កម្ពុជាដំណឹង

សភាអាមេរិក​ភ្ជាប់​មរណភាព ទិត្យ រ៉ន ទៅនឹង​ទង្វើ​«រំលោភអំណាច»​​នៅ​កម្ពុជា

បន្ទាប់ពីក្រសួងការបរទេស រដ្ឋសភាជាតិ​សហរដ្ឋអាមេរិក តាមរយៈប្រធានគណកម្មការកិច្ចការបរទេស លោក «Eliot Engel» ក៏បានសម្ដែងក្ដីកង្វល់​ដ៏ជ្រាលជ្រៅ ចំពោះមរណភាព ប្រកបដោយភាពមន្ទិល របស់សកម្មជនគណបក្សប្រឆាំង លោក ទិត្យ រ៉ន នោះដែរ និងបានហៅទង្វើ ដែលឈានទៅដល់ការស្លាប់ របស់សកម្មជនគណបក្សប្រឆាំង ថាជាការ«រំលោភអំណាច»ថ្មីបំផុតមួយទៀត នៅក្នុងយុទ្ធនាការបង្ក្រាប​គណបក្សប្រឆាំង ពីសំណាក់លោក​នាយករដ្ឋមន្ត្រី ហ៊ុន សែន។

ការអះអាងរបស់ប្រធានគណកម្មការកិច្ចការបរទេស នៃសភាជាតិសហរដ្ឋអាមេរិក ធ្វើឡើងតាមរយៈទំព័រទ្វីសធើរផ្លូវការ របស់ស្ថាប័ននេះ កាលពីប៉ុន្មានម៉ោងមុន ដោយភ្ជាប់មកជាមួយ នូវសេចក្ដីថ្លែងការណ៍ របស់ក្រសួងការបរទេសអាមេរិក ទាក់ទងនឹងសកម្មជនគណបក្សប្រឆាំង ដដែលនោះផង។

ទំព័រទ្វីសធើរនោះ បានស្រង់សំដីលោក មកបង្ហោះថា៖

«ខ្ញុំមានកង្វល់យ៉ាងជ្រាលជ្រៅ ចំពោះការស្លាប់​ដែលគួរឲ្យសង្ស័យ របស់សមាជិកគណបក្សប្រឆាំង លោក ទិត្យ រ៉ន។ នេះបង្ហាញពីការរំលោភបំពានអំណាច ថ្មី​បំផុតមួយទៀត នៅក្នុងយុទ្ធនាការបង្ក្រាបរបស់លោក ហ៊ុន សែន ប្រឆាំងនឹងគណបក្សប្រឆាំង។»

លោក «Eliot Engel» បានបញ្ជាក់ទៀតថា៖

«កម្ពុជាគួរបញ្ចប់ការធ្វើទុក្ខបុកម្នេញ ខាងនយោបាយ។»

​លោក ទិ​ត្យ រ៉​ន អាយុ​៣៧ឆ្នាំ ត្រូវបានក្រុមនគរបាល​ប៉ុស្តិ៍​ទួល​ព្រះ​ឃ្លាំង ស្រុក​ស្ទឹងត្រង់ ខេត្ត​កំពង់ចាម ចាប់ខ្លួន​​កាលពី​ថ្ងៃ​ទី​១៥ ខែមេសា ឆ្នាំ២០១៩ ហើយត្រូវបានមន្ត្រីពន្ធនាគារ​អះអាងថា បានស្លាប់​នៅ​ថ្ងៃទី​១៨ ខែមេសា ឆ្នាំ២០១៩ ពោល​គឺ៣ថ្ងៃ ក្រោយការចាប់ខ្លួន។

លោក ហួត វុទ្ធី ព្រះរាជអាជ្ញា​ខេត្ត​កំពង់ចាម បានអះអាងថា លោក ទិ​ត្យ រ៉​ន បានញ័រ​ដៃ-ញ័រ​ជើង ដូចមនុស្ស​ញៀន​ស្រា រហូត​ដួល​បោក​ក្បាល ទៅ​នឹង​ជ្រុង​អាងទឹក ក្នុង​បន្ទប់​ឃុំខ្លួន​បណ្តោះអាសន្ន និងបណ្ដាលឲ្យស្លាប់។

