ពិសេស

មនោរម្យ.អាំងហ្វូ និងអង្គការធំមួយ រួមគ្នាបំបែក​ការរាំងខ្ទប់​គេហទំព័រ​នៅកម្ពុជា

មនោរម្យ.អាំងហ្វូ ៖ របប«មេកន្ទ្រាញ»ដែលយាយី ទៅលើសិទ្ធិ​សេរីភាព​សារព័ត៌មាន និងសិទ្ធិសេរីភាព នៃការទទួលព័ត៌មាន អាចនឹងសើចលែងសម នៅចំពោះ​កិច្ចសហ​ប្រតិបត្តិការមួយនេះ។ នោះ គឺយុទ្ធនាការ​«បំបែក» ការរាំងខ្ទប់​គេហទំព័រ​​សារព័ត៌មាន​ឯករាជ្យ ដែល​ផ្ដួចផ្ដើម​​ឡើង និងអនុវត្ត ដោយ​អង្គការ​អន្តរជាតិ​ដ៏ធំមួយ។

អង្គការអន្តរជាតិដ៏ធំនោះ (*) ដែលមានបណ្ដាញរបស់ខ្លួន នៅគ្រប់ទ្វីប​នៃផែនដី បានធ្វើ​កិច្ចការនេះ ប្រកប​ដោយ​ភាព​ជោគជ័យ​រួចហើយ ក្នុងការបំបែកប្រព័ន្ធរាំងខ្ទប់​គេហទំព័រ​សារព័ត៌មាន​​ឯករាជ្យ ប្រមាណជា២១ នៅក្នុង​ប្រទេស​​ចំនួន​១២ ដែលសុទ្ធសឹងជា​ប្រទេស ដឹកនាំដោយ​ក្រុម«មេកន្ទ្រាញ»ផ្ដាច់ការ។

ក្នុងពេលនេះ អង្គការអន្តរជាតិដដែល ក៏បានធ្វើយុទ្ធនាការខាងលើដូចគ្នា ចំពោះ​ប្រទេស​កម្ពុជា ដោយមាន​កិច្ចសហការ ពីទស្សនាវដ្ដី«មនោរម្យ.អាំងហ្វូ» បន្ទាប់ពី​គេហទំព័រ​របស់​ទស្សនាវដ្ដី ត្រូវបានរាំងខ្ទប់ នៅក្នុង​ប្រទេសនេះ ចាប់ពីចុង​ខែមីនា ឆ្នាំ២០២០​មក។

ក្រៅពីប្រព័ន្ធវាយបំបែកការរាំងខ្ទប់ ដែលនឹងប្រកាសជាផ្លូវការ ឲ្យមានដំណើរការ ក្នុង​ពេល​​ដ៏ខ្លីខាងមុខ ទស្សនាវដ្ដី​មនោរម្យ.អាំងហ្វូ នៅបានពង្រីកបណ្ដាញផ្សព្វផ្សាយ​របស់​ខ្លួន នៅតាមគេហទំព័រ«យក្ស»ជាច្រើន​បន្ថែមទៀត។ នេះ មិនទាន់និយាយដល់​ ការផ្សព្វផ្សាយ តាមប្រព័ន្ធទូរទស្សន៍ «TV Online» ដែលជា​គម្រោង​ថ្មី ហើយត្រៀម​ចេញ​ផ្សាយ ក្នុងប៉ុន្មានសប្ដាហ៍ ខាងមុខនោះផងទេ។

សម្រាប់ប្រិយមិត្តទូទៅ នៅក្នុងប្រទេសកម្ពុជា សូមអញ្ជើញចូលទៅអាន ពិគ្រោះ ឬទស្សនា នៅក្នុង​បណ្ដា​គេហទំព័រ​​«យក្ស» ដូចខាងក្រោម៖

សម្រាប់ស្ថាប័នសារព័ត៌មានរងគ្រោះផ្សេងទៀត ដែលគេហទំព័របស់ពួកគេ ត្រូវរបប​«មេកន្ទ្រាញ»រាំងខ្ទប់ សូម​ទាក់ទង​​​ទស្សនាវដ្ដី​មនោរម្យ.អាំងហ្វូ (តាមមែល [email protected] ) ដើម្បីទស្សនាវដ្ដី​ជួយ​​សម្រប​សម្រួល ជាមួយ​អង្គការ​​ខាង​លើ ក្នុងជំហានឈាន​​ទៅបំបែក​​ការរាំងខ្ទប់​​គេហទំព័រ​ទាំង​នោះ ជាបន្តបន្ទាប់៕

———

(*) យើងសូមមិនបញ្ចេញ ឈ្មោះអង្គការខាងលើទេ រហូតលុះត្រា​អង្គការមួយនេះ ចេញ​សេចក្ដី​ប្រកាសជាផ្លូវការ ដោយខ្លួនឯង អំពីយុទ្ធនាការនៅក្នុងប្រទេសកម្ពុជា។



