កម្ពុជាដំណឹង

ក្នុង​ទិវា​សិទ្ធិ​មនុស្ស អាមេរិក​ស្នើ​ឲ្យ​ដោះលែង​អ្នក​ទោស​នយោបាយ

និមិត្តសញ្ញារបស់ស្ថានទូតអាមេរិក និងលោក កឹម សុខា មេដឹកនាំគណបក្សសង្គ្រោះជាតិ។ (រូបថតកាត់ត)
និមិត្តសញ្ញារបស់ស្ថានទូតអាមេរិក និងលោក កឹម សុខា មេដឹកនាំគណបក្សសង្គ្រោះជាតិ។ (រូបថតកាត់ត)

ស្ថានទូតសហរដ្ឋអាមេរិក ប្រចាំនៅកម្ពុជា បានឆ្លៀតឱកាស នៃទិវាសិទ្ធិមនុស្សអន្តរជាតិ ថ្ងៃទី១០ ខែធ្នូ ឆ្នាំ២០១៨នេះ ដើម្បីអំពាវនាវជាថ្មី ទៅកាន់របបក្រុងភ្នំពេញ ឲ្យទម្លាក់ចោលបទចោទប្រកាន់ ទៅលើបណ្ដា​អ្នកទោស​នយោបាយ​ទាំងអស់។

ជាមួយនឹងរូបថតលោក កឹម សុខា ប្រធានគណបក្សសង្គ្រោះជាតិ ដែលបង្ហោះនៅលើទំព័រហ្វេសប៊ុកខ្លួន ស្ថានទូតនៃប្រទេសមហាអំណាចមួយនេះ បានសរសេរថា៖

«នៅក្នុងទិវាសិទ្ធិមនុស្សអន្តរជាតិ យេីងអំពាវនាវ ឲ្យមានការទម្លាក់ បទចោទប្រកាន់ទៅលេី គ្រប់អ្នកទោសនយោបាយទាំងអស់។»

អ្នកទោសនយោបាយទាំងអស់ ទំនងជាសហរដ្ឋអាមេរិកចង់សំដៅ ទៅអ្នកនយោបាយ​ណាក៏ដោយ ដែលរងការចាប់ចង់ អូសដំណើរ និងការចាប់ដាក់ឃុំ ពីសំណាក់របបដឹកនាំសព្វថ្ងៃ ក្រោមបទចោទជាច្រើន ដូចយ៉ាង បទក្បត់ជាតិ ដែលដាក់ទៅលើលោក កឹម សុខា និងបទបរិហាកេរ្តិ៍ ដែលដាក់ទៅលើលោក សម រង្ស៊ី ជាដើម។

នៅក្នុងទិវាសិទ្ធិមនុស្សអន្តរជាតិ…

Gepostet von U.S. Embassy Phnom Penh, Cambodia am Sonntag, 9. Dezember 2018

ការប្រកាសរបស់ស្ថានទូតអាមេរិកខាងលើ ធ្វើឡើងនៅមុន លោក ផាទ្រីក ម៉ាកហ្វី (W. Patrick Murphy) ឯកអគ្គរដ្ឋទូតសហរដ្ឋអាមេរិកថ្មី ជំនួសលោក វីល្លៀម ហេដ៍ (​William A. Heidt) ឯកអគ្គរដ្ឋទូតផុតអាណត្តិ ដែលនៅមិនទាន់ធ្វើដំណើរ មកកាន់តំណែងរបស់លោក នៅក្នុងប្រទេសកម្ពុជានៅឡើយ។

យ៉ាងណា រដ្ឋាភិបាលលោក ហ៊ុន សែន បានបន្ទន់ជំហរគួរឲ្យកត់សម្គាល់ កាលពីដើមសប្ដាហ៍មុន ដោយបានប្រកាសសម្រួល ហុចដៃទៅដល់មន្ត្រីគណបក្សសង្គ្រោះជាតិ ដែលត្រូវបានតុលាការកំពូល ព្យួរសិទ្ធិធ្វើនយោបាយ ក៏ដូចជាទៅដល់ ប្រព័ន្ធផ្សព្វផ្សាយ អង្គការសង្គមស៊ីវិល និងសហជីពមួយចំនួន អាចធ្វើសកម្មភាពនយោបាយ ឬសកម្មភាព​ក្នុង​ស្ថាប័ន​ខ្លួន​ធម្មតា​ឡើងវិញ៕



លំអិតបន្ថែមទៀត

កម្ពុជា

កូនស្រី កឹម សុខា ចង់​ឲ្យ​ហ្វេសប៊ុក​បញ្ជាក់​ពី​អត្តសញ្ញាណ​ខ្លួន

កូនស្រីពៅរបស់ប្រធានគណបក្សប្រឆាំង កញ្ញា កឹម សម្មាធីតា មានបំណងចង់ឲ្យក្រុមហ៊ុន ហ្វេសប៊ុក បញ្ជាក់ពីអត្តសញ្ញាណ នៃទំព័រ ឬគណនីរបស់កញ្ញា ក៏ដូចជារបស់បងស្រីកញ្ញា ដើម្បីកុំឲ្យអ្នកផ្សេង អាចបន្លំបាន។ នៅលើបណ្ដាញសង្កម ...
កម្ពុជា

សម រង្ស៊ី ថា​ទាល់តែ​លោក​ជិត​វិលចូល​ស្រុក ទើប ហ៊ុន សែន គិត​ធ្វើល្អ

មេដឹកនាំប្រឆាំង លោក សម រង្ស៊ី បានអះអាងពីក្រៅប្រទេសថា ទាល់តែលោក​«ជិត​វិល»​ចូលស្រុកវិញ ទើបលោក ហ៊ុន សែន និងរបបក្រុងភ្នំពេញសព្វថ្ងៃ ចាប់ផ្ដើម«គិត​ធ្វើល្អ»។ ការថ្លែងរបស់ប្រធានស្ដីទីគណបក្សប្រឆាំង ធ្វើឡើងដើម្បីតប ...
កម្ពុជា

សម រង្ស៊ី បង្ហើប​ថា ស ខេង ជា​អ្នក​រៀបចំ​គម្រោង​ឲ្យ​លោក​និរទេស​ខ្លួន

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានបង្ហើបឲ្យដឹង នៅថ្ងៃនេះថា ការខកខាន នៃការវិលចូលប្រទេសកម្ពុជាវិញ កាលពីថ្ងៃទី១៦ ខែវិច្ឆិកា ឆ្នាំ២០១៥ ហើយដែលធ្វើឲ្យលោក រស់នៅនិរទេសខ្លួន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...
កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...