ដំណឹងអាស៊ី-ប៉ាស៊ីភិក

នាវាចម្បាំងអៀរ៉ង់​រង​ឧប្បត្តិហេតុ ដោយ​«ការបាញ់​របស់​មិត្ត»​​ពេលធ្វើ​សមយុទ្ធ

កាលពីថ្ងៃអាទិត្យ នាវាចម្បាំងមួយរបស់ប្រទេសអៀរ៉ង់ បានជួបគ្រោះឧប្បត្តិហេតុ ដោយ​«ការបាញ់​របស់​មិត្ត» នូវកាំជ្រួចមួយគ្រាប់ ដែលបណ្ដាលឲ្យនាវានោះលិច និងធ្វើឲ្យមនុស្ស​១៩នាក់ស្លាប់ ១៥នាក់រងរបួស។

ទូរទស្សន៍រដ្ឋរបស់ប្រទេសអៀរ៉ង់ បានរាយការណ៍ពីហេតុការណ៍នេះ ក្នុងថ្ងៃចន្ទ ដោយបានអានសេចក្ដីប្រកាសព័ត៌មាន របស់កងទ័ព ដូច្នេះថា៖

«កាលពីរសៀលថ្ងៃអាទិត្យ នៅក្នុងការធ្វើសមយុទ្ធ ដែលនាំមុខដោយ នាវាជាច្រើនគ្រឿង នៅក្នុងសមុទ្រ “Jask” និង “Chabahar” នាវាគាំទ្រទម្ងន់ស្រាល “Konarak ” បានជួបគ្រោះថ្នាក់។»

«យុទ្ធជន១៩នាក់ បានពលីយ៉ាងអង់អាច និង១៥នាក់ផ្សេងទៀត បានរងរបួស។»

ទីភ្នាក់ងារព័ត៌មាន របស់រដ្ឋអៀរ៉ង់ ឈ្មោះ «Tasnim» បានសរសេរជា​ភាសាអង់គ្លេស នៅលើទំព័រទ្វីសធើរ របស់ខ្លួនដែរថា នាវា «Konarak» បានលិច​ដោយ​«ការបាញ់​របស់​មិត្ត»។

ទីភ្នាក់ងារ «Tasnim» មិនបានបញ្ជាក់លំអិតបន្ថែម អំពីហេតុការណ៍នេះទេ។

នាវា «Konarak» ផលិតដោយប្រទេសហូឡង់ ត្រូវបានប្រទេសអៀរ៉ង់ ទិញនៅមុនបដិវត្តន៍ឥស្លាម ក្នុងឆ្នាំ១៩៧៩។ នាវានេះ មានទំងន់៤៤៧តោន និងមានបណ្ដោយ ប្រវែត ៤៧ម៉ែត្រ។

បើតាមទូរទស្សន៍រដ្ឋអៀរ៉ង់ បានឲ្យដឹងទៀតថា នាវាខាងលើបានបំពាក់ ដោយគ្រាប់មីស៊ីលប្រដេញ ចំនួន៤គ្រាប់។ តែទូរទស្សន៍មិនបានបញ្ជាក់ថា តើកងពលដែលស្ថិតនៅលើនាវា មានចំនួនប៉ុន្មាននាក់ទេ៕



លំអិតបន្ថែមទៀត

ដំណឹង

ត្រាំ រំលើកថា​បាន​លប់ចោល​ការវាយប្រហារ អៀរ៉ង់ ដើម្បី​កុំឱ្យ​ស្លាប់​មនុស្ស

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាងនៅថ្ងៃសុក្រនេះថា លោកមិនជាប្រញាប់ប្រញាល់ណាស់ណា ក្នុងការឆ្លើយតប ដោយកម្លាំងយោធា តបនឹងប្រទេស អៀរ៉ង់ នោះឡើយ។ ...
ដំណឹង

Covid-19៖ អៀរ៉ង់ហាមឃាត់វ៉ាក់សាំង របស់​អាមេរិក និងអង់គ្លេស

មគ្គុទេសន៍ដ៏កំពូល (Ayatolla) របស់ប្រទេសអៀរ៉ង់ លោក «Ali Khamenei» បានប្រកាសនៅថ្ងៃសុក្រទី៨ ខែមករានេះ ហាមឃាត់ការនាំចូល នូវថ្នាំវ៉ាក់សាំង​បង្ការជំងឺកូវីដ (Covid-19) ដែលផលិតដោយសហរដ្ឋអាមេរិក និងអង់គ្លេស ...
ដំណឹង

ត្រាំ៖ «បើ​អៀរ៉ង់​ចង់ធ្វើ​សង្គ្រាម នោះ​អៀរ៉ង់​នឹង​ត្រូវចប់ ជាស្ថាពរ»

នៅមុននេះបន្តិច ប្រធានាធិបតីអាមេរិក លោក ដូណាល់ ត្រាំ (Donald Trump) បានគម្រាមកម្ទេចប្រទេសអៀរ៉ង់ ឲ្យចប់«ជាស្ថាពរ» ប្រសិនបើប្រទេសនេះ បើកការវាយប្រហារ ប្រឆាំងនឹងប្រយោជន៍អាមេរិកាំង ដែលលោកប្រធានាធិបតីចាត់ទុកថា ...

Comments are closed.

យល់ស៊ីជម្រៅផ្នែក ដំណឹង

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...