កម្ពុជាដំណឹង

រដ្ឋមន្ត្រី​ពីររូប​ប៉ងដាក់​«នំបញ្ចុក»​ចូលជា​សម្បត្តិ បេតិកភណ្ឌ​អរូបិយ​ពិភពលោក

«នំបញ្ចុក» នឹងក្លាយជាសម្បត្តិ​«បេតិកភណ្ឌ​អរូបិយ​ពិភពលោក»? ទោះក្លាយបានឬមិនបាន តែវាជាបំណងរបស់លោក ថោង ខុន រដ្ឋមន្ត្រីក្រសួងទេសចរណ៍ និងអ្នកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ ដែលអះអាងថា នឹងសិក្សាពីករណីនេះ ជាមួយអ្នកជំនាញ។

លោក ថោង ខុន បានអះអាងដូច្នេះ នៅក្នុងកិច្ចប្រជុំ​ជាមួយ​ថ្នាក់ដឹកនាំ និង​សមាជិក​ក្រុមការងារ​ថ្នាក់​ជាតិ​ស្រុក​បារាយណ៍ និង​ស្រុក​តាំងគោក កាលពី​ថ្ងៃ​ទី​០៨ ខែមិថុនា ឆ្នាំ​២០១៩ម្សិលម៉ិញ។

លោករដ្ឋមន្ត្រី ត្រូវបានសារព័ត៌មានក្នុងស្រុក ស្រង់សំដីមករាយការណ៍ថា លោក​នឹង​ពិភាក្សា​ ជាមួយ​រដ្ឋមន្ត្រីក្រសួង​វប្បធម៌ និង​វិចិត្រសិល្បៈ អំពី​ការ​រៀបចំ​ស្នើ​ទៅ​អង្គការ​យូ​ណេ​ស្កូ​ ដើម្បីសុំ​ដាក់​បញ្ចូល «​នំ​បញ្ចុក​ខ្មែរ​» ទៅក្នុងបញ្ជី​សម្បត្តិ​ បេតិកភណ្ឌអរូបិយពិភពលោក។

បំណងរបស់លោក កើតឡើងបន្ទាប់ពីទិវាទទួលទាន «នំបញ្ចុក» ជាទូទៅមួយ ត្រូវបានលោកនាយករដ្ឋមន្ត្រី ហ៊ុន សែន បញ្ជាឲ្យរៀបចំធ្វើ ក្នុងថ្ងៃទី៩ ខែមិថុនា ឆ្នាំ២០១៩នេះ ដើម្បីជួនចំជាមួយកម្មវិធី «នំបញ្ចុកសាមគ្គី» ដែលរៀបចំឡើងដោយក្រុមអ្នកគាំទ្រគណបក្សប្រឆាំង ទាំងនៅក្រៅនិងក្នុងប្រទេស។

លោក ហ៊ុន សែន បានថ្លែងកាលពីថ្ងៃព្រហស្បត្តិ៍ ថានំបញ្ចុក ជាអត្តសញ្ញាណរបស់ជាតិខ្មែរ ហើយមិនគួរត្រូវបានយកមកធ្វើជាកម្មសិទ្ធិ សម្រាប់គណបក្សនយោបាយណាមួយឡើយ។ «អត្តសញ្ញាណជាតិ» ក៏ត្រូវបានរដ្ឋមន្ត្រីក្រសួងទេសចរណ៍ អះអាងជាថ្មីដែរ នៅក្នុងកិច្ចប្រជុំនោះ ដោយលោកសំអាងថា ប្រជាពលរដ្ឋខ្មែរនៅទូទាំងប្រទេស សុទ្ធតែស្គាល់ និងបានបរិភោគ «នំបញ្ចុក»។

លោក ថោង ខុន បញ្ជាក់ទៀតថា នំបញ្ចុករួមនឹងម្ហូបខ្មែរ មួយចំនួនទៀត ដូចជា សម្លរ​ម្ជូរ​គ្រឿង អា​ម៉ុ​ក បង្អែម​គ្រាប់ត្នោតជាដើម នឹងត្រូវក្រសួងរៀបចំ យកមកដាក់តាំង នៅក្នុង«ពិពណ៌ម្ហូបអាហារ Gastronomy» ដែលគ្រោងធ្វើនាខែកញ្ញាខាង​មុខ។ លោកថា ម្ហូបអាហារខ្មែរទាងនេះ ជាផ្នែកមួយ នៃការទាក់ទាញ​ទេសចរណ៍​ ឲ្យចូលមកទស្សនាកម្ពុជា។

