កម្ពុជាដំណឹង

សុខ ឥសាន ថា​​ក្រុមប្រឆាំង​កំពុង​ក្លាយជា​អ្នកទាយ​ នៅក្រោយ​«វង់ល្បែង»

យុទ្ធសាស្ត្រជាច្រើនរបស់ក្រុមប្រឆាំង នៅកម្ពុជា បានទទួលបរាជ័យ«យ៉ាង​អាម៉ាស» និងជាបន្តបន្ទាប់ ដែលធ្វើឲ្យក្រុមនេះ ក្លាយជា«អ្នកទាយ»នៅពីក្រោយ«វង់ល្បែង»វិញម្ដង។ នេះ បើតាមការលើកឡើង របស់លោក សុខ ឥសាន អ្នកនាំពាក្យគណបក្សកាន់អំណាច ដោយហៅយុទ្ធសាស្ត្រទាំងនោះ ថាជា«ឧបាយកលរាក់កំផែល»។

នៅលើប្រព័ន្ធតេឡ្រេក្រាម នៅថ្ងៃទី២៨ ខែកក្កដានេះ មន្ត្រីអ្នកនាំពាក្យគណបក្សប្រជាជនកម្ពុជា បានធ្វើការប្រៀបធៀបថា ក្រុមប្រឆាំងនៅកម្ពុជា បានក្លាយខ្លួនជាអ្នក«អង្គុយទាយ» ហើយថែមទាំងអង្គុយទាយ នៅពីក្រោយ«វង់ល្បែង»ទៀត ដោយហេតុថា ពួកគេបានលេងល្បែងចាញ់ រហូតបោសគូថរួចហើយនោះ។

លោក សុខ ឥសាន បានរំឭកមកបញ្ជាក់ តាំងពីយុទ្ធសាស្ត្រដំបូងៗ របស់គណបក្សប្រឆាំង ដូចយ៉ាងការប្រើយុទ្ធនាការ «ម្រាមដៃស្អាត» និង«នៅផ្ទះឈ្នះឯង» ដោយនឹកស្មានថា នឹងគ្មានប្រជាជន ទៅបោះឆ្នោតនោះជាដើម។ លោកថា៖

«ផ្ទុយទៅវិញ ប្រជាជនកម្ពុជាជាង ៨៣%ទៅបោះឆ្នោត។»

លោកបានស្រង់សំដី«ឃោសនា» របស់ក្រុមប្រឆាំង មកបញ្ជាក់បន្តថា គ្មានប្រទេសណា ទទួលស្គាល់រដ្ឋាភិបាលកម្ពុជា ដែលកើតចេញពីការបោះឆ្នោត ខែកក្កដា ឆ្នាំ២០១៨ នោះទេ។

«ផ្ទុយទៅវិញ អន្តរជាតិ រួមទាំងមេដឹកនាំ ប្រទេសមហាអំណាច មួយចំនួនផង បាន​ប្រកាសទទួលស្គាល់ និងផ្តល់កិត្តិយស ដល់រាជរដ្ឋាភិបាលកម្ពុជា នីតិកាលទី៦ ជាពិសេសទទួលស្គាល់ និងផ្តល់កិត្តិយស ជូនសម្តេចតេជោ ហ៊ុន សែន ជានាយករដ្ឋមន្ត្រីកម្ពុជា។»

អ្នកនាំពាក្យបានរៀបរាប់ ពីយុទ្ធសាស្ត្រផ្សេងទៀត របស់ក្រុមប្រឆាំង ដូចយ៉ាង«ការប្រឌិតរឿង» ដើម្បីបំបែកបំបាក់ផ្ទៃក្នុង របស់គណបក្សប្រជាជនកម្ពុជា ជាពិសេសផ្ទៃក្នុងថ្នាក់ដឹកនាំ គណបក្សប្រជាជនកម្ពុជាតែម្តង ញុះញង់បំផុសបំផុលថា លោក ស ខេង ប៉ុនប៉ងផ្តួលរំលំលោក ហ៊ុន សែន បំផុសចង់ឲ្យលោក ឌី វិជ្ជា ចង់គំនុំនិងសងសឹក ជាមួយឪពុកក្មេករបស់លោក (លោក ហ៊ុន សែន) ជាដើម។ លោកបន្តថា៖