តែក្រុម​មេដឹកនាំគណបក្សប្រឆាំង រួមនឹងលោក សម រង្ស៊ី ផង បានចាត់ទុក​ការស្លាប់​របស់​លោក ទិ​ត្យ រ៉​ន គឺជាឃាតកម្ម​នយោបាយ​ថ្មី​មួយទៀត ​នៅ​កម្ពុជា។

សេចក្ដីថ្លែងការណ៍មួយ របស់ក្រសួងការបរទេសសហរដ្ឋអាមេរិក ដែលចេញផ្សាយ កាលពីថ្ងៃសុក្រ​សប្ដាហ៍មុន បានលើកឡើង​ពីការកង្វល់ដូចគ្នា តែបានអំពាវនាវ «ឱ្យមានការស៊ើបអង្កេត ដោយឯករាជ្យភ្លាមៗ ចំពោះហេតុការណ៍ ដែលនាំទៅដល់ការចាប់ខ្លួន និងការស្លាប់របស់លោក ទិត្យ រ៉ន»។

លោក ផៃ ស៊ីផាន អ្នកនាំពាក្យរបបក្រុងភ្នំពេញ បានប្រតិកម្មតបទៅវិញថា មិនចាំបាច់បរទេសណា មកបង្គាប់បញ្ជា ឲ្យកម្ពុជាត្រូវធ្វើនេះ ឬធ្វើនោះឡើយ។ លោកថា ករណីនេះ ជាសមត្ថកិច្ចរបស់តុលាការកម្ពុជា ដែលជាស្ថាប័នមួយឯករាជ្យ ហើយចំណាត់ការ​ទាំងឡាយ របស់​អាជ្ញាធរ​កម្ពុជា គឺ​ស្របតាម​នីតិវិធី​ច្បាប់៕



លំអិតបន្ថែមទៀត

កម្ពុជា

ថិក គ្រូស ថ្លែង​ពីភាពចាំបាច់​ ដែល​អាមេរិក​ត្រូវ​សើរើ​ការអនុគ្រោះពន្ធពីកម្ពុជា

សមាជិកព្រឹទ្ធសភាអាមេរិក ដ៏ល្បីឈ្មោះ លោក ថិក គ្រូស (Ted Cruz) បានបញ្ចេញប្រតិកម្មរបស់លោក តបនឹងនាយករដ្ឋមន្ត្រីកម្ពុជា ដែលបានគម្រាម កាលពីប៉ុន្មានថ្ងៃមុន ថានឹងកម្ទេចគណបក្សប្រឆាំងចោល ប្រសិនណាជាសហគមន៍អន្តរជាតិ ...
កម្ពុជា

ស្រុត​អគារ​ចិន៖ ប្រតិបត្តិការ​សង្គ្រោះ​បាន​«បញ្ចប់» – ​មនុស្ស​​២៨នាក់​ស្លាប់

ប្រតិបត្តិការជួយសង្គ្រោះជីវិត ពីក្នុងគំនរបាក់បែក នៃអគារកំពស់៧ជាន់ សាងសង់ដោយសហគ្រាសចិន បាន«បញ្ចប់»ហើយ នៅយប់ថ្ងៃចន្ទទី២៤ ខែមិថុនានេះ។ នេះ បើតាមសេចក្ដីប្រកាសព័ត៌មាន របស់រដ្ឋបាលខេត្តព្រះសីហនុ ដែលចេញផ្សាយ កាលពីប៉ុន្មាននាទីមុន។ សេចក្ដីប្រកាសព័ត៌មាន ...
ដំណឹង

បីនាក់ស្លាប់ ក្នុងការផ្ទុះអាវុធមួយ នាមណ្ឌលបោះប៊ូលីង ក្បែរក្រុង ឡូសអេនជឺឡេស

ជាថ្មីម្ដងទៀត ការបាញ់ប្រហារគ្នាមួយ បានផ្ទុះឡើង នៅក្នុងមណ្ឌលកំសាន្ដបោះប៊ូលីង ឈ្មោះ «Gable House Bowl» ស្ថិតក្នុងក្រុង «Torrance» នៅចំងាយប្រមាណជា ៣០គីឡូម៉ែត្រ ពីក្រុងឡូសអេនជឺឡេស ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...