មេដឹកនាំកូរ៉េកុម្មុយនីស្ដិ៍ លោក គីម ជុង-អ៊ុន (Kim Jong Un) បានអះអាងថា ប្រទេសលោក​នឹងមាន​«នាវាមុជទឹក​នុយក្លេអ៊ែរ»។ ការអះអាងរបស់«មគ្គុទេសន៍ដ៏ខ្ពង់ខ្ពស់» ធ្វើឡើងស្របគ្នា នឹងការបញ្ជាក់ជាថ្មីថា សហរដ្ឋអាមេរិកនៅតែជា«សត្រូវធំបំផុត» របស់ប្រទេសកូរ៉េខាងជើង។

«KCNA» ប្រព័ន្ធឃោសនាផ្លូវការ​របស់របបក្រុងព្យុងយ៉ាង បានស្រង់សំដីរបស់លោក គីម ដែលបានថ្លែងក្នុង​មហាសន្និបាត​បក្ស​លើកទី៨ មកចុះផ្សាយឲ្យដឹង ក្នុងថ្ងៃសៅរ៍ទី៩ ខែមករា ឆ្នាំ២០២០ថា ប្រទេសកូរ៉េខាងជើង ចាំបាច់ត្រូវ«ផ្ដោតអារម្មណ៍ និងអភិវឌ្ឍន៍​ខ្លួន ក្នុងស្មារតីប្រឈម ទល់នឹងសហរដ្ឋអាមេរិក» ដែលជា«ឧបសគ្គធំបំផុត នៃបដិវត្ដន៍ និងសត្រូវធំបំផុត» របស់ប្រទេសនេះ។

«មគ្គុទេសន៍ដ៏ខ្ពង់ខ្ពស់» បានបន្តថ្លែង អំពីគម្រោងរបស់លោក ក្នុងការបំពាក់ឲ្យមាន នូវ«នាវាមុជទឹក​នុយក្លេអ៊ែរ» ដូច្នេះថា៖

«ផែនការស្រាវជ្រាវថ្មី​សម្រាប់បង្កើត នាវាមុជទឹក នុយក្លេអ៊ែរ ត្រូវបានបញ្ចប់ ហើយកំពុងស្ថិតក្នុងដំណាក់កាល ត្រួតពិនិត្យចុងក្រោយ។»

លោក គីម បានបន្ថែមទៀតថា ប្រទេសកូរ៉េខាងជើង​ត្រូវ​អភិវឌ្ឍបច្ចេកវិទ្យា​នុយក្លេអ៊ែរ​បន្ថែមទៀត និងផលិត ក្បាលគ្រាប់​នុយក្លេអ៊ែរ​ដែលមានទំហំតូច​និងស្រាល ដើម្បីយកទៅប្រើប្រាស់ តាមគោលដៅដែលបានកំណត់។

ការប្រកាសរបស់មេដឹកនាំកូរ៉េកុម្មុយនីស្ដិ៍ ធ្វើឡើងប៉ុន្មានជាង១០ថ្ងៃ មុនការចូលកាន់តំណែង របស់លោក ចូ បៃដិន (Joe Biden) ជាប្រធានាធិបតីទី៤៦ នៃសហរដ្ឋអាមេរិក បន្តពីប្រធានាធិបតីចប់អាណត្តិ លោក ដូណាល់ ត្រាំ (Donald Trump) ដែលបាន​ចាញ់ឆ្នោត។

ក្នុងរដ្ឋបាលរបស់លោក ត្រាំ បើទោះជាមានជំនួប «ជាប្រវត្តិសាស្ត្រ និងជានិមិត្តរូប» រវាងមេដឹកនាំទាំងពីរ «ត្រាំ-គីម» ដល់ទៅ​ពីរលើក​ក្ដី តែគ្មានចំណាត់ការណាមួយ ត្រូវបានសម្រេចចេញជារូបរាង ពីជំនួបទាំងនេះទេ ជុំវិញ​ការរំសាយ​អាវុធនុយក្លេអ៊ែរ របស់ប្រទេសកូរ៉េ​កុម្មុយនីស្ដិ៍។

