ភ្នាក់ងារនគរបាល ដែលដើរទៅក្បែររថយន្ដកំពីង បានស្ដាប់ឮសម្លេង ដែលទំនងជាខ្សែអាត់ថតទុក ព្រមានពីគ្រាប់បែកក្នុងរថយន្ដ ថានឹងផ្ទុះឡើង ក្នុងរយះពេល១៥នាទីទៀត។ នេះ បើតាមអះអាងរបស់លោក «John Drake» នាយនគរបាលក្រុង «Nashville» នៅវេលារសៀលថ្ងៃសុក្រ ទី២៥ ខែធ្នូ ឆ្នាំ២០២០។

កាលពីព្រឹកព្រហាម ថ្ងៃសុក្រដដែល ដែលត្រូវជាថ្ងៃបុណ្យណូអែល វេលាម៉ោង៦ និង៣០នាទី រថយន្ដកំពីងខាងលើ ដែលចតចោល នៅលើរុក្ខវិថី «Nord» នៃក្រុង «Nashville» នៃរដ្ឋ «Tennessee» (ភាគខាងកើត​សហរដ្ឋអាមេរិក) បានផ្ទុះឡើងយ៉ាងខ្លាំងក្លា បណ្ដាលឲ្យរថយន្ដផ្សេងទៀត ដែលចតនៅក្បែរ រងការខូចខាតធ្ងន់ធ្ងរ និងកញ្ចក់​ទ្វាបង្អួចអាគារ ប្រមាណជាង​២០អាគារ​នៅជុំវិញ ធ្លាក់បែកបាក់ខ្ចាត់ខ្ចាយ។

អាគារ​ដែលនៅ​ក្បែរការផ្ទុះ បានរងការខូចខាត​ខ្លាំងជាងគេ។ ការផ្ទុះបានធ្វើឲ្យរញ្ជួយ ទៅដល់តំបន់ជុំវិញក្រុង ជាច្រើនគីឡូម៉ែត្រ។ ក្រុមអ្នកជួយសង្គ្រោះ បានអះអាងថា មនុស្ស៣នាក់ បានរងរបួសស្រាល ហើយនៅខណៈនេះ ជនរងគ្រោះទាំងនោះ កំពុងទទួល​ការព្យាបាល នៅឯមន្ទីរពេទ្យ។

បើតាមលោកនាយនគរបាល «John Drake» បានបញ្ជាក់ទៀតថា ភ្នាក់ងារនគរបាល​ត្រូវបានបញ្ជូន ទៅកាន់តំបន់នោះ នៅវេលា​មុនម៉ោង៦ បន្ទាប់ពីទទួលសេចក្ដីរាយការណ៍ ពីសម្លេងបាញ់បោះ។ តែនៅពេលទៅដល់ទីនោះ ពួកគេបានប្រទះ​ឃើញ​រថយន្ដកំពីង​ខាងលើ ដែលមានលក្ខណៈ គួរឲ្យសង្ស័យ។

បន្ទាប់ពីឮសូរអាត់សម្លេង ព្រមានពី​គ្រាប់បែក​ក្នុងរថយន្ដ ក្រុមនគរបាលបានប្រកាស តាមឧឃោសនស័ព្ទភ្លាមៗ ជូនដំណឹង​តាមទ្វាផ្ទះ​នីមួយៗ ទៅគ្រប់បណ្ដាជន ដែល​រស់នៅ​ជុំវិញ ឲ្យជម្លៀសខ្លួន ទៅរកទីកន្លែងសុវត្ថិភាព។

ចំណែកឯលោក «Don Aaron» អ្នកនាំពាក្យនគរបាល​ក្រុង«Nashville» បានបញ្ជាក់បន្ថែម កាលពីព្រឹកថា នគរបាលជំនាញ​ខាងជាតិផ្ទុះ បានបន្តឆែកឆេរ នៅជុំវិញតំបន់នោះ តែរកមិនឃើញសារជាតិផ្ទុះ ណាផ្សេងទេ។ អ្នកនាំពាក្យបន្តថា៖

