ដំណឹងពិភពលោក

ក្រឡាប់​រថយន្ដ​ទេសចរណ៍​នៅ​ម៉ាឌែរ៖ មនុស្ស​ស្លាប់​ ២៩នាក់

តុល្យភាពនៃជនរងគ្រោះ បានកើនឡើងរហូតដល់ ២៩នាក់ នៅក្នុងគ្រោះថ្នាក់ក្រឡាប់រថយន្ដទេសចរណ៍មួយ នៅលើកោះម៉ាឌែរ (Madère ក្នុងមហាសាគរអាត្លង់ទិក) នៃប្រទេសព័រទុយហ្គាល់។ ស្ត្រីម្នាក់បានផុតដង្ហើម នៅពេលត្រូវបានបញ្ជូន ទៅដល់មន្ទីរពេទ្យ។ ជនរងគ្រោះដែលបានទទួលមរណភាព នៅនឹងកន្លែង មានចំនួន២៨នាក់។

បើតាមអាជ្ញាធរតំបន់ បានឲ្យដឹងថា មានមនុស្ស៥៧នាក់ បានជិះនៅក្នុងរថយន្ដ ហើយភាគច្រើនជាទេសចរណ៍អាល្លឺម៉ង់។ ពីក្នុងចំណោមជនរងគ្រោះ មាន១១នាក់ជាបុរស ១៨នាក់ជាស្ត្រី និងមានអាយុរវាងពី៤០ឆ្នាំ ដល់៥០ឆ្នាំ។

ហេតុការណ៍បានកើតឡើង វេលារសៀលថ្ងៃពុធ ទី១៧ ខែមេសា ឆ្នាំ២០១៩ម្សិលម៉ិញ ក្នុងភូមិ «Santa Cruz» នៃកោះម៉ាឌែរ ដែលស្ថិតនៅភាគលិចឆៀងខាងត្បូង ច្រើនរយគីឡូម៉ែត្រ ពីដែនដីគោក​នៃប្រទេសព័រទុយហ្គាល់។

របាយការណ៍ដំបូងបានឲ្យដឹងថា អ្នកបើកបររថយន្ដបានបាត់ការគ្រប់គ្រង ទៅលើយានយន្ដរបស់ខ្លួន ហើយបានងាកចេញពីផ្លូវ ដែលបត់កោង ធ្វើឲ្យរថយន្ដក្រឡាប់ជាច្រើនត្រឡប់។ រថយន្ដទេសចរណ៍មួយនេះ ត្រូវបានដាកឲ្យប្រើប្រាស់ដំបូង កាលពី៥ឆ្នាំមុន។

ការស៊ើបអង្កេតត្រូវបានបើកធ្វើ ដោយអាជ្ញាធរទាំងពីរប្រទេស អាល្លឺម៉ង់ និង​ព័រទុយហ្គាល់។ នៅលើកោះម៉ាឌែរ អាជ្ញាធរបានប្រកាសកាន់ទុកបីថ្ងៃ ចាប់ពីថ្ងៃនេះរហូតដល់ថ្ងៃសៅរ៍។

តាំងពីយប់ម្សិលម៉ិញ រហូតមកដល់ថ្ងៃនេះ រដ្ឋាភិបាលអាល្លឺម៉ង់បានលើកឡើង ពីគ្រោះថ្នាក់ដ៏រន្ធត់មួយ។ ក្រសួងការបរទេសអាល្លឺម៉ង់ បានបើកការិយាល័យវិបត្តិមួយ ដើម្បីផ្ដល់ជំនួយ និងដំណឹងដែលទាក់ទង សម្រាប់ក្រុមគ្រួសារជនរងគ្រោះ៕



You may also like

កីឡា និងបច្ចេកវិទ្យា

កាំជ្រួច​លើ​វាលរាប ៖ កីឡាករ​បារាំង​ម្នាក់​ស្លាប់​ក្នុង​គ្រោះថ្នាក់​ដ៏រន្ធត់

រូបភាពមានលក្ខណៈ គួរឲ្យព្រឺព្រួចណាស់! ហេតុការណ៍បានកើតឡើង នារសៀលថ្ងៃសៅរ៍ទី៣១ ខែសីហា ឆ្នាំ២០១៩នេះ ក្នុងការប្រណាំង«កាំជ្រួច​លើ​វាលរាប F2» ដើម្បីដណ្ដើមពានរង្វាន់ នៃប្រទេសប៊ែលហ្សិក។ ការប្រកួតក្នុងជុំនោះ ត្រូវបានផ្អាក បន្ទាប់ពីយានប្រណាំងចំនួន៣ ...
កំសាន្ដ

ផ្ទះ​​ជំរុំ​កណ្ដាល​ភ្នំ​ក្រវ៉ាញ ជាប់​ក្នុង​រមណីដ្ឋាន​ទាំង​៥០ ដែល​គួរ​ទៅ​លេង​​ឆ្នាំ២០១៩ របស់ទស្សនាវដ្ដីអាមេរិក

ប្រសិនជាបណ្ដា អ្នកទេសចរណ៍បរទេសទាំងឡាយ បានឮពីប្រទេសកម្ពុជា គេច្បាស់ជានឹកឃើញភ្លាម ទៅដល់ប្រាង្គប្រាសាទខ្មែរ នៅក្នុងទឹកដីខេត្តសៀមរាប។ ប៉ុន្តែនៅក្នុង​ប្រទេស​ដ៏តូចច្រឡឹង​មួយនេះ មិនមែនមានត្រឹមតែប្រាសាទ ដែលជាដួងព្រលឹង និងជាសម្បត្តិវប្បធម៌​របស់​ខ្លួនប៉ុណ្ណោះទេ។ សម្បត្តិធម្មជាតិ ក៏ជាផ្នែកមួយដ៏សំខាន់​នៃប្រទេស ដើម្បីទាក់ទាញអ្នកទេសចរណ៍ទាំងឡាយ ...
កំសាន្ដ

រថយន្ដ​ពីរគ្រឿង​នេះ​«រាំគ្រវីគូទ»​នៅ​កណ្ដាល​ថ្នល់

ជាវីដេអូដែលទាក់ទាញ ឲ្យមានការចែករំលែក មិនតិចជាង១ម៉ឺនដងទេ រាប់ចាប់ពីវីដេអូ ត្រូវបានដាក់បង្ហោះ នៅលើបណ្ដាញសង្គម។ វីដេអូបង្ហាញថា រថយន្ដពីរគ្រឿង ដែលបានឈប់ភ្លើងស្ដុប បានគ្រវីគ្រវាត់ «រ៉ឺមកក្រោយ» របស់ខ្លួន ដែលមើលទៅ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...