សហគ្រាសហ្វេសប៊ុក ដែលកំពុងគ្រប់គ្រងបណ្ដាញសង្គម«យក្ស»ជាច្រើន នៅលើពិភពលោក នឹងប្ដូរឈ្មោះក្លាយជា«មេតា (Meta)»។ នេះ បើតាមការអះអាងរបស់ស្ថាបនិក និងជាអគ្គនាយកក្រុមហ៊ុន លោក«Mark Zuckerberg» ក្នុងថ្ងៃព្រហស្បត្តិ៍ទី២៨ ខែតុលា កាលពីប៉ុន្មានម៉ោងមុន។

សកម្មជន​ការពារអ្នកប្រើប្រាស​បណ្ដាញសង្គម​ជាច្រើននាក់ បានហៅ​ការប្ដូរឈ្មោះនេះ ជា«លេស»ដើម្បីប្ដូរ​ចំណាប់អារម្មណ៍ របស់មហាជននិងអ្នកប្រើប្រាស់ ឲ្យងាកចេញពីរឿងអាស្រូវ ដែលសហគ្រាសយក្ស​​កំពុងមាន​ ក្នុងពេលនេះ។ 

បើតាមលោក​«Mark Zuckerberg» បានឲ្យដឹងថា ការប្ដូរឈ្មោះសហគ្រាសមេ គឺដើម្បីធ្វើឲ្យប្រសើរឡើង នូវរូបភាពតំណាង​ឲ្យសកម្មភាព និងសេវាកម្ម​ទាំងឡាយ របស់សហគ្រាស ខណៈឈ្មោះរបស់សេវាកម្ម (ដូចជាឈ្មោះបណ្ដាញសង្គម ហ្វេសប៊ុក ឬអ៊ិនស្ដាហ្គ្រាម ជាដើម) មិនត្រូវបានផ្លាស់ប្ដូរទេ។

ស្ថាបនិករបស់បណ្ដាញសង្គមយក្ស បានបញ្ជាក់ទៀតថា ការជ្រើសរើសឈ្មោះថ្មី ហៅថា«មេតា (Meta)» ដែលជាភាសាក្រិចជំនាន់ដើម មានន័យថា​«ទៅហួស» ដើម្បីបង្ហាញថា «គឺមានអ្វីៗ ដើម្បីស្ថាបនាបន្ថែម​ជាដរាប»។

លោកអគ្គនាយកបានបន្ថែមថា «Metavers (ដែលចង់ផ្គុំពាក្យពីរ ៖ Meta + Univers)» ជារូបភាពនៃ«អនាគត»របស់ប្រព័ន្ធ​អ៊ិនធើណែត បន្ទាប់ពីពិភពលោកបានស្គាល់រួចហើយ នូវពិភពកំព្យូទ័រ និងពិភពទូរស័ព្ទដៃ។

កាលពីចុងខែកញ្ញា និងចូលមកក្នុងខែតុលានេះ សហគ្រាស«ហ្វេសប៊ុក» ដែលគ្រប់គ្រងបណ្ដាញសង្គមធំៗជាងគេ នៅលើពិភពលោក បានរងការចោទប្រកាន់ថា «គិតតែពីប្រាក់ចំណេញ ជាជាងគិតពីមនុស្ស (ឬអ្នកប្រើប្រាស់)»។ រឿងអាស្រូវត្រូវបានទម្លាយចេញ ដោយអតីតបុគ្គលិករបស់សហគ្រាស គឺអ្នកស្រី«Frances Haugen» អាយុ៣៧ឆ្នាំ ដែលបានប្រគល់ឯកសាររាប់ពាន់សន្លឹក ទៅឲ្យសារព័ត៌មានដ៏ធំរបស់អាមេរិកឈ្មោះ ​«Wall Street Journal»។

ការទម្លាយចេញខាងលើ បានតម្រូវឲ្យស្ថាប័នជាតិធំៗ​ របស់សហរដ្ឋអាមេរិក រួមមានទាំងរដ្ឋសភា និងព្រឹទ្ធសភាផង ប្រកាសបើកការស៊ើបអង្កេត ហើយការរកឃើញថ្មីៗ ត្រូវបានប្រកាសចេញជាបន្តបន្ទាប់ ដោយក្រុមសមាជិកសភា និងសមាជិកព្រឹទ្ធសភា។ អ្នកស្រី«Frances Haugen» ខ្លួនឯងថែមបានដាក់ពាក្យបណ្ដឹង ប្រឆាំងសហគ្រាស ចំនួន៨ពាក្យបណ្ដឹងទៀត ពីបទចោទជាច្រើន ក្នុងនោះមានបទកុហក និងបំភ័ន្ដ ដែលប្រព្រឹត្តិឡើង​ដោយមេដឹកនាំសហគ្រាស៕



You may also like

ពិសេស

ការបញ្ចេញមតិ-​យោបល់ របស់​ប្រិយមិត្ត​គួរឲ្យ​ស្រឡាញ់​ណាស់! តែ…

សូមជម្រាបប្រិយមិត្តថា ការបញ្ចេញមតិ-​យោបល់ ឬការពិភាក្សាទាំងឡាយ គឺជាអទិភាពខ្ពស់បំផុត របស់ទស្សនាវដ្ដី ក្នុងការចែករំលែក ការគោរព និងការពារដល់សិទ្ធិ នៃការបញ្ចេញមតិ។ ហើយមកដល់ថ្ងៃនេះ មិនមានការបញ្ចេញមតិ-​យោបល់ណាមួយ ត្រូវបានលប់ចេញពីទំព័រហ្វេសប៊ុក ឬទំព័រណាផ្សេងទៀត ...
ជីវិតប្រចាំថ្ងៃ

ហេតុអ្វីបានជា​អ្នក​លេង​ហ្វ៊េសប៊ុក​ខ្លះ​ចូល​ចិត្ត​បង្ហោះ​«រឿងរ៉ាវផ្ទាល់ខ្លួន»?

បច្ចុប្បន្ន «Facebook» គឺជាបណ្តាញសង្គមដ៏ធំទូលាយមួយ ដែលមនុស្សរាប់លាននាក់ ទូទាំងពិភពលោក កំពុង​ប្រើប្រាស់​យ៉ាងមាន​ប្រជាប្រិយភាព។ ទោះបីជាយ៉ាងណាក៏ដោយ របៀបនៃកាប្រើហ្វ៊េសប៊ុក របស់បុគ្គល​ម្នាក់ៗ​មានលក្ខណៈ​ខុសៗគ្នា។ អ្នកខ្លះ ប្រើប្រាស់​បណ្តាញ​សង្គមមួយនេះ គ្រាន់តែជាការកម្សាន្ត បង្ហោះរូបភាពម្តងម្កាល ...
កម្ពុជា

សម រង្ស៊ី៖ ហ្វេសប៊ុក​អាច​បិទ​ទំព័រ ហ៊ុន សែន បើ​បន្ត​បង្ក្រា​បអ្នក​ប្រើប្រាស់​បណ្ដាញ​សង្គម

ប្រធានស្ដីទីគណបក្សប្រឆាំងធំជាងគេ នៅក្នុងប្រទេសកម្ពុជា បានអះអាងថា ក្រុមហ៊ុន «Facebook» អាចបិទទំព័រ «Facebook» របស់លោក ហ៊ុន សែន ប្រសិនណាជាអាជ្ញាធរក្រុងភ្នំពេញ នៅតែគាបសង្កត់ និងគំរាមកំហែង ...

Comments are closed.

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...