«តែឧបាយកលបំបែកបំបាក់នេះ ត្រូវទទួលបរាជ័យទៀត។»

សម្រាប់លោក សុខ ឥសាន បានគិតថា នៅរយៈពេលចុងក្រោយនេះ ក្រុមគណបក្សប្រឆាំង ថែមទាំងញុះញង់ ប្រជាជននិងកងទ័ព ឲ្យងើបបះបោរ ប្រឆាំងនឹងរដ្ឋាភិបាលកម្ពុជា ហើយស្វាគមន៍លោក សម រង្ស៊ី ដែលលោកចាត់ទុកថា ជាមេឧទ្ទាមក្រៅច្បាប់ ដើម្បីវិលចូលក្នុងស្រុក។ លោកបញ្ជាក់ថា៖

«តែឧបាយកលរាក់កំផែលនេះ អត់ប្រសិទ្ធភាព និងត្រូវបរាជ័យយ៉ាងអាម៉ាស់ និងធ្ងន់ធ្ងរទៀត៕»



លំអិតបន្ថែមទៀត

កម្ពុជា

អ្នកកាសែត​«ក្នុងមុង» ឆ្លើយសារ​ចំអក​ដាក់​រដ្ឋមន្ត្រី​ក្រសួង​«មុង»​វិញ​ម្ដង

លោក ជុន ច័ន្ទបុត្រ នាយករង​វិទ្យុអាស៊ីសេរី ទទួលបន្ទុកខេមរភាសា ដែលរងការចំអក ពីរដ្ឋមន្ត្រីក្រសួងព័ត៌មាន ថាជាអ្នកកាសែត«ក្នុងមុង» បានឆ្លើយតបវិញ ដោយសារ​បឈ្ឆិត​បញ្ឆៀង​​ខ្លីមួយ កាលពីម្សិលម៉ិញ ហៅក្រសួងព័ត៌មាន ថាជាក្រសួង«មុង» ...
កម្ពុជា

សម រង្ស៊ី ប្រាប់​ទៅ​«ហ៊ុន សែន ឯង បើខឹងគោ កុំទៅវ៉ៃរទេះ»

«បើខឹងទណ្ឌកម្មពី សហភាពអឺរ៉ុប កុំទៅរករឿងអ្នកគាំទ្រ គណបក្សសង្គ្រោះជាតិ រាប់លាននាក់ នៅប្រទេសកម្ពុជា» នេះ ជាការអះអាងឡើង របស់លោក សម រង្ស៊ី ប្រធានស្ដីទីគណបក្សសង្គ្រោះជាតិ តបនឹងការគម្រាមរបស់លោក ...
លោក ហ៊ុន សែន (រូបអង្គុយ) កំពុងជល់កែវជាមួយកូន និងកូនប្រសារ ទាំងប្រុស-ស្រីរបស់លោក នៅក្នុងគេហដ្ឋានរបស់លោក។ (រូបថតហ្វេសប៊ុក)
កំសាន្ដ

ហេតុអ្វី ហ៊ុន សែន ឲ្យ​យក​ថ្ងៃ​៤មេសា​១៩៥១ ជា​«ថ្ងៃខែឆ្នាំកំណើត»?

បើសិនជា«ថ្ងៃខែឆ្នាំកំណើត»​របស់បណ្ដាជនទាំងឡាយ នៅលើពិភពលោក មិនអាចត្រូវបានកំណត់ឡើង ​ស្រេចនឹងចិត្តនោះ តែសម្រាប់បុរសខ្លាំងកម្ពុជា «ថ្ងៃខែឆ្នាំកំណើត»ត្រូវបានកំណត់ ឲ្យសមប្រកបតាមព្រឹត្តិការណ៍​នយោបាយ ដែលខ្លួនលោកចង់បាន និងទៅ​តាម​កំហុស​ របស់អ្នកវាយអង្គុលីលេខ ក្នុងសម័យក្រោយឆ្នាំ១៩៧៩។ ឯកសារជាច្រើន ទាំងផ្លូវការនិងមិនផ្លូវការ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.