នៅចំពោះ ការប្រែប្រួលស្ថានការណ៍នយោបាយ ដ៏ឆាប់រហ័ស នៅក្នុងប្រទេសកម្ពុជា លោក សម រង្ស៊ី អតីតប្រធានគណបក្សសង្គ្រោះជាតិ ដែលកំពុងមានវត្តមាន ក្នុងក្រុងអាត្លង់តា សហរដ្ឋអាមេរិក បានចេញសារនយោបាយមួយ ពីទីនោះ អំពាវនាវទៅកាន់ប្រជាពលរដ្ឋខ្មែរ នូវអ្វីដែលលោកហៅថា «កុំឲ្យចាញ់​កលល្បិច» របស់លោកនាយករដ្ឋមន្ត្រី ហ៊ុន សែន ដែល«ប៉ុនប៉ង បំបែកគណបក្សសង្គ្រោះជាតិ»។

នៅក្នុងរយៈពេលចុងក្រោយនេះ ការខ្វែងគំនិតគ្នា រវាងក្រុមស្និតលោក កឹម សុខា ប្រធានគណបក្ស ដែលកំពុងជាប់ឃុំ នៅក្នុងគេហដ្ឋាន និងក្រុមស្និតលោក សម រង្ស៊ី អតីតប្រធានគណបក្ស បានផ្ទុះឡើងយ៉ាងខ្លាំងក្លា ជាពិសេសនៅបន្ទាប់ពីលោក សម រង្ស៊ី ត្រូវបានសន្និសីទនៅក្រុង អាត្លង់តា ដែលរៀបចំធ្វើ កាលពីថ្ងៃទី១-២ ខែធ្នូនេះ ជ្រើសតាំងឲ្យឡើងកាន់តំណែង ជាប្រធានគណបក្សស្ដីទី។

ការសម្រេចជ្រើសតាំងនេះ ត្រូវបានអង្គសន្និសីទនោះ ពន្យល់ថា ដើម្បីទម្លាយភាពជាប់គាំង ដែលផ្ដល់អំណោយផល ទៅឲ្យលោក ហ៊ុន សែន ក្នុងការអូសបន្លាយពេលវេលា និងដោយហេតុថា លោក កឹម សុខា ដែលស្ថិតក្រោមការឃុំឃាំង កំពុងរងសម្ពាធ និងការគម្រោមកំហែង ពីលោក ហ៊ុន សែន។

«កុំឲ្យចាញ់​កលល្បិច»របស់លោក ហ៊ុន សែន

ផ្ទុយទៅវិញ ក្រុមស្និតលោក កឹម សុខា បានពន្យល់តបវិញថា ការតែងតាំងលោក សម រង្ស៊ី ឲ្យឡើងធ្វើជាប្រធានស្ដីទី មានលក្ខណៈមិនស្របតាមលក្ខន្តិកៈរបស់គណបក្ស ហើយក្រុមអ្នកគាំទ្រនៅក្រៅប្រទេស ដែលបានសម្រេចជ្រើសតាំងនោះ ក៏គ្មាននីតិសម្បទា ដើម្បីធ្វើការសម្រេច ឬស្នើសុំដូច្នេះដែរ។

ក្នុងពេលជាមួយគ្នា របបដឹកនាំក្រុងភ្នំពេញ បានផ្លាស់ប្ដូរជំហរ ដោយបានដើរត្រឡប់ក្រោយវិញ មួយជំហានយ៉ាងវែង។ នោះ គឺគម្រោងធ្វើវិសោធនកម្មជាថ្មីទៀត ទៅលើច្បាប់ស្ដីគណបក្សនយោបាយ ដើម្បីបើកលទ្ធភាពឲ្យក្រុមមន្ត្រី ១១៨នាក់ ដែលត្រូវបានហាមឃាត់ធ្វើនយោបាយ រយៈពេល៥ឆ្នាំ អាចធ្វើនយោបាយឡើងវិញបាន តាមរយៈការផ្តល់នីតិសម្បទាជាថ្មី ដោយព្រះមហា​ក្សត្រ តាមសំណើរបស់នាយករដ្ឋមន្ត្រី។

ប៉ុន្តែការផ្លាស់ប្ដូរជំហរនេះ ត្រូវបានគេមើលឃើញថា របបក្រុងភ្នំពេញ ទំនងជាចង់ផាត់លោក សម រង្ស៊ី ឲ្យនៅក្រៅតែម្នាក់ឯង ដោយហេតុថា លោក សម រង្ស៊ី គ្មានឈ្មោះ នៅក្នុងជនទាំង១១៨នាក់ទេ តែមានជាប់រឿងក្ដីក្ដាំ យ់ាងច្រើនសន្ធឹកសន្ធាប់ នៅឯតុលាការកម្ពុជា៕


ខាងក្រោមនេះ ជាវីដេអូទាំងស្រុង ដែលលោក សម រង្ស៊ី ថ្លែងពីសហរដ្ឋអាមេរិក៖

https://www.facebook.com/rainsy.sam.5/videos/402931027116092/



លំអិតបន្ថែមទៀត

កម្ពុជា

សម រង្ស៊ី និងមន្ត្រី CNRP បង្កើត​គណៈកម្មការ​ធ្វើ​មាតុភូមិនិវត្តន៍​ក្នុងឆ្នាំនេះ

គណៈកម្មការពិសេសមួយ ដែលមានអនុគណៈកម្មការចំនួន៦ ត្រូវបានគណបក្សសង្គ្រោះជាតិ (CNRP) នៅក្រៅប្រទេសបង្កើតឡើង នៅចុងសប្ដាហ៍កន្លងមកនេះ ដើម្បីរៀបចំដំណើរធ្វើមាតុភូមិនិវត្តន៍ របស់លោក សម រង្ស៊ី និងមន្ត្រី CNRP ដទៃទៀត ...
លោកសាស្ត្រាចារ្យ រ៉ុង ឈុន នៅក្នុងរថយន្ដនគរបាល នៅក្រោយលោកត្រូវបានចាប់ខ្លួន ក្នុងយប់ថ្ងៃសុក្រ ទី៣១ ខែកក្កដា ឆ្នាំ២០២០។ (រូបថតនគរបាល)
កម្ពុជា

អង្គការ​ឃ្លាំមើល​សិទិ្ធមនុស្ស ស្នើ EU ឲ្យបន្ថែមទណ្ឌកម្ម​លើរបបក្រុង​ភ្នំពេញ

សម្រាប់ អង្គការ​ឃ្លាំមើល​សិទិ្ធមនុស្ស (Human Rights Watch) បានលើកឡើងថា ការចាប់ចងលោក រ៉ុង ឈុន ជាព្រឹត្តិការណ៍រំលោភសិទ្ធិមនុស្ស​ចុងក្រោយ និងថ្មីទៀត របស់របប​ក្រុង​ភ្នំពេញ ដែលសហភាពអ៊ឺរ៉ុប ...
កម្ពុជា

Covid-19៖ ហ៊ុន សែន ថាវិស័យ​ហិរញ្ញវត្ថុកម្ពជា មានស្ថានភាព​ល្អប្រសើរ

លោក ហ៊ុន សែន នាយករដ្ឋមន្ត្រីចាស់វស្សា នៅកម្ពុជា បានអះអាងថា ប្រទេសកម្ពុជា មានស្ថានភាព​ល្អប្រសើរ លើវិស័យហិរញ្ញវត្ថុ ក្នុងសម័យកាល នៃការរាតត្បាតជំងឺ «Covid-19»។ ការថ្លែងរបស់បុរសខ្លាំង ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...