ដំណឹងអាស៊ី-ប៉ាស៊ីភិក

ចិន​ទាមទារ​ឲ្យ​អាមេរិក​លប់ចោល​ការលក់​សព្វាវុធ​ដ៏​សម្បើម ទៅឲ្យ​តៃវ៉ាន់

ការលក់សព្វាវុធដ៏សម្បើម ក្នុងកម្រិតទឹកប្រាក់ ២,២ពាន់លានដុល្លារ ពីសំណាក់សហរដ្ឋអាមេរិក ទៅឲ្យ​តៃវ៉ាន់ ចាំបាច់ត្រូវ«លុបចោលជាបន្ទាន់»។ នេះ ជាការទាមទារឡើង របស់ប្រទេសចិនកុម្មុយនីស្ដិ៍ ក្នុងថ្ងៃអង្គារនេះ។

សហរដ្ឋអាមេរិក តាមរយៈក្រសួងការពារជាតិរបស់ខ្លួន បានប្រកាសឲ្យដឹង កាលពីមួយថ្ងៃមុន (ថ្ងៃចន្ទ) ថាប្រទេសមហាអំណាច បានយល់ព្រមលក់សព្វាវុធធន់ធ្ងន់ និងទំនើបៗ ទៅឲ្យកោះតៃវ៉ាន់ រួមមាន រថក្រោះចម្បាំង ប្រភេទ «M1A2 Abrams» ចំនួន១០៨គ្រឿង និងប្រតិករបាញ់កាំជ្រួច ចំងាយខ្លីចេញពីដី ប្រភេទ «Stinger» ចំនួន២៥០គ្រឿង។

សេចក្ដីសម្រេចនេះ ត្រូវបានបញ្ជូនឡើងទៅរដ្ឋសភាអាមេរិក ដែលមានពេល៣០ថ្ងៃ ដើម្បីធ្វើការជំទាស់។ ប៉ុន្តែ ជាទម្លាប់កន្លងមក រដ្ឋសភាអាមេរិកកម្រជំទាស់ ទល់នឹងសេចក្ដីសម្រេចរបៀបនេះណាស់។

នេះ មិនមែនជាលើកទីមួយទេ ដែលសហរដ្ឋអាមេរិកបានយល់ព្រមលក់សព្វាវុធ ទៅឲ្យកោះតៃវ៉ាន់។ ហើយជារៀងរាល់លើក ការសម្រេចនោះ តែងបញ្ឆេះកំហឹងរបស់ក្រុងប៉េកាំង ឲ្យឆេះក្រេវក្រោធឡើង។

ដូចជាពេលនេះ សាធារណរដ្ឋប្រជាមានិតចិន តាមរយៈអ្នកនាំពាក្យក្រសួងការបរទេស លោក «Geng Shuang» បានប្រតិកម្មតបវិញ ដោយចាត់ទុកទង្វើនេះ ថានឹងប៉ះពាល់ដល់ទំនាក់ទំនង ចិន-អាមេរិក ដែលកំពុងធ្លាក់ទាបស្រាប់។ 

ក្នុងសន្និសីទសារព័ត៌មាន ដូចតាមទម្លាប់សព្វដង លោក «Geng Shuang» បានថ្លែងឡើងថា៖

«ប្រទេសចិន ស្នើឲ្យសហរដ្ឋអាមេរិក លុបចោលជាបន្ទាន់ នូវគម្រោងលក់សព្វាវុធ ទៅឲ្យ​តៃវ៉ាន់ និងបញ្ឈប់រាល់ចំណងយោធា រវាងកោះតៃវ៉ាន់ និងសហរដ្ឋអាមេរិក។ (…) ជារឿងចាំបាច់ណាស់ ដែលត្រូវចៀសវាង ការប៉ះពាល់ខ្លាំងថែមទៀត ទៅដល់ទំនាក់ទំនងចិន-អាមេរិក ទៅដល់សន្តិភាព និងស្ថិរភាពតំបន់ (នៅជុំវិញតៃវ៉ាន់)។»

កោះតៃវ៉ាន់វិញ បានអះអាងតាំងពីខែមិថុនាកន្លងទៅ ថាខ្លួនមានបំណង ចង់បញ្ជាទិញសព្វាវុធ ដ៏សន្ធឹកសន្ធាប់ខាងលើ ពីសហរដ្ឋអាមេរិក។ នៅពេលនោះ ក្រុងប៉េកាំងក៏បានប្រតិកម្មតបដែរ សំដែងពី«កង្វល់ដ៏ជ្រាលជ្រៅ» ចំពោះគម្រោងរបស់ក្រុងតៃប៉ិ។

