ទ្វីសធើរ (Twitter) និងហ្វេសប៊ុក (Facebook) បានសម្រេចបិទគណនេយ្យ របស់ប្រធានាធិបតីចប់អាណត្តិ លោក ដូណាល់ ត្រាំ (Donald Trump)។ ក្នុងជំហានដំបូងនេះ គណនេយ្យទ្វីសធើរ របស់ប្រធានាធិបតី ត្រូវបានបិទត្រឹម១២ម៉ោងប៉ុណ្ណោះ តែសហគ្រាសទ្វីសធើរ​បានគម្រាមថា នឹងបិទគណនេយ្យមួយនេះ ជារៀងរហូតទៅ ប្រសិនណាជាសាររបស់លោក ត្រាំ ចំនួន៣ មិនត្រូវបានដកចេញទេនោះ។

ការសម្រេចរបស់ ទ្វីសធើរ និងហ្វេសប៊ុក ធ្វើឡើងក្រោមហេតុផលថា លោក ដូណាល់ ត្រាំ បានបំពានលក្ខន្តិកៈរបស់បណ្ដាញសង្គម។ សហគ្រាសទ្វីសធើរ បានពន្យល់បន្ថែមពីករណីនេះថា៖

«យើងបានទាមទារ ឲ្យលប់ចេញនូវសារចំនួនបី របស់លោក ដូណាល់ ត្រាំ ដោយហេតុថា សារទាំងនេះ បានរំលោភធ្ងន់ធ្ងរ​ និងម្ដងហើយម្ដងទៀត លើលក្ខន្តិកៈរបស់យើង។ បើសារទាំងនេះ មិនត្រូវបានលប់ចេញទេ គណនេយ្យនឹងត្រូវបិទ ជារៀងរហូតទៅ។»

រីឯហ្វេសប៊ុកវិញ បានអះអាងថា៖

«យើងបានរកឃើញ នៅលើទំព័ររបស់ប្រធានាធិបតី ដូណាល់ ត្រាំ នូវការបំពានពីរដង ចំពោះលក្ខន្តិកៈរបស់យើង ដែលតម្រូវឲ្យយើង ត្រូវបិទទំព័រនេះ សម្រាប់រយៈពេល២៤ម៉ោង។ ក្នុងរយៈពេលនេះ លោក ដូណាល់ ត្រាំ មិនមានលទ្ធភាព ក្នុងការបង្ហោះអ្វីមួយបានទេ។»

ទន្ទឹមនឹងវិធានការនេះ ហ្វេសប៊ុកបានលប់ចោល នូវវីដេអូមួយរបស់លោក ត្រាំ ដែលបានអំពាវនាវឲ្យអ្នកគាំទ្រ វិលត្រឡប់ទៅផ្ទះវិញ។ នៅក្នុងវីដេអូនោះ លោក ត្រាំ នៅតែបន្តចោទប្រកាន់ ដោយគ្មានភស្ដុតាងថា ការបោះឆ្នោតប្រធានាធិបតីអាមេរិក ត្រូវបានលួចបន្លំ។

ចំណាត់ការរខាងលើ បានកើតឡើង នៅក្រោយការទន្ទ្រានកាន់កាប់វិមានកាពីតូល (វិមានសភាអាមេរិក) កាលពីរសៀលថ្ងៃពុធ​ម្សិលមិញ ដោយក្រុមអ្នកនិយមលោក ត្រាំ ដែលបណ្ដាលឲ្យមនុស្ស៤នាក់ស្លាប់។ នេះ បើតាមតុល្យភាពចុងក្រោយ ដែលទើបនឹងធ្លាក់មកដល់ នៅមុននេះ៕



You may also like

ដំណឹង

ចូ បៃដិន ថ្លែងសារដំបូង៖ «ពលរដ្ឋ​បានបញ្ចេញ​សម្លេង​របស់ពួកគេ»

«ពលរដ្ឋ​បានបញ្ចេញ​សម្លេង​របស់ពួកគេ និងបានផ្ដល់ឲ្យយើង នូវជ័យជំនះ» នេះ ជាការថ្លែងរបស់លោក ចូ បៃដិន (Joe Biden) ប្រធានាធិបតីជាប់ឆ្នោត នៃសហរដ្ឋ​អាមេរិក ដែលជាសារដំបូង ថ្លែងទៅកាន់​អ្នកគាំទ្រ ...
ដំណឹង

ត្រាំ ថារដ្ឋបាលអាមេរិកមិន​ពាក់ព័ន្ធ​នឹង​«ការឈ្លានពាន»​នៅ​វេណេស៊ុយអេឡា

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាង ក្នុងថ្ងៃអង្គារនេះថា រដ្ឋាភិបាល​​របស់លោក មិនជាប់ពាក់ព័ន្ធនឹង«ការឈ្លានពាន» ឬ«ការប៉ុនប៉ងឈ្លានពាន»​ណាមួយ តាមផ្លូវសមុទ្រ នៅប្រទេស​វេណេហ្ស៊ុយអេឡានោះទេ។ ...
ដំណឹង

ដូណាល់ ត្រាំ ថា​បានលេប​ថ្នាំ​ការពារ​«គ្រុនចាញ់»​តាំងពី​១០ថ្ងៃ​ហើយ

លោក ដូណាល់ ត្រាំ (Donald Trump) បានបង្ហើបប្រាប់គេឯង ក្នុងថ្ងៃចន្ទនេះ ថាលោកបានលេបថ្នាំ អ៊ីឌ្រូស៊ីក្លរូគីន (Hydroxychloroquine) ដែលជាថ្នាំប្រឆាំងជំងឺ«គ្រុនចាញ់» តាំងពីច្រើនថ្ងៃមកហើយ ខណៈរូបលោក ...

Comments are closed.

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...
កីឡា និងបច្ចេកវិទ្យា

បាល់ទាត់​ពិភពលោក​ផ្នែកស្ត្រី ៖ អេស្ប៉ាញ​ឈ្នះអង់គ្លេស​និងលើកពានដំបូង

ប្រទេសអេស្ប៉ាញ បានលើកពាន«បាល់ទាត់​ពិភពលោក​ផ្នែកស្ត្រី» ជាលើកដំបូង នៅក្នុងប្រវត្តិបាល់ទាត់របស់ខ្លួន បន្ទាប់បានបំបាក់ក្រុមបាល់ទាត់ជម្រើសជាតិផ្នែកស្ត្រី របស់ប្រទេសអង់គ្លេស ដោយពិន្ទុ១-០ ក្នុងការប្រកួតផ្ដាច់ព្រ័ត្រ នៅល្ងាច​ថ្ងៃអាទិត្យទី២០ ខែសីហា ឆ្នាំ២០២៣នេះ នាកីឡដ្ឋាន«Australia stadium» ...