យ៉ាងណា ការដាក់បញ្ចូលនំបញ្ចុក ចូលក្នុងបញ្ជីបេតិកភណ្ឌអរូបិយ នៅជាបំណងរបស់រដ្ឋមន្ត្រី ទាំងពីរូបនៅឡើយ។ នេះ បើតាមការអះអាង របស់អ្នកស្រី ភឿ​ង ស​កុ​ណា រដ្ឋមន្ត្រីក្រសួងវប្បធម៌ និងវិចិត្រសិល្បៈ។

ស្រង់សំដីរបស់សារព័ត៌មានក្នុងស្រុក អ្នកស្រីបាន​អះអាង​ថា កាលពី​ជិត​មួយ​ឆ្នាំ​មុន​ ក្រសួង​ធ្លាប់​គិត​ចង់ ចុះបញ្ជី​មុខម្ហូប​ខ្មែរ​មួយ​ចំនួន​ ដូច​ជា ប្រហុក ផ្អក សម្លកកូរ ចូលជា​សម្បត្តិ​បេតិកភណ្ឌ​អរូបី​យពិភពលោក​ នៃ​អង្គការយូណេស្កូដែរ​។

អ្នកស្រីបញ្ជាក់ថា ចំណែកមុខម្ហូប«នំបញ្ចុក» អាចនឹងត្រូវលើកយកទៅពិភាក្សា និងពិចារណា ជាមួយក្រុមការងារជំនាញ ក្នុងពេលខាងមុខ៕



លំអិតបន្ថែមទៀត

កម្ពុជា

Covid-19៖ កម្ពុជា​ហាម​អ្នកដំណើរ​​ពី​បស្ចឹមលោក ៥ប្រទេស ចំនួន​៣០ថ្ងៃ

អ្នកដំណើរពីបស្ចឹមលោក ចំនួន ៥ប្រទេស មានប្រទេសអ៊ីតាលី អាល្លឺម៉ង់ អេស្ប៉ាញ បារាំង និងសហរដ្ឋអាមេរិក ត្រូវបានប្រទេសកម្ពុជា ហាមចូល សម្រាប់រយៈពេល៣០ថ្ងៃ ដើម្បីទប់ស្កាត់ការរាតត្បាត នៃមេរោគ«កូរូណា»ថ្មី។ ...
កម្ពុជា

ផ្ទាំងឈ្មោះ​ប្រាសាទ ចំនួន​១១៨​ផ្ទាំង នឹងត្រូវ​តំឡើង​នៅតាម​ប្រាសាទ​នានា

ផ្ទាំងឈ្មោះប្រាសាទធ្វើពីថ្មភក់ ចំនួន​១១៨​ផ្ទាំង ដែលមានឆ្លាក់ទាំងអក្សរខ្មែរ និងអក្សរអង់គ្លេស នឹងត្រូវយកទៅដាក់ដាំ នៅខាងមុខប្រាសាទនានា ក្នុងរមណីយដ្ឋានអង្គរ នាពេលឆាប់ៗខាងមុខ។ នេះ បើតាមការការអះអាងឡើង របស់អាជ្ញាធរអប្សរា ក្នុងព្រឹកថ្ងៃទី១៥ ខែកុម្ភៈ ...
របាយការណ៍

ឈ្មោះ​ប្រទេស និង​រដ្ឋធានីនានា នៅ​ជុំវិញ​ពិភពលោក ជា​ខេមរភាសា

ដើម្បីអនុញ្ញាតឲ្យអ្នកសរសេរ និងអ្នកអាន ឯកភាពគ្នា​ក្នុងការហៅ​ឈ្មោះប្រទេស និង​រដ្ឋធានីនានា នៅជុំវិញ​ពិភពលោក​នោះ គណៈកម្មការជាតិភាសាខ្មែរ (ហៅកាត់ គ.ជ.ភ.ខ ស្ថិតក្រោម​ឱវាទទីស្ដីការគណៈរដ្ឋមន្ត្រី) បាន​ចេញ​បញ្ជី​មួយ សរសេរឈ្មោះប្រទេស និង​រដ្ឋធានីនានា នៃបណ្ដាប្រជាជាតិទាំងនោះ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...