បុរសដែលរងការសង្ស័យ បានបំផ្ទុះរថយន្ដកំពីង កណ្ដាលក្រុង«Nashville» (រដ្ឋ Tennessee) កាលពីព្រហាម​ថ្ងៃបុណ្យ​ណូអែល បានស្លាប់​ក្នុងការផ្ទុះនោះ ដែលទំនងជាការធ្វើអត្តឃាត។ នេះបើតាមការអះអាង របស់អាជ្ញាធរក្រុង ដែលបានចេញផ្សាយព័ត៌មាននេះ ក្នុងល្ងាចថ្ងៃអាទិត្យ ទី២៧ ខែធ្នូ ឆ្នាំ២០២០។

 លោក «Donald Cochran» ចៅក្រមអាមេរិកាំងទទួលបន្ទុកអង្កេតសំនុំរឿង បានថ្លែងឲ្យដឹងថា៖

«យើងបានសន្និដ្ឋានថា បុគ្គលម្នាក់ដែលមានឈ្មោះថា “Anthony Warner” គឺជាជនសង្ស័យនៃការបំផ្ទុះ។ ជននេះមានវត្តមាន នៅពេលគ្រាប់បែកបានផ្ទុះឡើង ហើយបានស្លាប់ នៅក្នុងការផ្ទុះ។»

បើតាមអាជ្ញាធរដដែល មិនបានបញ្ជាក់ទេថា មានជនសង្ស័យណាផ្សេង ទាក់ទងនៅក្នុងការផ្ទុះដ៏ខ្លាំង ដែលបានកើតឡើង នៅវេលាម៉ោង៦​និង៣០នាទី ព្រឹកថ្ងៃទី២៥ ខែធ្នូ ឆ្នាំ២០២០។ គេក៏មិនទាន់ដឹងច្បាស់ដែរថា អំពីមូលហេតុ​ដែលនាំទៅដល់ទង្វើនេះ។ អាជ្ញាធរក្រុង​បានឲ្យ​ដឹងថា ខ្លួនមិនអាចធ្វើអត្ថាធិប្បាយបានទេ ដើម្បីបញ្ជាក់ថា ការបំផ្ទុះខាងលើ ជាអំពើភេរវកម្មក្នុងស្រុក ឬមិនមែន។

លោក «Anthony Warner» អាយុ៦៣ឆ្នាំ ត្រូវបានស្គាល់អត្តសញ្ញាណ យ៉ាងឆាប់រហ័ស តាមរយៈការធ្វើវិភាគ ទៅលើ «DNA /ADN» ដែលរកឃើញ​នៅនឹងកន្លែងកើតហេតុ និងសម្លៀកបំពាក់ – សម្ភារៈប្រើប្រាស់ផ្សេងៗ ដែលត្រូវបានអះអាងបន្ថែម ដោយក្រុមគ្រួសាររលោក។

ការផ្ទុះរថយន្ដកំពីង បានធ្វើឲ្យ​មនុស្ស៣នាក់​រងរបួស និងបង្កការខូចខាតធ្ងន់ធ្ងរ ដល់រថយន្ដមួយចំនួន ដែលចតនៅក្បែរ រួមនឹងអាគារ​ដែលនៅក្បែរបំផុត។ ប៉ុន្តែទំហំ​នៃការផ្ទុះ ដែលធ្វើឲ្យរញ្ជួយ ទៅដល់តំបន់ជុំវិញ ជាច្រើនគីឡូម៉ែត្រ បានធ្វើឲ្យអាគារ​ ចំនួនជាង២០​ផ្សេងទៀត រងការខូចខាត​ស្រាល (ដូចជាបែកកញ្ចក់​ទ្វាបង្អួចជាដើម)។

ក្រុមនគរបាល ដែលបានទៅដល់កន្លែងកើតហេតុ នៅមុនម៉ោង៦បន្តិច បានស្ដាប់ឮសម្លេងខ្សែអាត់ ចេញពីរថយន្ដកំពីង ដែលប្រកាស​ឲ្យដឹងថា រថយន្ដនឹងផ្ទុះឡើង ក្នុងរយៈពេល១៥នាទីខាងមុខ ហើយតម្រូវឲ្យមានការជម្លៀសមនុស្ស ចេញជាបន្ទាន់ ពីអាគារ​នៅជុំវិញនោះ៕


