ទស្សនាវដ្ដី​ដាក់​ដំណើរការ នូវ​សេវា​ធ្វើ​«បច្ចុប្បន្នភាព​ដំណឹង​ដោយ​ផ្ទាល់»

សូមមេត្តាកុំខ្វល់អ្វីឡើយ បើប្រិយមិត្ត​កំពុង​ពិគ្រោះគេហទំព័រ «MONOROOM.info» នៃទស្សនាវដ្ដីមនោរម្យ.អាំងហ្វូ ហើយប្រិយមិត្តបានឃើញ ប្រអប់មួយលោតចេញមក ដូចនៅក្នុងរូបភាពខាងលើ។ នោះ ជាប្រអប់មួយ នៃសេវាដើម្បីទទួល ​«បច្ចុប្បន្នភាព​ដំណឹង​ដោយ​ផ្ទាល់»។

វាជាសេវាថ្មីមួយ ដែលទស្សនាវដ្ដីទើបនឹងដាក់បញ្ចូល សម្រាប់ជួយសម្រួលដល់ប្រិយមិត្ត ដែលចង់បានឲ្យព័ត៌មានសំខាន់ៗ ឬព្រឹត្តិការណ៍ពិសេសៗ ត្រូវបានធ្វើបច្ចុប្បន្នភាពដោយផ្ទាល់ នៅលើទូរស័ព្ទ ឬនៅលើកំព្យូទ័ររបស់ប្រិយមិត្ត។

ជាសេរីភាពរបស់ប្រិយមិត្ត ក្នុងការទទួលព័ត៌មាន…

មុខងារថ្មី ហៅជាភាសាអង់គ្លេស «Push Notification» នឹងធ្វើការជូនដំណឹងភ្លាមៗ តាមរយៈទូរស័ព្ទ ឬតាមរយៈកំព្យូទ័រ ដោយប្រិយមិត្តមិនចាំបាច់ ទាល់តែនៅពីមុខគេហទំព័រ ឬទំព័រហ្វេសប៊ុករបស់ទស្សនាវដ្ដី ដើម្បីពិគ្រោះដំណឹងសំខាន់ៗនោះឡើយ។

ដើម្បីទទួលបានសេវានេះ លោកអ្នកមិនមានអ្វី ត្រូវធ្វើឲ្យស្មុគ្រស្មាញទេ។ ក្នុងពេលពិគ្រោះគេហទំព័រ លោកអ្នកគ្រាន់តែចុច «អនុញ្ញត (Authorize ឬ Allow Notifications)» លើប្រអប់ដូចខាងលើ លោកអ្នកនឹងអាចទទួលបាន នូវ«បច្ចុប្បន្នភាព​ដំណឹង​​ដោយ​ផ្ទាល់» ចាប់ពីពេលនេះតទៅ។

«ការទទួលខុសត្រូវ…»

សូមជម្រាបថា ទស្សនាវដ្ដីបានដាក់ឲ្យមានសេវាកម្មនេះឡើង ប្រកបដោយការទទួលខុសត្រូវខ្ពស់បំផុត ក្នុងការគោរព​ដល់​សិទ្ធិឯកជន របស់ប្រិយមិត្ត។

ប្រិយមិត្តអាចលប់ចេញវិញ នូវសេវាមួយនេះ ចេញពីទូរស័ព្ទ ឬកំព្យូទ័ររបស់ប្រិយមិត្ត នៅពេលណាវិញក៏បាន។ ហើយដើម្បីបញ្ចៀសការរំខាន ទស្សនាវដ្ដី ប្ដេជ្ញាធ្វើបច្ចុប្បន្នភាព តែព្រឹត្តិការណ៍ណា ឬអត្ថបទណា ដែលសំខាន់ប៉ុណ្ណោះ ជូនមកប្រិយមិត្ត (បានសេចក្ដីថា មិនមែនគ្រប់អត្ថបទ ដែលចេញផ្សាយនោះទេ)។

ចំពោះរាល់ចម្ងល់ទាំងអស់ សូមមេត្តាផ្ញើរសំនួររបស់ប្រិយមិត្ត មកទស្សនាវដ្តីតាមរយៈ៖

» មែល៖ [email protected]
» សារលើហ្វេសប៊ុក៖ MONOROOM.info

សូមអរគុណ!!!

ក្រុមបច្ចេកទេសទស្សនាវដ្ដីមនោរម្យ.អាំងហ្វូ