ក្រុមអ្នកជំនាញ​បានរំពឹងថា រដ្ឋបាលថ្មីរបស់លោក ចូ បៃដិន នឹងអនុវត្តន៍នយោបាយកណ្ដាប់ដៃដែក ចំពោះរបបក្រុងព្យុងយ៉ាង ដែល​បាន​ស្គាល់​រួចជាស្រេចហើយ នៅក្នុងជំនាន់រដ្ឋបាលលោក បារ៉ាក់ អូបាម៉ា (Barack Obama) ដែលមានលោក បៃដិន ជាអនុប្រធានាធិបតី។

នៅក្នុងយុទ្ធនាការរកសម្លេងឆ្នោត លោក ចូ បៃដិន មិនបានញញើតញញើម នឹងហៅលោក គីម ថាជា«ជនបាតផ្សារ» ខណៈក្រុង​ព្យុងយ៉ាង បានឆ្លើយតបវិញ ដោយហៅលោក បៃដិន ថាជា«ឆ្កែឆ្កួត» ដែលគួរត្រូវ«វាយឲ្យងាប់»។

លោក គីម ត្រូវបាន«KCNA»ស្រង់សំដី មកផ្សាយទៀតថា៖

«ទោះនរណាក៏ដោយ ដែលឡើងមកកាន់អំណាច (នៅសហរដ្ឋអាមេរិក) ក៏ចរិតពិតនៃនយោបាយ ប្រឆាំងកូរ៉េខាងជើង នឹងមិនមានអ្វី​ផ្លាស់ប្ដូរនោះទេ៕»



You may also like

ដំណឹង

សមាជិកបក្សប្រជាធិបតេយ្យ ទាមទារឲ្យ«FBI»ស៊ើបអង្កេត​លើសំដី ត្រាំ

ក្រុមមេដឹកនាំ-សមាជិក​​គណបក្សប្រជាធិបតេយ្យ បានទាមទារ​ឲ្យភ្នាក់ងារស៊ើបអង្កេត​​សហព័ន្ធ «FBI» បើកសំនុំរឿង ដើម្បីស៊ើបអង្កេត​​លើលោក ដូណាល់ ត្រាំ (Donald Trump) ជុំវិញសំដីរបស់​ប្រធានាធិបតី​ចប់អាណត្តិរូបនេះ ដែលបានជំរុញ ឲ្យលោក «Brad ...
ដំណឹង

អៀរ៉ង់ថា អ្នកប្រាជ្ញរបស់ខ្លួន​ត្រូវបាន​សម្លាប់​ដោយកាំភ្លើង​«បញ្ជាពីផ្កាយរណប»

លោក «Mohsen Fakhrizadeh» អ្នកប្រាជ្ញជាតិអៀរ៉ង់ ដែលមានជំនាញ​ខាងអាវុធ​នុយក្លេអ៊ែរ ត្រូវបានសម្លាប់ដោយគ្រាប់កាំភ្លើង ដែល«បញ្ជាពីផ្កាយរណប»។ នេះ បើតាមការអះអាង​របស់រដ្ឋាភិបាលក្រុងតេអៀរ៉ង់ ក្នុងថ្ងៃអាទិត្យទី ៦ ខែធ្នូនេះ។ អ្នកប្រាជ្ញាខាងលើ ...
ដំណឹង

អាមេរិក៖ ជនម្នាក់​បាញ់រះ​ក្នុង​សាលាបឋមសិក្សា ស្លាប់យ៉ាងតិច​១៩នាក់

ស្លាប់យ៉ាងតិច​១៩នាក់ ក្នុងនោះ១៨នាក់​ជាកុមារ នៅក្នុងព្រឹត្តិការណ៍បាញ់រះមួយ ក្នុងព្រឹកថ្ងៃអង្គារនេះ (ទី២៤ ខែឧសភា ឆ្នាំ២០២២) បង្កឡើងដោយយុវជនអាយុ១៨ឆ្នាំម្នាក់ ស្ថិតនៅក្នុងបរិវេណ នៃសាលាបឋមសិក្សាមួយកន្លែង នៃរដ្ឋតិចសាស (ភាគខាងត្បូង សហរដ្ឋអាមេរិក)។ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...