«រថយន្ដកំពីងបានផ្ទុះ នៅពីមុខអាគារ”AT&T” ហើយយើងនៅមិនទាន់ដឹងថា តើវាជាឧបទេវហេតុ ឬជាទង្វើ​ដែលមាន​ការគ្រោងទុក​នោះទេ។»

នៅមុននេះបន្តិច ភ្នាក់ងារស៊ើបអង្កេតសហព័ន្ធ «FBI» បានបង្ហោះរូបថត របស់រថយន្ដកំពីងដ៏គួរឲ្យសង្ស័យ និងបានបញ្ជាក់ថា រថយន្ដនេះបានធ្វើដំណើរ មកដល់រុក្ខវិថីខាងលើ នៅវេលាម៉ោង១ និង២២នាទី ព្រឹកទាបភ្លឺ ថ្ងៃសុក្រ។ «FBI» បានស្នើរឲ្យបណ្ដាជន ចូលរួមផ្ដល់ដំណឹង ឬសក្ខីកម្ម អំពីរថយន្ដសង្ស័យ តាមរយៈទូរស័ព្ទ ឬការទាក់ទង នៅលើគេហទំព័ររបស់ខ្លួន៕



You may also like

ដំណឹង

គ្រាប់បែក​បង្កៃ​នៅ​លីយ៉ុង៖ អាជ្ញាធរ​បារាំង​បាន​ឃាត់ខ្លួន មនុស្ស​៤នាក់

ជាសរុប មនុស្ស​៤នាក់ ត្រូវបានអាជ្ញាធរបារាំង​ឃាត់ខ្លួន រាប់ចាប់តាំង​​ពីព្រឹកថ្ងៃចន្ទនេះ​មក នៅក្នុងសំណុំរឿងបំផ្ទុះគ្រាប់បែក ក្នុងកញ្ចប់ផ្លុងចោលកណ្ដាលក្រុងលីយ៉ុង (ភាគខាងត្បូង) ដែលបានកើតឡើង កាលពីថ្ងៃសុក្រមុន។ ជនសង្ស័យសំខាន់បំផុត នៅក្នុងសំនុំរឿងនេះ ត្រូវបានអាជ្ញាធរចាប់ខ្លួន បានមុនគេ ...
កម្ពុជា

សិទ្ធិមនុស្ស៖ កម្ពុជា​ថាជា​«នយោបាយនីយកម្ម» អាមេរិក​ថាជា​«ឧបសគ្គ»

បើ​តាមលោក ខៀវ កាញារីទ្ធ រដ្ឋមន្ត្រីក្រសួង​ព័ត៌មានកម្ពុជា បានបរិហារថា គេ​​កំពុង​​ធ្វើ​«នយោបាយនីយកម្ម»​ លើ​បញ្ហា​ព្រហ្មទណ្ឌ​ នៅ​ពេល​​គេ​​លើក ​ពីបញ្ហាលោក ម៉ម សូណង់ដូ ​នាយក​​វិទ្យុ​សំបុក​ឃ្មុំ ថាជា​អ្នកទោស​នយោបាយ​។ ...
ដំណឹង

ទីបំផុត ចូ បៃដិន ប្រកាសគម្រោង​ឈរឈ្មោះ សម្រាប់​អាណត្តិទី២

ប្រធានាធិបតីអាមេរិក លោក ចូ បៃដិន (Joe Biden) បានប្រកាសឲ្យដឹង នៅថ្ងៃព្រហស្បត្តិ៍ ទី២៥ ខែមីនាថា លោក​ពិតជា​​មានគម្រោង​​ឈរឈ្មោះ សម្រាប់​អាណត្តិទី២ ដែលនឹងប្រព្រឹត្តិទៅ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...