កម្ពុជាដំណឹង

COVID-19៖ កម្ពុជា​មាន​១ករណី​ថ្មី បន្ថែម​តួលេខ​សរុប ដល់​១២៦នាក់

មកដល់ព្រឹកថ្ងៃអាទិត្យនេះ រាជាណាចក្រកម្ពុជា មានករណីឆ្លងជំងឺ«Covid-19» កើនឡើង ដល់​១២៦នាក់ បន្ទាប់ពីបានរកឃើញ​ករណីឆ្លងមួយទៀត នៅក្នុង​សង្កាត់​ភ្នំពេញថ្មី ខណ្ឌសែនសុខ រាជធានីភ្នំពេញ។ នេះ បើតាមសេចក្ដីប្រកាសព័ត៌មាន របស់​ក្រសួង​សុខាភិបាលកម្ពុជា។

សេចក្ដីប្រកាសព័ត៌មាន ដែលចេញផ្សាយ ក្នុងព្រឹកថ្ងៃដដែល បានឲ្យដឹងថា អ្នកជំងឺថ្មី​រូបនោះ ជាបុរសខ្មែរ-បារាំង អាយុ៣០​ឆ្នាំ ដែល​បាន​ធ្វើដំណើរ ពី​បារាំង តាមជើងហោះហើរ ពីកូរ៉េខាងត្បូង នៅថ្ងៃទី២៤ ខែឧសភា។

ក្រសួងសុខាភិបាលកម្ពុជា បានលើកឡើង ពីប្រវត្តិធ្វើដំណើរ របស់បុរសខ្មែរ-បារាំងរូបនេះ ថាធ្លាប់បាន ទៅអង់គ្លេស អាល្លឺម៉ង់ បារាំង និង​ឆ្លងកាត់កូរ៉េខាងត្បូង មុននឹងមក​ដល់កម្ពុជា។

សេចក្ដីប្រកាសព័ត៌មាន បានបញ្ជាក់ថា វត្ថុសំណាករបស់អ្នកជំងឺ​ ត្រូវបាន​វិភាគឡើង​វិញ នៅវិទ្យាស្ថានប៉ាស្ទ័រ ក្នុងអំឡុង​ថ្ងៃទី១៣ នៃ​ការធ្វើចត្តាឡីស័ក​ នៅផ្ទះ​របស់គាត់ ហើយ​ទទួលបាន​លទ្ធផល​វិជ្ជមាន នៅ​ថ្ងៃទី​៦ ខែមិថុនា។ បច្ចុប្បន្ន អ្នកជំងឺស្ថិតក្រោម​ការព្យាបាល នៅមន្ទីរពេទ្យ ខ្មែរ-សូវៀត។

នេះ ជាករណីទី១២៦ ដែលកម្ពុជាអះអាងថា បានឆ្លងជំងឺដ៏ចង្រៃ ដែលធ្វើឲ្យតួលេខសរុប នៃករណីឆ្លងក្នុងប្រទេស កើនឡើង ដល់​១២៦នាក់ ​ក្នុងនោះស្រី៣៩នាក់ និងបុរស​៨៧នាក់។

បើតាមតួលេខ ផ្ដល់ដោយអាជ្ញាធរ​សុខាភិបាល​កម្ពុជា បានឲ្យដឹងទៀតថា អ្នកជំងឺ​១២៣នាក់ បានជាសះស្បើយ រីឯករណី៣ចុងក្រោយ ស្ថិតក្រោម​ការព្យាបាលនៅឡើយ។ អ្នកទាំងបីចុងក្រោយ រួមមាន​បុរស​ខ្មែរម្នាក់ ដែលវិល​ត្រឡប់ពីហ្វីលីពីន បុរសខ្មែរ-បារាំង​ម្នាក់ ដែលទើបនឹងរកឃើញ ក្នុងថ្ងៃនេះ (ទាំងពីរនាក់ សម្រាកព្យាបាលនៅពេទ្យរុស្ស៊ី រាជធានីភ្នំពេញ) និងបុរសខ្មែរ​ម្នាក់ទៀត ដែលវិលត្រឡប់ពីថៃ (សម្រាកព្យាបាល​នៅពេទ្យ​ខេត្តមិត្តភាព កម្ពុជា-ជប៉ុន មង្គលបូរី ខេត្តបន្ទាយមានជ័យ)៕



លំអិតបន្ថែមទៀត

កម្ពុជា

អភិបាល​ខណ្ឌ​ឫស្សីកែវ ចេញមុខ​សុំទោស​ករណី​«គេងលក់»​ក្នុង​អង្គប្រជុំ

ការបង្ហោះរូបភាពលោក ជា ពិសី អភិបាល​ខណ្ឌ​ឫស្សីកែវ ដោយទំព័រហ្វេសប៊ុក របស់ទស្សនាវដ្ដីមនោរម្យ.អាំងហ្វូ កាលពីម្សិលម៉ិញ ទទួលបានប្រតិកម្មពីរូបលោកផ្ទាល់ នៅថ្ងៃនេះ។ មេដឹកនាំថ្នាក់មូលដ្ឋានរូបនេះ បានសុំការអភ័យទោស ចំពោះ«កាយវិការមិនសមរម្យ»​របស់លោក ដោយលើកមូលហេតុថា ...
កម្ពុជា

ខៀវ កាញារីទ្ធ ប្រើសំដី​ប្រធានាធិបតី​​តៃវ៉ាន់ វាយប្រហារ​«សង្គមស៊ីវិល​ខ្លះ»

បើរដ្ឋាភិបាលកម្ពុជា មិនដែលមានសមានចិត្ត សូម្បីបន្តិច ជាមួយកោះតៃវ៉ាន់នោះ ស្រាប់តែរដ្ឋមន្ត្រីមួយរូប នៃរបបក្រុងភ្នំពេញ បានយកពាក្យសំដី របស់ប្រធានាធិបតីនៃកោះមួយនេះ ទៅធ្វើការវាយប្រហារ លើក្រុម«សង្គមស៊ីវិលខ្លះ»នៅកម្ពុជា ទៅវិញ។ លោក ខៀវ ...
កម្ពុជា

បែកធ្លាយ ៖ ហ៊ុន សែន ឲ្យឆ្នៃសាលារៀន ធ្វើជា​មន្ទីរពេទ្យ​​«Covid-19»

បែកធ្លាយ ៖ នាយករដ្ឋមន្ត្រី នៃរដ្ឋាភិបាលឯកបក្ស នៅកម្ពុជា លោក ហ៊ុន សែន បានបញ្ជា ទៅគណៈអភិបាលខេត្តក្រុងទាំងអស់ (លើកលែងតែរាជធានីភ្នំពេញ) ឲ្យជ្រើសរើសយកសាលារៀន ដើម្បីកែឆ្នៃធ្វើជាមន្ទីរពេទ្យ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...