កម្ពុជាដំណឹង

អង្គការ​ពលកម្ម​អន្តរជាតិ​ថាគ្រោះ​«រលំអគារ»​ចិន ពិតជា​អាច​បង្ការបាន

ហេតុការណ៍​នៃការ«រលំអគារ» សាងសង់ដោយសហគ្រាសចិន នៅខេត្តព្រះសីហនុ ដែលបណ្ដាលឲ្យស្លាប់ និងរបួសច្រើនសិបនាក់ ជាការរំលឹកមួយ អំពីហានិភ័យ ដែលកម្មករកម្ពុជា ត្រូវប្រឈមជារៀងរាល់ថ្ងៃ ហើយទាមទារឲ្យមានវិធានការបន្ទាន់។ នេះ បើតាមសេចក្ដីថ្លែងការណ៍ របស់អង្គការពលកម្មអន្តរជាតិ ហៅកាត់តាមភាសាអង់គ្លេស ថា «ILO»។

អង្គការ «អាយឡូ» តាមរយៈការិយាល័យរបស់ខ្លួន ប្រចាំប្រទេសថៃ កម្ពុជា និងឡាវ បានចេញសេចក្ដីថ្លែងការណ៍មួយ នៅថ្ងៃអង្គារទី២៥ ខែមិថុនា ឆ្នាំ២០១៩នេះ សំដែង​ការ​សោក​ស្ដាយ ​ចំពោះ​​គ្រោះ​ថ្នាក់​ការងារ​ ដែល​កើត​ឡើង​ក្នុងខេត្តព្រះសីហនុ និងបាន​ជំរុញ​ដល់​របបក្រុងភ្នំពេញ ​ចាត់​វិធាន​ការបន្ថែម ​ដើម្បី​លើកកំពស់ផ្នែក​សុវត្ថិភាព និង​សុខភាព​របស់​កម្ម​ករ​ នៅ​កន្លែង​ធ្វើ​ការ​របស់​ពួកគេ។

សេចក្ដីថ្លែងការណ៍ ដែលទស្សនាវដ្ដីមនោរម្យ.អាំងហ្វូ ទទួលបានក្នុងវេលារសៀលនេះ បានសរសេរថា៖

«ហានិភ័យបែបនេះ អាចត្រូវបានដោះស្រាយជាបន្ទាន់ និងបង្ការជាមុនបាន។ ការដោះស្រាយបញ្ហានេះ ទាមទារមានសកម្មភាព ក្នុងផ្នែកមួយចំនួន ដោយដាក់ចេញ នូវវិធានការគ្រប់ជ្រុងជ្រោយ ដែលមានការសម្របសម្រួល និងសហការគ្នា ពីភាគីពាក់ព័ន្ធនានា ជាការចាំបាច់។»

វិធានការគ្រប់ជ្រុងជ្រោង បញ្ចៀសគ្រោះដូចជាការ«រលំអគារ»…

អង្គការអន្តរជាតិខាងលើ ដែលជាសាខាមួយ របស់អង្គការសហប្រជាជាតិ និងដែលមានទីតាំងកណ្ដាល នៅក្នុងប្រទេសស្វីស បានបន្តរំលឹកក្រុងភ្នំពេញ ជុំវិញវិធានការខាងលើទាំងអស់ ដែលរួមមាន៖

«ការពិនិត្យឡើងវិញ នូវបទប្បញ្ញត្តិទាំងឡាយ និងការអនុវត្ត នៅក្នុងវិស័យសំណង់ ការដាក់ឱ្យអនុវត្តនូវបទដ្ឋានសុខភាព និងសុវត្ថិភាព ការងារនិងស្តង់ដារសុវត្ថិភាព សាងសង់ ការធ្វើអធិការកិច្ចការងារឲ្យបានខ្លាំងក្លា និងយុទ្ធនាការកាត់បន្ថយគ្រោះថ្នាក់កម្រិត​សូន្យ ព្រមទាំងការលើកកម្ពស់ វប្បធម៌បង្ការសុវត្ថិភាព ក្នុងវិស័យនេះ។»

