ដំណឹងអាស៊ី-ប៉ាស៊ីភិក

គីម ជុងអ៊ុន ផ្ញើរសារសំដី​អបអរ​ប្រធានាធិបតី​ចិន អំពី«Covid-19»

មេដឹកនាំវ័យក្មេង របស់ប្រទេសកូរ៉េកុម្មុយនីស្ដិ៍ លោក គីម ជុងអ៊ុន (Kim Jong-un) បានផ្ញើរសារជាពាក្យសំដី ទៅកាន់ប្រធានាធិបតីចិន លោក ស៊ី ជិនពីង (Xi Jinping) ដើម្បីអបអរក្រុងប៉េកាំង អំពីការគ្រប់គ្រប និងដំណោះស្រាយ ជុំវិញវិបត្តិជំងឺរាតត្បាត «Covid-19»។

ប្រព័ន្ធឃោសនាផ្លុវការ «KCNA» របស់របបកុម្មុយនីស្ដិ៍កូរ៉េ បានផ្សាយពីដំណឹងខាងលើ ក្នុងថ្ងៃសុក្រទី៨ ខែឧសភានេះ ដោយមិនបានលំអិតបន្ថែមថា មេដឹកនាំទាំងពីរ បានទូរស័ព្ទជជែកគ្នា នោះទេ។

«KCNA» គ្រាន់តែអះអាងថា សារជាសំដីនោះ សារនេះគឺ«ផ្សារភ្ជាប់ ទៅនឹងភាពជោគជ័យ របស់ប្រទេសចិន ក្នុងការការពារ ការរាតត្បាតរោគ “Covid-19” និងបានអនុញ្ញាត ឱ្យលោក គីម ជុងអ៊ុន សំដែងនូវ “ការស្វាគមន៍ យ៉ាងកក់ក្តៅ” ដល់ប្រមុខរដ្ឋចិន»។

សារផ្សព្វផ្សាយ ដោយប្រព័ន្ធឃោសនាកូរ៉េខាងជើង ធ្វើឡើងជាថ្មី បន្ទាប់ពីបានផ្សាយ ពីការបង្ហាញវត្តមាន របស់លោក គីម ជុងអ៊ុន ជាសាធារណៈ កាលពីថ្ងៃទី២ ខែឧសភា។

សឹងតែពេញ មួយខែមេសាកន្លងទៅ អគ្គមគុទេសន៍វ័យក្មេង របស់របបកុម្មុយនីស្ដិ៍ បាន​ខកខាន មិនបានបង្ហាញខ្លួន ជាសាធារណៈទេ នៅខណៈពាក្យចចាមអារាម បានអះអាងថា អវត្តមាននោះ គឺដោយសារលោក គីម មានបញ្ហាសុខភាពធ្ងន់ធ្ងរ។

ក្នុងថ្ងៃសុក្រដដែលនេះ ប្រទេសកូរ៉េខាងជើង ក៏បានធ្វើប្រតិកម្ម តាមផ្លូវទូត និងតាមប្រព័ន្ធផ្សព្វផ្សាយ តបទៅនឹងការធ្វើសមយុទ្ធ របស់សត្រូវជិតខាងរបស់ខ្លួន (កូរ៉េខាងត្បូង) នោះដែរ។ អ្នកនាំពាក្យយោធាមួយរូប របស់របប​ក្រុងព្យុងយ៉ាង ត្រូវបានស្រង់សំដី មកអះអាងថា៖

«ទង្វើ ដែលមិនចេះគិតពិចារណា ដុតកម្ដៅដោយ បននៅភាគខាងត្បូង គឺជាចំណុច​កំពូល នៃការប្រឈមមុខ​របស់យោធា ដែលនឹង​ធ្វើឲ្យ​ពួកគេ​ស្ងាត់មាត់ បើសូម្បីតែ​មេ​របស់ពួកគេ […] នេះ គឺជាការញុះញង់ដ៏ធ្ងន់ធ្ងរ ដែលយើងមិនអាចមើលរំលងបាន ហើយ​ស្ថានភាពនេះ តម្រូវឱ្យ​មានការ​ឆ្លើយតប ជាចាំបាច់ ពីយើង៕»



You may also like

កម្ពុជា

Covid-19 ៖ កម្ពុជា​រកឃើញ​អ្នក​ឆ្លងរោគ កើនឡើង​ជិត១០០នាក់

តួលេខកំពុងបោះពួយ ទៅមុខ គួរឲ្យព្រួយបារម្ភ។ មកដល់ម៉ោងនេះ ក្រសួងសុខាភិបាលកម្ពុជា បានអះអាងបានរកឃើញ ករណីឆ្លងជំងឺ«Covid-19» កើនឡើង​ជិត១០០នាក់ (៨៤នាក់) បន្ទាប់ពីក្រសួងបានរកឃើញ មនុស្ស៣១នាក់ បានឆ្លងជំងឺនេះ បន្ថែមពីលើតួលេខ ...
កម្ពុជា

Covid-19៖ កម្ពុជាមាន៥​ករណី​បន្ថែម ក្នុងនោះមន្ត្រី​ការទូត​អាមេរិក២នាក់

ក្នុងថ្ងៃសុក្រនេះ ប្រទេសកម្ពុជាបន្តរកឃើញ ករណីឆ្លងជំងឺ«Covid-19» ចំនួន៥នាក់​បន្ថែមទៀត ក្នុងនោះមន្ត្រី​ការទូត​អាមេរិក២នាក់ បន្ទាប់ពីពួកគេទាំងនោះ បាន​ធ្វើ​ដំណើរចូលប្រទេសកម្ពុជា តាមផ្លូវយន្ដហោះ។ នេះ បើតាមការអះអាងរបស់ ក្រសួង​សុខាភិបាល​កម្ពុជា នៅក្នុងសេចក្ដីជូនព័ត៌មានមួយ ដែលចេញផ្សាយ ...
ដំណឹង

EU ត្រៀមបន្ថែមទណ្ឌកម្ម​ចំពោះ​ការរំលោភ​សិទ្ធិមនុស្ស ក្នុងពិភពលោក

របបដឹកនាំជាច្រើន ដែលល្បីល្បាញខាងការរំលោភសិទ្ធិមនុស្ស ក្នុងពិភពលោក ដូចយ៉ាងការដឹកនាំ​ក្នុងប្រទេសរ៉ុស្ស៊ី ភូមា ចិន វេណេស៊ុយអេឡា ប៊េឡារ៉ូ និងក្នុងប្រទេស​កម្ពុជា​ជាដើម នឹងរងទណ្ឌកម្មបន្ថែមទៀត និងយ៉ាងធ្ងន់ធ្ងរ ពីសំណាក់សហភាពអ៊ឺរ៉ុប «EU» ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...