កំសាន្ដសួគ៌លោកីយ៍

សណ្ឋាគារ​«វីរតន៍»​នៅសៀមរាប ជាប់​លេខ១​ជាថ្មី ក្នុង​​ពិភពលោក​ឆ្នាំ២០២០

ទិដ្ឋភាពខាងក្នុង នៃសណ្ឋាគារ «វីរតន៍» ក្នុងក្រុងសៀមរាប។ (រូបថតហ្វេសប៊ុកសណ្ឋាគារ)
ទិដ្ឋភាពខាងក្នុង នៃសណ្ឋាគារ «វីរតន៍» ក្នុងក្រុងសៀមរាប។ (រូបថតហ្វេសប៊ុកសណ្ឋាគារ)

កម្រមានណាស់ សម្រាប់បណ្ដាសណ្ឋាគារទាំងឡាយ ដែលទទួលពិន្ទុ ៥/៥ ពីអតិថិជន​រាប់​ពាន់​​នាក់​របស់​ពួកគេ។ តែពិន្ទុនេះ ត្រូវបានអតិថិជន នៃសណ្ឋាគារ​«វីរតន៍» (Viroth’s Hotel) នៅ​ក្រុង​​សៀមរាប ផ្ដល់ជូន​គ្រឹះស្ថាន​មួយនេះ រហូតធ្វើឲ្យ«វីរតន៍»​ទទួលបាន​ចំណាត់​​ថ្នាក់​​លេខ១ ជាថ្មីទៀត បន្ទាប់ពីបានឈរ នៅកំពូលតារាង ក្នុងឆ្នាំ២០១៨ម្ដង​រួចមក។

ការដាក់ពិន្ទុនោះ ធ្វើឡើងនៅលើ​គេហទំព័រអន្តរជាតិ​ដ៏ធំមួយ ឈ្មោះ ទ្រីពេវ៉ាយស៊័រ (TripAdvisor) ដែលមាន​បណ្ដាញ​​នៅ​​គ្រប់​​ទិសទី​ និងមានជំនាញ​​​ខាង​​ការ​​រៀបចំ​​​ដំណើរ​ទេសចរណ៍ (កក់​សណ្ឋាគារ ជួល​រថយន្ដ ទិញ​សំបុត្រ​យន្ដហោះ …)។ ចំណាត់ថ្នាក់​ឆ្នាំ​២០២០​នេះ ទើបនឹងត្រូវបានគេហទំព័រខាងលើ ចេញផ្សាយ​ជាសាធារណៈ កាលពីថ្ងៃទី២៨ ខែ​កក្កដា​ ឆ្នាំ២០២០ម្សិលម៉ិញ។

បើសណ្ឋាគារកម្រិតផ្កាយប្រាំមួយនេះ ទទួលបានពិន្ទុល្អ ពីបណ្ដាអតិថិជន ដែលជា​អ្នក​ប្រើប្រាស់ «ទ្រីពេវ៉ាយស៊័រ» នោះ តែសណ្ឋាគារ «វីរតន៍» ក៏ទទួលបានពិន្ទុខ្ពស់ និង​ការវាយ​តម្លៃល្អៗ នៅក្នុងគេហទំព័រ​កក់/ជួល​សណ្ឋាគារ​ផ្សេងៗទៀតដែរ ដូចយ៉ាងគេហទំព័រ «Hotel.com» «Agoda.com» និង«Booking.com» ជាដើម។

សណ្ឋាគារមួយទៀត ឈ្មោះ «Jaya House River Park» នៅក្នុងក្រុងសៀមរាប ក៏ទទួល​បានចំណាត់ថ្នាក់ល្អដែរ (លេខ១១) នៅក្នុង​ចំណោមកំពូលសណ្ឋាគារទាំង២៥ ដែលចេញ​ផ្សាយដោយ «ទ្រីពេវ៉ាយស៊័រ»។

គ្រឹះស្ថានដែលជាប់ចំណាត់ថ្នាក់លេខ២ បន្ទាប់ពី «វីរតន៍» គឺសណ្ឋាគារ «La Siesta Hotel & Spa» ក្នុងរដ្ឋធានី​ហាណូយ ប្រទេស​វៀតណាម។

ប្រាសាទអង្គរវត្ត ក្នុងខេត្តសៀមរាប អតីតរាជធានី នៃចក្រភពខ្មែរ។ (រូបថត ប៊ុន ណារុន)
ប្រាសាទអង្គរវត្ត ក្នុងខេត្តសៀមរាប អតីតរាជធានី នៃចក្រភពខ្មែរ។ (រូបថត ប៊ុន ណារុន)

នៅក្នុងចំណាត់ថ្នាក់ នៃទិសដៅទេសចរណ៍ ដែលមានប្រជាប្រិយបំផុត ចេញផ្សាយដោយ​គេហទំព័រ​ខាងលើ​នេះ​ដដែល ខេត្តសៀមរាប ដែលជាអតីតរាជធានី នៃចក្រភពខ្មែរ ទទួល​បាន​ចំណាត់ថ្នាក់លេខ២០ ពីក្នុងចំណោម​ទិសដៅ​ទេសចរណ៍ ទាំង២៥ ដែលបណ្ដា​អ្នក​ទេសចរណ៍ទាំងឡាយ នៅលើពិភពលោក ចង់ទៅកម្សាន្ដ និង​ទស្សនា៕