តាមរបាយការណ៍របស់ក្រសួងការងារ និងបណ្ដុះបណ្ដាលវិជ្ជាជីវៈ និងបេឡាជាតិ របបសន្តិសុខសង្គម បានឲ្យដឹងថា ក្នុងឆ្នាំ២០១៨ កម្មករនយោជិត ដែលរងគ្រោះថ្នាក់ នៅនឹងកន្លែងធ្វើការ មានចំនួនសរុប ២៥.២០៦នាក់ ក្នុងនោះមានកម្មករនិយោជិត២០០ នាក់បានស្លាប់ និង ២.៧១១នាក់បានរងរបួស។ របាយការណ៍នោះ មិនទាន់បានរាប់បញ្ចូល ជនរងគ្រោះ ក្នុងហេតុការណ៍រលំស្រុតអគារ ក្នុងខេត្តព្រះសីហនុ នាចុងសប្ដាហ៍កន្លងទៅ នេះនៅឡើយ។

យ៉ាងណា អង្គការពលកម្មអន្តរជាតិ បានអះអាងថា ខ្លួននឹងបន្តធ្វើការ ជាមួយភាគីទាំងបី រួមមានរដ្ឋាភិបាលកម្ពុជា អង្គការនិយោជក (អង្គការរបស់ក្រុមថៅកែដូចជា GMAC) និងអង្គការកម្មករនិយោជិត ដើម្បីរិះរកវិធីល្អបំផុត ក្នុងការធ្វើឲ្យប្រសើរឡើង នូវវិធានការសុវត្ថិភាពដើម្បី ទប់ស្កាត់កុំឲ្យមានឧប្បត្តិភាពបែបនេះ នាពេលអនាគត៕



លំអិតបន្ថែមទៀត

កម្ពុជា

ស្រុតអគារនៅខេត្តព្រះសីហនុ៖ សម រង្ស៊ី ចង្អុល​ដាក់​ ហ៊ុន សែន

សម្រាប់មេដឹកនាំប្រឆាំង លោក សម រង្ស៊ី ហេតុការណ៍នៃការបាក់ស្រុតអគារ ដែលកំពុងស្ថិតក្នុងការសាងសង់ នៅខេត្តព្រះសីហនុ ជាការទទួលខុសត្រូវ នៃរបបដឹកនាំរបស់លោកនាយករដ្ឋមន្ត្រី ហ៊ុន សែន ។ ប្រធានស្ដីទីគណបក្សប្រឆាំង ...
កម្ពុជា

អតីតអភិបាលរងខេត្តព្រះសីហនុទាំងពីរ នឹងរងចំណាត់ការពី ACU

បន្ទាប់ពីត្រូវបានបណ្ដេញចេញពីតំណែង អតីតអភិបាលរងខេត្តព្រះសីហនុទាំងពីររូប នឹងរងចំណាត់ការ ពីអង្គភាពប្រឆាំងអំពើពុករលួយ (ACU) រួមនឹងក្រសួងមហាផ្ទៃថែមទៀត។ នេះ បើតាមការបញ្ជាក់របស់នាយករដ្ឋមន្ត្រីកម្ពុជា លោក ហ៊ុន សែន នៅលើបណ្ដាញសង្គម បន្ថែមពីលើអនុក្រឹត្យនៃការដកតំណែងអភិបាលរងទាំងពីរ។ ...
កម្ពុជា

ស្ថានទូត​អាមេរិក​រិះគន់​«សមិទ្ធិផល​ចិន» ថា​គ្មាន​គុណភាព​និង​អសុវត្ថិភាព

«តើអ្នកមើលឃើញ រូបភាពរួម[ដូច្នេះ]ឬទេ?» ជាសំនួររបស់ទំព័រហ្វេសប៊ុក នៃស្ថានទូតសហរដ្ឋអាមេរិក សួរទៅកាន់ប្រិយមិត្តរបស់ខ្លួន ជុំវិញគុណភាព និងសុវត្ថិភាព ចំពោះ«សមិទ្ធិផល​ចិន» ដែលត្រូវបានសង់ឡើង នៅក្នុងបណ្ដាប្រទេសនានា ក្នុងពិភពលោក។ ហើយសំណេរនោះ គឺជាភាគបន្តនៃការឌឺដងផ្លែផ្កា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...