ប្រទេសចិនចាត់ទុកកោះតៃវ៉ាន់ ជាដែនដីមួយរបស់ខ្លួន។ តែសម្រាប់សហរដ្ឋអាមេរិកវិញ បើទោះជាខ្លួន បានផ្ដាច់ទំនាក់ទំនងការទូត ជាមួយកោះតៃវ៉ាន់ តាំងពីឆ្នាំ១៩៧៩ហើយក្ដី ក៏ប្រទេសមហាអំណាចពិភពលោក នៅតែបន្តរក្សាសម្ព័ន្ធភាព ជាមួយកោះមួយនេះ។ មិនត្រឹមតែប៉ុណ្ណឹង ក្នុងរដ្ឋបាលថ្មី នៃលោកប្រធានាធិបតី ដូណាល់ ត្រាំ (Donald Trump) សហរដ្ឋអាមេរិកថែម​ទាំងបាន​បើក​ស្ថានទូត​ខ្លួន ប្រចាំនៅរដ្ឋធានីតៃប៉ិ ជាថ្មីឡើងវិញនោះផង៕



លំអិតបន្ថែមទៀត

ទស្សនៈប្រិយមិត្ត

លិខិតប្រិយមិត្ត៖ មូលហេតុ៥ ដែល​«អាមេរិកនិង​កម្ពុជា»​ត្រូវតែជិតស្និតគ្នា

គេតែងដឹង និងយល់ស្របជាទូទៅស្រាប់ហើយថា ទំនាក់ទំនងការទូតរវាង«អាមេរិកនិង​កម្ពុជា» ជាទំនាក់ទំនង​ដែល​រដាក់រដុប ជូរចត់ច្រើន​ជាងផ្អែមល្ហែម ក្នុងរយៈពេល៧០ឆ្នាំកន្លងមកនេះ។ យ៉ាងនេះក៏ដោយ គូភាគីរដ្ឋទាំងទ្វេរ នៅតែ​ប្រឹងប្រែង ធ្វើការ​កែលម្អរ ធ្វើអោយប្រសើរឡើង តាំងពីសម័យកាលសង្គ្រាមត្រជាក់ រហូតមកដល់សម័យកាល​សាកល​ភាវូបនីយកម្ម​បច្ចុប្បន្ន។ ...
ដំណឹង

Covid-19៖ ចិន​ហាម​ពលរដ្ឋ​ខ្លួន បរិភោគ​សាច់សត្វ

រដ្ឋាភិបាលចិនកុម្មុយនីស្ដិ៍ បានចេញបម្រាម សម្រាប់ពលរដ្ឋទូទាំងប្រទេស ហាម«បរិភោគ​សាច់សត្វ»ព្រៃ និងបម្រាម សម្រាប់ពលរដ្ឋក្នុងតំបន់មួយចំនួន ហាម«បរិភោគ​សាច់សត្វ»ស្រុក។ ចិន ជាប្រទេសមួយ ក្នុងចំណោមប្រទេសជាច្រើន ដែលបរិភោគសាច់សត្វ ទាំងសត្វព្រៃ និងសត្វស្រុក ...
ពីឆ្វេងទៅស្ដាំ៖ លោក ដូណាល់ ត្រាំ ប្រធានាធិបតីចប់អាណត្តិ - បេក្ខជនប្រធានាធិបតី សម្រាប់អាណត្តិថ្មី និងលោក ចូ បៃដេន បេក្ខជនប្រធានាធិបតី នៅសហរដ្ឋអាមេរិក។ (រូបថតសហការី)
ដំណឹង

[LIVE] កិច្ចពិភាក្សា​ចុងក្រោយ រវាង ត្រាំ និង បៃដេន មុនថ្ងៃបោះឆ្នោត

ខាងក្រោមនេះ ជារូបភាពផ្សាយផ្ទាល់ ពី«កិច្ចពិភាក្សា​ចុងក្រោយ» រវាងបេក្ខជនប្រធានាធិបតីទាំងពីរ ដែលនឹងត្រូវទទួលឆ្នោត ពីពលរដ្ឋអាមេរិក នៅថ្ងៃទី៣ ខែវិច្ឆិកាខាងមុខ។ លោក ដូណាល់ ត្រាំ (Donald Trump) ...

Comments are closed.

យល់ស៊ីជម្រៅផ្នែក ដំណឹង

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...