ដំណឹងពិភពលោក

ត្រាំ រំលើកថា​បាន​លប់ចោល​ការវាយប្រហារ អៀរ៉ង់ ដើម្បី​កុំឱ្យ​ស្លាប់​មនុស្ស

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាងនៅថ្ងៃសុក្រនេះថា លោកមិនជាប្រញាប់ប្រញាល់ណាស់ណា ក្នុងការឆ្លើយតប ដោយកម្លាំងយោធា តបនឹងប្រទេស អៀរ៉ង់ នោះឡើយ។ លោកបានរំលើកទៀតថា លោកបានលុបចោល នូវគម្រោងវាយប្រហារមួយ កាលពីថ្ងៃព្រហស្បតិ៍ ដោយសារការវាយប្រហារនោះ អាចធ្វើឲ្យមានមនុស្សស្លាប់ជាច្រើនមាក់។

លោក ត្រាំ បានលើកឡើងដូច្នេះ នៅលើបណ្ដាញសង្គមទ្វីសធើ ដោយគូសបញ្ជាក់ថា ការវាយប្រហារនោះ បានកំណត់យកទិសដៅ ៣ទីតាំង។ លោកថា លោកបានបញ្ជាឱ្យលុបចោល នូវគម្រោងវាយប្រហារនោះ នៅ១០នាទីមុនពេលកំណត់ បន្ទាប់ពីលោកទទួលដំណឹងថា ការវាយប្រហារអាចធ្វើឱ្យមនុស្សស្លាប់ យ៉ាងតិច១៥០នាក់។

ប្រធានាធិបតីអាមេរិក បានឲ្យដឹងទៀតថា ចំនួនជនរងគ្រោះដល់ថ្នាក់នេះ មិនសមាមាត្រនឹងទង្វើរបស់កងទ័ពអៀរ៉ង ដែលបានបាញ់ទម្លាក់យន្តហោះចារកម្ម ដែលគ្មានមនុស្សបើក (Drone) របស់កងទ័ពអាមេរិក កាលពីពីរថ្ងៃមុនទេ។

សម្រាប់ប្រទេសអៀរ៉ង់វិញ បានបដិសេធថា ខ្លួនមិនបានទទួលព័ត៌មាន នៃការវាយប្រហារ ដែលថាកងទ័ពអាមេរិកនឹងត្រូវធ្វើ ក្នុងពេលឆាប់ៗមកនេះទេ។ នេះបើតាមការអះអាង របស់លោក «Keyvan Khosravi» អ្នកនាំពាក្យក្រុមប្រឹក្សាជាន់ខ្ពស់ សម្រាប់សន្តិសុខជាតិអៀរ៉ង់។

អ្នកនាំពាក្យថែមទាំងច្រានចោល ការផ្សាយព័ត៌មានរបស់សារព័ត៌មានបរទេសចំនួន២ ដែលរាយការណ៍ថា សហរដ្ឋអាមេរិកបានជូនដំណឹង តាមប្រទេសអូម៉ង់ ថាប្រទេសមហាអំណាចត្រៀមបើកការវាយលុក លើកលែងតែក្នុងករណី ដែលអៀរ៉ង់យល់ព្រមចរចា។ លោក «Keyvan Khosravi» បានអះអាង តាមកញ្ចក់ទូរទស្សន៍ជាតិអៀរ៉ង់ថា៖

«ក្នុងករណីនេះ គ្មានអ្វីជាការពិតទាល់តែសោះ៕»



លំអិតបន្ថែមទៀត

ដំណឹង

ត្រាំ ផ្ដល់​ភ្លើងខៀវ​ឲ្យ​ផលិត​«កំពូល​កាំជ្រួច» ដែល​លឿន​ជាងគេ​បំផុត

ប្រធានាធិបតីអាមេរិក លោក ដូណាល់ ត្រាំ (Donald Trump) បានសម្រេច​នៅថ្ងៃ​សុក្រ​នេះ ឲ្យផលិត«កំពូល​កាំជ្រួច» ដែលជាកាំជ្រួចប្រភេទថ្មី លឿនជាងសម្លេង និងលឿនជាង​កាំជ្រួច ដែល​ប្រទេស​រុស្ស៊ី ឬចិន ...
ដំណឹង

នាយករដ្ឋមន្ត្រីហុងគ្រីថា មិនត្រូវ​«លូកដៃ»​ចូលក្នុងនយោបាយ​អាមេរិក

នាយករដ្ឋមន្ត្រីនៃប្រទេសហុងគ្រី លោក វិចទ័រ អ័របង់ (Viktor Orban) ដែលជាអ្នកគាំទ្រលោក ដូណាល់ ត្រាំ (Donald Trump) ដ៏មុតមាំម្នាក់ បានថ្លែងបរិហារ​​អំពីការ​​«លូកដៃ»​ចូលកិច្ចការផ្ទៃក្នុងអាមេរិក ...
ដំណឹង

បារាំងបន្ត​ដាក់សម្ពាធ ខណៈ ត្រាំ ព្រមាន​បញ្ជូនទ័ព​ទៅ​វេណេស៊ុយអេឡា

បារាំងបន្ត​ដាក់សម្ពាធ ដោយបានរំឭកលោក នីកូឡា ម៉ាឌូរ៉ូ (Nicolas Maduro) ប្រធានាធិបតីវេណេស៊ុយអេឡា ក្នុងថ្ងៃអាទិត្យនេះ ជុំវិញឱសានវាទរបស់ខ្លួន ដែលបានដាក់ជាមួយប្រទេសជាច្រើន ក្នុងសហភាពអ៊ឺរ៉ុប កាលពីសប្ដាហ៍មុន។ សហរដ្ឋអាមេរិកវិញ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.