កម្ពុជាដំណឹង

ហ៊ុន សែន ថា​ព័ត៌មាន​ស្ដីពី​អង្ករ​សិប្បនិមិត្ត ជា​«សង្គ្រាមចិត្តសាស្ត្រ»

លោកនាយករដ្ឋមន្ត្រី ហ៊ុន សែន បានចាត់ទុកព័ត៌មាន ដែលនិយាយពីអង្ករសិប្បនិមិត្ត ក្នុងពេលកន្លងមក ថាជា«សង្គ្រាមចិត្តសាស្ត្រ»។ មេដឹកនាំរូបនេះមិនជឿថា មានអង្ករប្រភេទនេះ ចរាចរលក់ដូរនៅលើទីផ្សារ ដោយលោកគិតថា តម្លៃឧស្សហកម្ម និងសិប្បកម្ម ដើម្បីផលិតចេញជាអង្ករសិប្បនិមិត្ត មានតម្លៃជាងអង្ករធម្មតា។

ថ្លែងនៅចំពោះនិស្សិតច្រើនរយនាក់ ក្នុងមជ្ឈមណ្ឌលកោះពេជ្រ រាជធានីភ្នំពេញ នាព្រឹកថ្ងៃព្រហស្សត្តិ៍នេះ លោក ហ៊ុន សែន បានអះអាងថា គ្មាននរណាចេះធ្វើ អង្ករសិប្បនិមិត្តទេ ហើយបើទោះជាធ្វើបាន ក៏ត្រូវប្រើតម្លៃផលិតកម្ម ថ្លៃជាងអង្ករធម្មជាតិដែរ។

បុរសខ្លាំងកម្ពុជា បានថ្លែងឡើងថា៖

«អត់មាននរណា ចេះធ្វើអង្ករសិប្បនិមិត្តទេ។ អញ្ចឹងបានខ្ញុំមិនយល់។ មានពេលខ្លះ មានគេថា មានអង្ករសិប្បនិមិត្ត យកទៅលក់នៅកន្លែងនេះ យកទៅលក់នៅកន្លែងនោះ។ ហើយខ្ញុំចេះតែចោទសួរថា ចុះគ្រាន់តែផលិតអង្ករធម្មតានេះ អង្ករវាថោកណាស់ទៅហើយ ចុះទៅផលិតអង្ករសិប្បនិមិត្ត វានឹងយកទៅ​លក់យ៉ាងម៉េច វានឹងលក់ដាច់? វាធ្វើវាទៅវាមិនរួច អានេះជា”សង្គ្រាមចិត្តសាស្ត្រ”មួយ។»

លោកនាយករដ្ឋមន្ត្រី បានបន្ទោសក្រុមអាជ្ញាធរ ថាបានចាញ់បោក«សង្គ្រាម​ចិត្តសាស្ត្រ» ខាងលើនេះ ដោយសារតែក្រុមអាជ្ញាធរ មិនចេះគិតប្រៀបធៀបតម្លៃ ដូចលោក។ លោក ហ៊ុន សែន រៀបរាប់ថា៖

«ហើយរហូតទៅដល់ អាជ្ញាធររបស់យើងចាញ់បោកគេទៅទៀត មិនចេះគិត អំពីការប្រៀបធៀបថ្លៃ។ ឥឡូវយើងគ្រាន់តែដាំធម្មតា ថ្លៃស្រូវរបស់យើង វាមានការធ្លាក់ចុះទៅហើយ ចុះទម្រាំទៅធ្វើអង្ករសិប្បនិមិត្ត? ដើម្បីបានអង្ករសិប្បនិមិត្ត អាហ្នឹងត្រូវឆ្លងកាត់សង្វាក់ឧស្សាហកម្ម សិប្បកម្ម ទើបអាចទៅរួច មិនមែនចេះតែធ្វើឯណា?»

