កម្ពុជាដំណឹង

សម រង្ស៊ី ពន្យុះឲ្យ ហ៊ុន សែន ប្ដឹងលោកបន្ថែម ឲ្យច្រើនករណីទៀត

នៅចំពោះគម្រោងដាក់ពាក្យបណ្ដឹង ពីសំណាក់លោកនាយករដ្ឋមន្ត្រី ហ៊ុន សែន ឡើងទៅតុលាការបារាំងនោះ លោក សម រង្ស៊ី បានស្វាគមន៍គម្រោងនេះ ដើម្បីអ្វីមួយ ដែលមេដឹកនាំប្រឆាំង លើកឡើងថា ជាការតតាំងគ្នាដោយយុត្តិធម៌ ជាជាងតុលាការក្នុងស្រុក។

តែលោក សម រង្ស៊ី បានពន្យុះឲ្យបុរសខ្លាំងកម្ពុជា បន្ថែមបណ្ដឹងប្រឆាំងរូបលោក ឲ្យបានច្រើនករណីទៀត ក្នុងនោះមានករណីគប់គ្រាប់បែក នៅខាងមុខរដ្ឋសភា ករណីឃាតកម្ម លើអ្នកស្រី ពិសិដ្ឋ ពីលិកា និងករណីឃាតកម្ម លើលោក កែម ឡី

នៅលើទំព័រហ្វេសប៊ុករបស់លោក ប្រធានស្ដីទីគណបក្សប្រឆាំង បានលើកឡើង ពីករណីទាំងបីខាងលើ និងបានសរសេរចោទសួរ ទាំងជាខេមរភាសា និងភាសាបារាំងឡើងថា៖

«តើ ហ៊ុន សែន ហ៊ានប្តឹងខ្ញុំ នៅមុខតុលាការបារាំងឬទេ ចំពោះបទឧក្រិដ្ឋទាំង៣ ខាងក្រោមនេះ ដែលខ្ញុំបានចោទគាត់ជាចំហ ថាគាត់ជាអ្នកបញ្ជាឲ្យប្រព្រឹត្ត?»

លោក សម រង្ស៊ី បានលើកយករូបថត មួយករណីម្ដងៗ មកបង្ហោះ និងភ្ជាប់ដោយសំណេរក្នុងរូបទាំងនោះថា៖

«ការវាយប្រហារ ដោយគ្រាប់បែកដៃ (ស្លាប់១៦នាក់) នៅឆ្នាំ១៩៩៧ តាមបញ្ជារបស់ ហ៊ុន សែន។ ពិសិដ្ឋ ពីលិកា ត្រូវគេបាញ់សម្លាប់ នៅឆ្នាំ១៩៩៩ តាមបញ្ជារបស់ ប៊ុន រ៉ានី ហ៊ុន សែន ដោយមានការយល់ព្រមពី ហ៊ុន សែន។ កែម ឡី ត្រូវគេបាញ់សម្លាប់ នៅឆ្នាំ២០១៦ តាមបញ្ជារបស់ ហ៊ុន សែន។»

០៧ មិថុនា ២០១៩ / 07 June 2019 តើ ហ៊ុន សែន ហ៊ានប្តឹងខ្ញុំនៅមុខតុលាការបារាំងឬទេ ចំពោះបទឧក្រិដ្ឋទាំង ៣ ខាងក្រោមនេះ…

Publiée par Sam Rainsy sur Vendredi 7 juin 2019


កាលពីម្សិលម៉ិញ លោក ផៃ ស៊ីផាន អ្នកនាំពាក្យរបបក្រុងភ្នំពេញ បានអះអាងថា ក្នុងកិច្ចប្រជុំពេញអង្គគណៈរដ្ឋមន្រ្តី លោកនាយករដ្ឋមន្ត្រី ហ៊ុន សែន និងលោកឧបនាយករដ្ឋមន្ត្រី ស ខេង កំពុងរួមគ្នារៀបចំឯកសារ ប្ដឹងគូបដិបក្ខនយោបាយរបស់ផងខ្លួន ទៅកាន់តុលាការក្នុងប្រទេស​បារាំង។

អ្នកនាំពាក្យបានអះអាងថា បណ្ដឹងនោះ មានបំណង «ស្វែងរកតម្លៃយុត្តិធម៌សកល» ជូនមេដឹកនាំទាំងពីរ ដែលលោក សម រង្ស៊ី បានចោទប្រកាន់ជាសាធារណៈថា លោក ហ៊ុន សែន ជាអ្នកសម្លាប់នាយឧត្តមសេនីយ៍ ហុក ឡងឌី និងថា លោក ស ខេង បានរៀបចំផែនការ ដើម្បីផ្ដួលរំលំរដ្ឋាភិបាល ដែលដឹកនាំដោយលោក ហ៊ុន សែន។

នៅក្នុងកិច្ចសម្ភាសខ្លីមួយ ជាមួយវិទ្យុអាស៊ីសេរី លោក សម រង្ស៊ី បានលើកឡើងថា លោកស្វាគមន៍បណ្ដឹងនោះ នៅចំពោះតុលាការបារាំង ដែលលោកអះអាងថា ជាតុលាការឯករាជ្យ មានវិជ្ជាជីវៈ៕



លំអិតបន្ថែមទៀត

កម្ពុជា

CIA ទម្លាយថា CPP អាចកែរដ្ឋធម្មនុញ្ញ«បើកផ្លូវឲ្យចិន»ដាក់យោធានៅកម្ពុជា

របបដឹកនាំឯកបក្សក្រុងភ្នំពេញ អាចនឹងធ្វើវិសោធនកម្ម ទៅលើច្បាប់រដ្ឋធម្មនុញ្ញ ដែលជាច្បាប់កំពូលរបស់ប្រទេស ដើម្បី«បើកផ្លូវឲ្យចិន ឈានទៅដាក់មូលដ្ឋាយោធា នៅលើទឹកដីកម្ពុជា»។ នេះ បើតាមការរបាយការណ៍ប្រចាំឆ្នាំមួយ របស់លោក «Daniel Ray Coats»​ ...
កម្ពុជា

ហ៊ុន សែន តម្រូវឲ្យ​ចៅប្រុស​ទាំងអស់ ត្រូវចេះ​លេង​កីឡា​៣ប្រភេទ

កើតមកជាចៅប្រុស របស់នាយករដ្ឋមន្ត្រីកម្ពុជា ត្រូវចេះ​លេង​កីឡា​៣ប្រភេទ ! នេះ បើតាមការបង្ហោះសារ របស់លោកនាយករដ្ឋមន្ត្រី ហ៊ុន សែន នៅលើបណ្ដាញសង្គម កាលពីមុននេះបន្តិច។ អមនឹងរូបថតជាច្រើន ដែលបង្ហាញ ...
កម្ពុជា

អនុរដ្ឋមន្ត្រីចិន​ថា រាជធានីភ្នំពេញ មាន​ភាពរស់រវើកស្រស់ស្អាត

អនុរដ្ឋមន្ត្រីក្រសួងទំនាក់ទំនងអន្តរជាតិ នៃប្រទេសចិនប្រជាមានិត បានអះអាងថា រាជធានីភ្នំពេញ មានភាពរស់រវើក​ស្រស់ស្អាត និងមានសក្ដានុពលជាច្រើន។ មន្ត្រីជាន់ខ្ពស់ចិន លោក វ៉ាង យ៉ាជុន បានថ្លែងដូច្នេះ នៅក្នុងជំនួបជាមួយនាយករដ្ឋមន្ត្រីកម្ពុជា លោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...