លំអិតបន្ថែមទៀត

ដំណឹង

ក្រឡាប់​រថយន្ដ​ទេសចរណ៍​នៅ​ម៉ាឌែរ៖ មនុស្ស​ស្លាប់​ ២៩នាក់

តុល្យភាពនៃជនរងគ្រោះ បានកើនឡើងរហូតដល់ ២៩នាក់ នៅក្នុងគ្រោះថ្នាក់ក្រឡាប់រថយន្ដទេសចរណ៍មួយ នៅលើកោះម៉ាឌែរ (Madère ក្នុងមហាសាគរអាត្លង់ទិក) នៃប្រទេសព័រទុយហ្គាល់។ ស្ត្រីម្នាក់បានផុតដង្ហើម នៅពេលត្រូវបានបញ្ជូន ទៅដល់មន្ទីរពេទ្យ។ ជនរងគ្រោះដែលបានទទួលមរណភាព នៅនឹងកន្លែង ...
កម្ពុជា

ផ្ទាំងឈ្មោះ​ប្រាសាទ ចំនួន​១១៨​ផ្ទាំង នឹងត្រូវ​តំឡើង​នៅតាម​ប្រាសាទ​នានា

ផ្ទាំងឈ្មោះប្រាសាទធ្វើពីថ្មភក់ ចំនួន​១១៨​ផ្ទាំង ដែលមានឆ្លាក់ទាំងអក្សរខ្មែរ និងអក្សរអង់គ្លេស នឹងត្រូវយកទៅដាក់ដាំ នៅខាងមុខប្រាសាទនានា ក្នុងរមណីយដ្ឋានអង្គរ នាពេលឆាប់ៗខាងមុខ។ នេះ បើតាមការការអះអាងឡើង របស់អាជ្ញាធរអប្សរា ក្នុងព្រឹកថ្ងៃទី១៥ ខែកុម្ភៈ ...
កំសាន្ដ

ផ្ទះ​​ជំរុំ​កណ្ដាល​ភ្នំ​ក្រវ៉ាញ ជាប់​ក្នុង​រមណីដ្ឋាន​ទាំង​៥០ ដែល​គួរ​ទៅ​លេង​​ឆ្នាំ២០១៩ របស់ទស្សនាវដ្ដីអាមេរិក

ប្រសិនជាបណ្ដា អ្នកទេសចរណ៍បរទេសទាំងឡាយ បានឮពីប្រទេសកម្ពុជា គេច្បាស់ជានឹកឃើញភ្លាម ទៅដល់ប្រាង្គប្រាសាទខ្មែរ នៅក្នុងទឹកដីខេត្តសៀមរាប។ ប៉ុន្តែនៅក្នុង​ប្រទេស​ដ៏តូចច្រឡឹង​មួយនេះ មិនមែនមានត្រឹមតែប្រាសាទ ដែលជាដួងព្រលឹង និងជាសម្បត្តិវប្បធម៌​របស់​ខ្លួនប៉ុណ្ណោះទេ។ សម្បត្តិធម្មជាតិ ក៏ជាផ្នែកមួយដ៏សំខាន់​នៃប្រទេស ដើម្បីទាក់ទាញអ្នកទេសចរណ៍ទាំងឡាយ ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

កំសាន្ដ

អតីត​នាយករដ្ឋមន្ត្រី​បារាំង ជិះរថភ្លើង​ក្រោមដី​ដូចពលរដ្ឋ​សាមញ្ញ

រូបថតមួយសន្លឹក ដែលបង្ហាញពីលោក ហ្សង់ កាស្ដិក (Jean Castex) អតីត​នាយករដ្ឋមន្ត្រី​បារាំង ជិះរថភ្លើងក្រោមដី ដូចពលរដ្ឋដ៏ទៃទៀត បានបណ្ដាលឲ្យបណ្ដាជនបារាំងទូទៅ រីករាយសប្បាយក្នុងចិត្តណាស់។ រូបថតនោះ ត្រូវបានម្ចាស់គណនេយ្យទ្វីសធើរម្នាក់ ...
កំសាន្ដ

ឥណ្ឌា៖ ទារិកាមួយរូប​កើតចេញពីផ្ទៃ មានជើង៤ និងដៃ៤

អ្នកម្ដាយជាតិឥណ្ឌាម្នាក់ បានផ្ដល់កំណើត​ដល់ទារិកាមួយរូប ដែល«មានជើង៤ និងដៃ៤»។ ក្រុមអ្នកមានជំនឿស៊ប់ខាងសាសនា បានជឿជាក់ថា អព្ភូតហេតុខាងលើ គឺព្រះរស់ចាប់កំណើត (!)។ ស្រីជាម្ដាយ មានឈ្មោះ«Kareena» និងរស់នៅក្នុងក្រុង«Hardoi» រដ្ឋ«Uttar ...