កន្លងមកព័ត៌មានជាច្រើន ជាពិសេសសាក្សី ដែលបានទិញ និងទទួលទាន តែងអះអាង​ពីវត្តមានអង្ករសិប្បនិមិត្ត នៅលើទីផ្សារកម្ពុជា ហើយប្រភពខ្លះបានអះអាងថា អង្ករប្រភេទ​នេះ ធ្វើចេញ និងនាំចូលពីប្រទេសវៀតណាម ឬពីប្រទេសចិន ដោយប្រើប្រាស់ស្បោងផ្លាស្ទិក ជាវត្ថុធាតុដើម។

វីដេអូខាងក្រោមនេះ ត្រូវបានម្ចាស់គណនីហ្វេសប៊ុកមួយ ឈ្មោះ «Kẻ Dám Liều» ថត និងផ្សាយផ្ទាល់ ចេញពីសិប្បកម្មមួយកន្លែង ដែលផលិតអង្ករផ្លាស្ទិក ឬអង្ករសិប្បនិមិត្ត៖

Mình có nói 50k like mình sẽ công khai xưởng sx này. Đc: xưởng Tú nhung. Làng khoai, như quỳnh, văn lâm, hưng…

Publiée par Kẻ Dám Liều sur Mercredi 2 novembre 2016


រីឯខាងក្រោមនេះ ជាវីដេអូមួយចំនួនទៀត ដែលបង្ហាញពីសក្ខីកម្ម នៃវត្តមានអង្ករសិប្បនិមិត្ត ឬអង្ករផ្លាស្ទិក នៅលើទីផ្សារកម្ពុជា៖

បងប្អូនរស់នៅភ្នំពេញថ្មី ខណ្ឌសែនសុខ បានទិញប៉ះអង្ករ ផ្លាសស្ទិច សូមទស្សនា video ពិសោធន៍ អង្ករផ្លាសស្ទិច ទាំងអស់គ្នា ពត៌មានបែបនេះត្រូវជួយ ចែកចាយគ្នា ដើម្បីសុខភាពបងប្អូនខ្មែរយើង ខ្មែរជួយខ្មែរ ខ្មែរស្រលាញ់ខ្មែរ ទោះរស់នៅកន្លែងណា ក៏យើងត្រូវតែជួយគ្នា នូវអ្វីដែលយើងអាចជួយបាន សូមអរគុណ thank you khmer love khmer

Publiée par Rayuth Thea sur Lundi 10 août 2015


សួស្តីបងប្អូនទាំងអស់គ្នា ថ្ងៃនេះនាងខ្ញុំចង់បង្ហោះឃ្លីប ទាក់ទងនឹងប្រភេទអង្ករផ្លាស្ទិក ចែកជូនបងប្អូនដើម្បីអោយមានការប្រុងប្រយត្ន័ក្នុងការជ្រើសរើសអង្ករមកបរិភោគ…

Publiée par Socheath Sorn Vabou sur Lundi 10 août 2015


You may also like

កម្ពុជា

សម រង្ស៊ី បន្តផ្ញើរសារឲ្យ «ស ខេង វ៉ៃ ហ៊ុន សែន មុន ហ៊ុន សែន វ៉ៃ ស ខេង»

ជាថ្មីម្ដងទៀត មេដឹកនាំប្រឆាំងកម្ពុជា លោក សម រង្ស៊ី បានថ្លែងឲ្យដឹងថា រវាងលោក ហ៊ុន សែន នាយករដ្ឋមន្ត្រី និងលោក ស ខេង ...
កម្ពុជា

២ម៉ឺន​ផោន ៖ មិត្តស្រី​បុរសជាតិ​អង់គ្លេសថា ប្រជាជន​ខ្មែរ​មាន​ចិត្តល្អ​ណាស់

កញ្ញា «Alana Fonseca» មិត្តស្រី​របស់បុរសជាតិអង់គ្លេស ដែលកំពុងរង់ចាំ ប្រាក់រៃ​អង្គាស​ចំនួន ២ម៉ឺន​ផោន ដើម្បីប្រគល់ឲ្យមន្ទីរពេទ្យ នៅកម្ពុជានោះ បានថ្លែង​នៅថ្ងៃ​នេះ​ថា ប្រជាជនខ្មែរ មានទឹកចិត្តល្អណាស់ ហើយថា ...
ដំណឹង

នាយករដ្ឋមន្ត្រី​អ៊ីតាលី ចោទមន្ទីរពេទ្យមួយថាខ្ជីខ្ជាធ្វើឲ្យឆ្លងមេរោគ«កូរូណា»

នាយករដ្ឋមន្ត្រី​អ៊ីតាលី លោក ហ្សូហ្សេប៉េ កុងតេ (Giuseppe Conte) បានទម្លាក់ការទទួលខុសត្រូវ ទៅលើមន្ទីរពេទ្យមួយ ថាជាដើមហេតុ ដែលបណ្តាលឲ្យមានការឆ្លងរាលដាល នៃមេរោគ«កូរូណា»ថ្មី ក្នុងតំបន់ជាច្រើន ក្នុងភាគខាងជើងប្រទេស។ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...