កម្ពុជាដំណឹង

ហ៊ុន សែន ថាបានរក«វិធីនានា ដែលអាចធ្វើបាន» ដើម្បីជួយ​ជនក្រីក្រ

ខណៈវិបត្តិបានផ្ទុះឡើង តាំងពីប៉ុន្មានខែមុន លោកនាយករដ្ឋមន្ត្រី ហ៊ុន សែន ប្រកាស​ក្នុងថ្ងៃអាទិត្យនេះ ថារដ្ឋាភិបាលបានរិះរក «វិធីនានា ដែលអាចធ្វើបាន» ដើម្បី​ជួយ​ពលរដ្ឋក្រីក្រ នៅតាមតំបន់ដាច់ស្រយាល ដែលខ្វះខាតម្ហូបអាហារ។

ការប្រកាសរបស់បុរសខ្លាំង នៅកម្ពុជា ស្ដីពី«ការរិះរកវិធីនានា ដែលអាចធ្វើបាន» ក្នុង​ការជួយ​ពលរដ្ឋក្រីក្រ ធ្វើឡើងកាលពីមុននេះបន្តិច នៅលើបណ្ដាញសង្គម ជាមួយនឹង​ពាក្យពេជន៍​នឹករឭក ផ្ញើរទៅកាន់ពលរដ្ឋទាំងនោះ ដែលលោកអះអាងថា មិនបាន​ចុះជួប​ដោយផ្ទាល់។

លោក ហ៊ុន សែន បានសរសេរបន្តថា៖

«ពិតណាស់ក្នុងស្ថានការណ៍ ដែលជំងឺឆ្លងកូវីដ-១៩ កំពុងរាតត្បាតនៅទូទាំងពិភពលោក គឺបានធ្វើឲ្យប៉ះពាល់យ៉ាងខ្លាំង មកលើសេដ្ឋកិច្ចជាតិយើងផងដែរ។ ទន្ទឹមនឹងនោះ បងប្អូន​កូនក្មួយ​មួយចំនួន ត្រូវបានផ្អាកការងារ ជាពិសេសបងប្អូនប្រជាពលរដ្ឋក្រីក្រ នៅតាមជនបទដាច់ស្រយាលមួយចំនួន ក៏កំពុងជួបប្រទះការខ្វះខាតម្ហូបអាហារ។»

រិះរក«វិធីនានា ដែលអាចធ្វើបាន»

បុរសអាយុ៦៧ឆ្នាំរូបនេះ ដែលអង្គុយក្នុងតំណែង តាំងពី៣៥ឆ្នាំ បានប្រកាស​ពី​វិធានការណ៍​នៃរដ្ឋាភិបាលរបស់លោក ដូច្នេះថា៖

«រាជរដ្ឋាភិបាលកម្ពុជាបានខិតខំ រិះរកវិធីនានា ដែលអាចធ្វើបាន ដើម្បីជួយបងប្អូន​ប្រជាពលរដ្ឋក្រីក្រ ក្នុងស្ថានភាពចាំបាច់នេះ។ នៅថ្ងៃពុធទី២៤ មិថុនា​ ខាងមុខនេះ យើង​នឹងប្រកាស ដាក់ឲ្យប្រើប្រាស់ ជាផ្លូវការ នូវ “កម្មវិធីឧបត្ថម្ភសាច់ប្រាក់ ជូន​គ្រួសារ​ក្រីក្រ និងងាយរងគ្រោះ ក្នុងអំឡុងពេលប្រយុទ្ធនឹងជំងឺកូវីដ-១៩”។»

សម្រាប់លោក សម រង្ស៊ី មេដឹកនាំប្រឆាំង ដែលកំពុងរស់នៅនិរទេសខ្លួន នៅក្នុងប្រទេស​បារាំង បានរិះគន់ចំណាត់ការ របស់រដ្ឋាភិបាលលោក ហ៊ុន សែន នៅក្នុងការគ្រប់គ្រង​វិបត្តិ «Covid-19» ថាមិនអាចធ្វើបាន ដោយយោងតាម​លក្ខខណ្ឌបីយ៉ាង។ ប្រធានស្ដីទី​គណបក្សសង្គ្រោះជាតិ បានសរសេរ​​នៅលើបណ្ដាញ​សង្គមថា៖

«របប ហ៊ុន សែន មិនអាចដោះស្រាយវិបត្តិសេដ្ឋកិច្ចដ៏ធ្ងន់ធ្ងរ ដូចសព្វថ្ងៃ បានទេ។ ដើម្បី​ដោះស្រាយវិបត្តិបែបនេះ ប្រកបដោយជោគជ័យ របបណាក៏ដោយ ត្រូវតែបំពេញលក្ខខណ្ឌ ៣ យ៉ាង ៖ (ទី១) មានឆន្ទៈនយោបាយ (ទី២) មានធនធាន និងប្រាក់បម្រុងគ្រប់គ្រាន់ (និងទី៣) មានជំនាញ និងសមត្ថភាព៕»

១៤ មិថុនា ២០២០ / 14 June 2020 – The three handicaps of the Hun Sen regime (*) – Les trois handicaps du régime Hun Sen…

Posted by Sam Rainsy on Sunday, 14 June 2020


លំអិតបន្ថែមទៀត

កម្ពុជា

សម រង្ស៊ី ថា​បណ្ដឹង ហ៊ុន សែន នៅ​តុលាការ​បារាំង ជា​«ល្បិច»​បង្វែរ​រឿង

ដំណឹងនៃការដាក់បណ្ដឹង ទៅកាន់តុលាការបារាំង ដោយក្រុមមេធាវីរបស់លោកនាយករដ្ឋមន្ត្រី ហ៊ុន សែន ទទួលបានប្រតិកម្មមកវិញភ្លាមៗ ពីលោក សម រង្ស៊ី មេដឹកនាំប្រឆាំងក្នុងយប់ថ្ងៃនេះ។ តែប្រធានស្ដីទីគណបក្សប្រឆាំង ដែលជាភាគីចុងបណ្ដឹង បានចាត់ទុកបណ្ដឹងនោះ ...
ដំណឹង

Covid-19៖ រដ្ឋធានី ប៉ារីស នៅចំពោះ​បម្រាម ហាមពលរដ្ឋ​ធ្វើដំណើរ

ខាងក្រោមនេះ ជាទិដ្ឋភាពនៃរដ្ឋធានី ប៉ារីស (បារាំង) ដែលធ្លាប់តែមានមនុស្ស ធ្វើដំណើរ ណែនណាន់តាន់តាប់ តែប្រែក្លាយ ជាមានសភាពស្ងប់ស្ងាប់ ក្រោមបម្រាមរបស់រដ្ឋាភិបាលបារាំង ដែលដាក់ពលរដ្ឋនៅទូទាំងប្រទេស ឲ្យបង្ខាំងខ្លួន នៅតែក្នុងផ្ទះ ...
កម្ពុជា

ហ៊ុន សែន បើកផ្លូវឲ្យ លឺ ឡាយស្រេង វិលចូលកម្ពុជាវិញ

នាយករដ្ឋមន្ត្រីកម្ពុជា លោក ហ៊ុន សែន បានប្រកាសនៅព្រឹកនេះ បើកផ្លូវឲ្យលោក លឺ ឡាយស្រេង ដែលបាននិរទេសខ្លួន ចេញទៅក្រៅប្រទេស អាចវិលត្រឡប់ចូលប្រទេសវិញ ដោយបញ្ជាទៅតុលាការ កុំឲ្យចោទប្រកាន់ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...