លំអិតបន្ថែមទៀត

កម្ពុជា

ក្រុង​ភ្នំពេញ​ព្រមាន​ចាត់វិធានការ​ប្រឆាំង​ការផ្សាយព័ត៌មាន​ថា អ៊ឺរ៉ុប​«ទុកច្រក»​

ការប្រើពាក្យ ដូចជា «EU ទុកច្រក ឱ្យរដ្ឋាភិបាលកម្ពុជា» ឬពាក្យដទៃទៀត ដែលរបបក្រុងភ្នំពេញវាយតម្លៃថា «មិនត្រឹមត្រូវ» អាចនឹងរងវិធានការ «ដោយម៉ឺងម៉ាត់ និងគ្រប់រូបភាព» ពីរបបដឹកនាំឯកបក្សមួយនេះ។ នេះ ...
កម្ពុជា

RSF៖ «Fresh News» ជា​«រោងចក្រផលិតព័ត៌មាន​ក្លែងក្លាយ»

ពីរដ្ឋធានីប៉ារីស អង្គការអ្នកយកព័ត៌មានគ្មានព្រំដែន ដែលមានបណ្ដាញរបស់ខ្លួន នៅពាសពេញពិភពលោក បានហៅសារព័ត៌មាន «Fresh News» ដែលជាប្រព័ន្ធផ្សព្វផ្សាយក្នុងស្រុកមួយ ថាជាសារព័ត៌មាន ដែលស្រែកតាមតែម្ចាស់ខ្លួន។ របាយការណ៍របស់អង្គការនេះ ដែលចេញផ្សាយកាលពីថ្ងៃពុធ បានបន្ថែមឈ្មោះ ...
លោក ឈុំ សុជាតិ អ្នកនាំពាក្យក្រសួងការពារជាតិកម្ពុជា។ (រូបថតក្រសួងការពារជាតិ)
កម្ពុជា

ឈុំ សុជាត ប្រដៅអ្នកសារព័ត៌មាន កុំ«បន្ទរ»តាមព័ត៌មានក្លែងក្លាយ

ក្នុងឋានៈជាអ្នកនាំពាក្យក្រសួងការពារជាតិ លោក ឈុំ សុជាត កំពុងតាំងខ្លួន ជាអ្នកប្រដៅអ្នកសារព័ត៌មាន ថាកុំចេះតែចុះផ្សាយ «បន្ទរ»​តាមព័ត៌មានក្លែងក្លាយ ដែលធ្វើឲ្យខុស​«វិជ្ជាជីវៈ»​របស់ខ្លួន។ ក្នុងសន្និសីទសារព័ត៌មាន កាលពីព្រឹកថ្ងៃព្រហស្បត្តិ៍ ទី២៥ ខែកក្កដានេះ ...

Comments are closed.

យល់ស៊ីជម្រៅផ្នែក ពិសេស

ពិសេស

វិធីបើក​គេហទំព័រ មនោរម្យ.អាំងហ្វូ ដែល​រាំងខ្ទប់ នៅក្នុង​ប្រទេសកម្ពុជា

ពិសេស

ទស្សនាវដ្ដី​ដាក់​ដំណើរការ នូវ​សេវា​ធ្វើ​«បច្ចុប្បន្នភាព​ដំណឹង​ដោយ​ផ្ទាល់»

សូមមេត្តាកុំខ្វល់អ្វីឡើយ បើប្រិយមិត្ត​កំពុង​ពិគ្រោះគេហទំព័រ «MONOROOM.info» នៃទស្សនាវដ្ដីមនោរម្យ.អាំងហ្វូ ហើយប្រិយមិត្តបានឃើញ ប្រអប់មួយលោតចេញមក ដូចនៅក្នុងរូបភាពខាងលើ។ នោះ ជាប្រអប់មួយ នៃសេវាដើម្បីទទួល ​«បច្ចុប្បន្នភាព​ដំណឹង​ដោយ​ផ្ទាល់»។ វាជាសេវាថ្មីមួយ ដែលទស្សនាវដ្ដីទើបនឹងដាក់បញ្ចូល ...
ពិសេស

ការបញ្ចេញមតិ-​យោបល់ របស់​ប្រិយមិត្ត​គួរឲ្យ​ស្រឡាញ់​ណាស់! តែ…

សូមជម្រាបប្រិយមិត្តថា ការបញ្ចេញមតិ-​យោបល់ ឬការពិភាក្សាទាំងឡាយ គឺជាអទិភាពខ្ពស់បំផុត របស់ទស្សនាវដ្ដី ក្នុងការចែករំលែក ការគោរព និងការពារដល់សិទ្ធិ នៃការបញ្ចេញមតិ។ ហើយមកដល់ថ្ងៃនេះ មិនមានការបញ្ចេញមតិ-​យោបល់ណាមួយ ត្រូវបានលប់ចេញពីទំព័រហ្វេសប៊ុក ឬទំព័រណាផ្សេងទៀត ...