រាំ ទៅក្នុងបញ្ចីក្រហម។

លោករដ្ឋអាជ្ញាបន្តថា សំណើរខាងលើ ជាសារដ៏ច្បាស់ និងដ៏ខ្លាំងមួយ ទៅកាន់​សហគម​អន្តរជាតិ ក្នុងកិច្ចសហការជាមួយនគរបាលអន្តរជាតិ។

សម្រាប់ក្រុមអ្នកឃ្លាំមើល បានលើកឡើងថា សកម្មភាពរបស់ប្រទេសអៀរ៉ង់ មានលក្ខណៈបម្រើឲ្យនយោបាយរបស់ខ្លួន ជាជាងចំណាត់ការផ្នែកយុត្តិធម៌ ហើយនគរបាលអន្តរជាតិ មានសិទ្ធិនឹងមិនធ្វើតាម សំណើរខាងលើនេះទេ។

លោកឧត្ដមសេនីយ៍ «Qassem Soleimani» មេទ័ពដ៏សំខាន់ម្នាក់ របស់ប្រទេសអៀរ៉ង់ បានទទួលមរណភាព នៅក្នុងការវាយប្រហារមួយ ដោយយន្ដហោះគ្មានមនុស្សបើក «Drone» ទៅលើក្បួនរថយន្ដ របស់កងទ័ពអៀរ៉ង់ នៅក្នុងប្រទេសអៀរ៉ាក់ កាលពីថ្ងៃទី៣ ខែមករា ឆ្នាំ២០២០។

ការវាយប្រហារនោះ ជាបញ្ជាផ្ទាល់របស់លោក ដូណាល់ ត្រាំ ដោយមិនបាន​ជូនដំណឹង ទៅ​កាន់រដ្ឋសភាអាមេរិកទេ និងត្រូវបានធ្វើឡើង ៣ថ្ងៃក្រោយសមយុទ្ធមួយ របស់​កង​កម្លាំង​ពិសេស ដែលមានទំនោរ​ទៅរកប្រទេសអៀរ៉ង់ ប្រឆាំង«តំបន់បៃតង»​នៅក្នុង​រដ្ឋធានី​បាដាត (អៀរ៉ាក់)។

ការធ្វើសមយុទ្ធ ប្រឆាំង«តំបន់បៃតង» ត្រូវបានចាត់ទុក ថាជាការគម្រាមដោយចេញមុខ ពីសំណាក់ប្រទេសអៀរ៉ង់ ព្រោះ«តំបន់បៃតង» ជាតំបន់ពិសេស តំណាងឲ្យអំណាច និងផលប្រយោជន៍ របស់បស្ចឹមលោក នៅក្នុងប្រទេសអៀរ៉ាក់។ ស្ថានទូតសហរដ្ឋអាមេរិក ក៏មានទីតាំង ស្ថិតក្នុងតំបន់នោះដែរ៕



លំអិតបន្ថែមទៀត

ដំណឹង

Covid-19 ៖ រង​ការរិះគន់​ធ្ងន់ពេក ដូណាល់ ត្រាំ ប្រតិកម្ម​តបទៅ អូបាម៉ា

បន្ទាប់ពីអតីតប្រធានាធិបតី លោក បារ៉ាក់ អូបាម៉ា (Barack Obama) បានរិះគន់ធ្ងន់ៗ អំពីវិធានការគ្រប់គ្រង ការរាតត្បាតនៃជំងឺ «Covid-19» ដែលហាក់មិនមានប្រសិទ្ធិភាពនោះ លោកប្រធានាធិបតី ដូណាល់ ...
ពីឆ្វេងទៅស្ដាំ៖ លោក ដូណាល់ ត្រាំ ប្រធានាធិបតីចប់អាណត្តិ - បេក្ខជនប្រធានាធិបតី សម្រាប់អាណត្តិថ្មី និងលោក ចូ បៃដេន បេក្ខជនប្រធានាធិបតី នៅសហរដ្ឋអាមេរិក។ (រូបថតសហការី)
ដំណឹង

ក្រុមការងារ បៃដេន គំរាមដេញ ត្រាំ ចេញពីសេតវិមាន បើនៅ​«ក្រាញ​អំណាច»

លោក ដូណាល់ ត្រាំ (Donald Trump) អាចនឹងត្រូវអូសចេញ ពីសេតវិមាន បើសិនជាប្រធានាធិបតីផុតអាណត្តិរូបនេះ នៅ«ក្រាញអំណាច» នៅទីនោះតទៅទៀត។ នេះ បើតាមលោក «Andrew ...
ដំណឹង

បោះឆ្នោត​ប្រធានាធិបតីអាមេរិក៖ បៃដិន ឈ្នះអង្គបោះឆ្នោត ៣០៦សំឡេង

លទ្ធផលព្យាករណ៍ចុងក្រោយ បានចេញផ្សាយឲ្យដឹង នៅទីបំផុត៖ លោក ចូ បៃដិន (Joe Biden) បេក្ខជន​មកពីគណបក្សប្រជាធិបតី បាន«ឈ្នះអង្គបោះឆ្នោត (អ្នកតំណាង​ម្ចាស់ឆ្នោត) រហូតដល់៣០៦​សំឡេង» ទល់នឹងលោក ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...