ខាងក្រោមនេះ ជាទិដ្ឋភាពនៃការផ្ទុះ ដែលត្រូវបានផ្សាយចេញ ដោយនគរបាលក្រុង «NashVille» ៖



លំអិតបន្ថែមទៀត

កម្ពុជា

ហ៊ុន សែន៖ «​កម្ពុជាបោះបង់​អាមេរិក​ហើយ​ងាក​មកចិន» គឺខុស​ទាំងស្រុង

លោកនាយករដ្ឋមន្ត្រី ហ៊ុន សែន អះអាងថា កម្ពុជានៅតែចង់ធ្វើ ជាមិត្តល្អរបស់សហរដ្ឋអាមេរិក ហើយការលើកឡើងទាំងឡាយ ដែលអះអាងថា កម្ពុជាចោលអាមេរិក ដើម្បីងាកទៅរកចិននោះ «គឺខុស​ទាំងស្រុង»។ នេះ បើតាមការបង្ហោះព័ត៌មានមួយ ...
ដំណឹង

ផ្ទុះ​កញ្ចប់​ផ្លុងចោល​មួយ ក្នុង​ក្រុង​លីយ៉ុង ខាងត្បូង​បារាំង របួស​៨នាក់

ការផ្ទុះមួយ បានកើតឡើងនៅល្ងាចថ្ងៃសុក្រនេះ ក្នុង​ក្រុង​លីយ៉ុង (Lyon) ភាគខាងត្បូងបារាំង នៅលើដងផ្លូវសម្រាប់អ្នកថ្មើរជើង (សង្កាត់លេង២)។ តុល្យភាព ដែលផ្ដល់ដោយស្នងការដ្ឋាននគរបាលតំបន់ បានអះអាងថា មនុស្ស៨នាក់បានរងរបួសស្រាល និងភាគច្រើនពីក្នុងចំណោមនោះ បានរងរបួសនៅនឹងជើង។ ...
ដំណឹង

អាជ្ញាធរ​បារាំង​​បង្ក្រាប​«ខ្មាន់កាំភ្លើង»​នៅ​ស្ត្រាស្បួរ៍​-ISIS ​ទទួល​ស្គាល់ភេរវកម្ម

បុរសឈ្មោះ «Cherif Chekatt» ជនសង្ស័យជា«ខ្មាន់កាំភ្លើង» ដែលបានបើកការបាញ់ប្រហារ ទៅលើហ្វូងមនុស្ស កាលពីយប់ថ្ងៃអង្គារទី១១​ ខែធ្នូ ឆ្នាំ២០១៨ ត្រូវបានកងកម្លាំងអាជ្ញាធរបាញ់សម្លាប់ ក្នុងយប់ថ្ងៃព្រហស្បត្តិម្សិលម៉ិញ នៅក្នុងសង្កាត់ «Neudorf» ...

Comments are closed.

យល់ស៊ីជម្រៅផ្នែក ដំណឹង

ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ដំណឹង

មហាក្សត្រីយានី អេលីហ្សាប៊ែត សោយ​ទិវង្គត ក្នុងជន្មាយុ​៩៦ព្រះវស្សា

ព្រះមហាក្សត្រីយានី របស់ចក្រភពអង់គ្លេស ព្រះនាង អេលីហ្សាប៊ែត ទី២ (Elizabeth 2) បានសោយទិវង្គត ក្នុងជន្មាយុ​៩៦ព្រះវស្សា នៅរសៀលថ្ងៃព្រហស្បត្តិ៍ ទី៨ ខែកញ្ញា ឆ្នាំ២០២២។ ...
កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

នៅរដ្ឋធានីរ៉ូម នៃប្រទេសអ៊ីតាលី បុរសម្នាក់បានជាប់ខ្លួននៅក្រោមដី អស់រយៈពេលជាង៨ម៉ោង ដោយហេតុ«ដីធ្លាក់សង្កត់»។ នគរបាលបានសង្ស័យថា បុរសម្នាក់នេះរួមនឹងជនផ្សំគំនិត៣នាក់ទៀត ទំនងជាបានជីករូងក្រោមដី ចេញពីហាងមួយ ដើម្បីគ្រោងចូលលួចធនាគារនៅក្បែរនោះ។ ហេតុការណ៍បានកើតឡើង កាលពីព្រឹក​ថ្ងៃព្រហស្បត្តិ៍ ទី១១ ...