ដំណឹងអាស៊ី-ប៉ាស៊ីភិក

អៀរ៉ង់​ថា​ខ្លួន​បាន«បាញ់កម្ទេច ឌ្រូនស៊ើបការ​អាមេរិក​មួយគ្រឿង»

យន្ដហោះបញ្ជាពីចំងាយ (Drone) ប្រភេទ «Global Hawk» ផលិតដោយសហគ្រាសអាមេរិក ឈ្មោះ «Northrop Grumman» ត្រូវបាន«បាញ់កម្ទេច» តាំងពីព្រឹកទាបភ្លឺ ក្នុងខេត្ត«Hormozgan» ដែលនៅជាប់សមុទ្រ ភាគខាងត្បូងប្រទេសអៀរ៉ង់។

នេះ បើតាមសេចក្ដីប្រកាសព័ត៌មាន របស់កងទ័ព ដែលបម្រើឲ្យមនោគមន៍វិជ្ជា​អ៊ីស្លាមនិយម ហៅថា«ឆ្មាំបដិវត្តន៍» របស់សារធារណរដ្ឋអ៊ីស្លាម អៀរ៉ង់ ក្នុងព្រឹកថ្ងៃទី២០ ខែមិថុនា ឆ្នាំ២០១៩នេះ។

«ឆ្មាំបដិវត្តន៍» បានបញ្ជាក់ទៀតថា យន្ដហោះតូចមួយនេះ ត្រូវបានកម្ទេច ដោយគ្រាប់កាំជ្រួច របស់កងទ័ពការពារដែនអាកាស នៅតាមបណ្ដោយឆ្នេរសមុទ្រ ត្រង់ចំណុចក្បែរភ្នំ «Mobarak» បន្ទាប់ពីវាបានហោះ «រំលោភចូលដែនអាកាស អៀរ៉ង់»។

ព័ត៌មានខាងលើ ត្រូវបានទូរទស្សន៍ក្នុងស្រុក យកមកផ្សាយយ៉ាងគគ្រឹកគគ្រេង ក្នុងព្រឹកថ្ងៃដដែល តែមិនបានបង្ហាញពីស្នាកស្នាម ឬសំណល់តួយន្ដហោះ ដែលត្រូវបានបាញ់កម្ទេចនោះទេ។

ស្រង់សំដីដោយទីភ្នាក់ងារ រយទ័រ អ្នកទទួលខុសត្រូវម្នាក់ នៃរដ្ឋាភិបាលអាមេរិកាំង ដែលបដិសេធបង្ហាញអត្តសញ្ញាណ បានអះអាងពីព័ត៌មានខាងលើ ថាបានកើតមាន ពិតប្រាកដមែន។

ហេតុការណ៍នេះ បានកើតឡើង ក្នុងខណៈពេល ដែលទំនាក់ទំនងរវាងប្រទេសអៀរ៉ង់ និងសហរដ្ឋអាមេរិក កំពុងស្ថិតក្នុងសភាពដ៏តានតឹងបំផុត មិនធ្លាប់មានពីមុនមក៕



លំអិតបន្ថែមទៀត

កម្ពុជា

ហ៊ុន សែន អះអាង​ចាត់វិធានការ​ទប់ទល់​ទណ្ឌកម្ម​អាមេរិក-អ៊ឺរ៉ុប

បុរសខ្លាំងកម្ពុជា បានប្រកាសថា លោកកំពុងចាត់វិធានការ ដើម្បីទប់ទល់នឹងការដកប្រព័ន្ធអនុគ្រោះពន្ធ របស់សហរដ្ឋអាមេរិក និងសហភាពអ៊ឺរ៉ុប ក្រោមអ្វីមួយ ដែលលោកហៅថា ជា«យុទ្ធនាការពង្រឹងឯករាជ្យ របស់កម្ពុជា»។ លោក​នាយករដ្ឋមន្ត្រី​ ហ៊ុន សែន ...
កម្ពុជា

អាមេរិក​ព្រមាន​ក្រុងភ្នំពេញ​ក្នុងជំហរ​ងាកទៅ​ចិន ដូច«ខ្មែរក្រហម»​បានធ្វើ

ការស្វែងរកយុត្តិធម៌ជូនជនរងគ្រោះ នៅក្នុងរបបប្រល័យពូជសាសន៍ ខ្មែរក្រហម «គួរតែជាការព្រមានដ៍ខ្លាំងមួយ ដល់រដ្ឋាភិបាល នឹងក្រុមអ្នកប្រព្រឹត្តអំពើព្រៃផ្សៃ ឬបំបាត់សម្លេង​ប្រជាជន» ខណៈ «យើងត្រូវចងចំាដែរថា ក្រុមខ្មែរក្រហម​បានពឹងផ្អែកយ៉ាង​ងប់ងល់ ទៅលើមហាអំណាចធំមួយ»។ ខាងលើនេះ ជាដំណកស្រង់ឃ្លាសំខាន់ចំនួនពីរ ...
កម្ពុជា

អ៊ូ វីរៈ៖ ព្រឹទ្ធសមាជិក​ប្រចាំរដ្ឋ មិនមែន​ជា​សមាជិក​ព្រឹទ្ធសភា​អាមេរិក​ទេ

អ្នកវិភាគបញ្ហានយោបាយ និងសង្គម លោក អ៊ូ វីរៈ បានថ្លែងអះអាងថា ព្រឹទ្ធសមាជិក​ប្រចាំរដ្ឋ នៅសហរដ្ឋអាមេរិក មិនមែនជាសមាជិកព្រឹទ្ធសភា នៃសហរដ្ឋអាមេរិកនោះទេ។ ការលើកឡើងរបស់អ្នកវិភាគ ធ្វើឡើងបន្ទាប់ពីប្រព័ន្ធបំពងសម្លេង របស់របបក្រុងភ្នំពេញ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...