កម្ពុជាដំណឹង

សម រង្ស៊ី ហៅ​ការចាប់ខ្លួន រ៉ុង ឈុន ជា​«ការបំពាន»​និងតាម​«ទំនើងចិត្ត»

លោក សម រង្ស៊ី (ខាងឆ្វេង) និងលោក រ៉ុង ឈុន ថតរូបជាមួយគ្នា ក្នុងក្រុង សាន់ហ្វ្រាន់ស៊ីស្កូ សហរដ្ឋអាមេរិក កាលពីដើមខែកុម្ភៈ ឆ្នាំ២០១៩។ (រូបថតហ្វេសប៊ុក Sam Rainsy)
លោក សម រង្ស៊ី (ខាងឆ្វេង) និងលោក រ៉ុង ឈុន ថតរូបជាមួយគ្នា ក្នុងក្រុង សាន់ហ្វ្រាន់ស៊ីស្កូ សហរដ្ឋអាមេរិក កាលពីដើមខែកុម្ភៈ ឆ្នាំ២០១៩។ (រូបថតហ្វេសប៊ុក Sam Rainsy)

មេដឹកនាំប្រឆាំង ដែលកំពុងរស់នៅនិរទេសខ្លួន ក្នុងប្រទេសបារាំង បានប្រតិកម្មខ្លី និង​ភ្លាមៗ តបនឹង​ការចាប់ខ្លួន​លោក រ៉ុង ឈុន ដោយអាជ្ញាធរ​របបក្រុងភ្នំពេញ ដោយហៅ​ការចាប់ខ្លួន​​នោះ ថាជា​«ការបំពាន» ដែលធ្វើឡើង​តាម«ទំនើងចិត្ត»។

លោក​សាស្ត្រាចារ្យ រ៉ុង ឈុន ត្រូវបានចាប់ខ្លួន នៅវេលាម៉ោង៩ និង៤០នាទី ក្នុងយប់​ថ្ងៃទី​៣១ ខែកក្កដានេះ ពីក្នុង​គេហដ្ឋាន​របស់លោក ដែលស្ថិតក្នុងសង្កាត់​ចាក់អង្រែក្រោម ខណ្ឌមានជ័យ រាជធានីភ្នំពេញ។ នេះ បើតាមដំណឹង ដែលផ្ដល់ដោយអ្នកជិតដិត របស់​លោក​នៅ​មុន​នេះបន្តិច មុននឹងអះអាងបន្ថែម ដោយប្រព័ន្ធឃោសនាក្នុងស្រុក។

ភ្លាមៗក្រោយការផ្សាយ ពីដំណឹងដ៏អកុសល លោក សម រង្ស៊ី បានបង្ហោះសារ ​នៅលើ​ទំព័រទ្វីសធើររបស់លោក យ៉ាងខ្លីថា៖

«លោក រ៉ុង ឈុន ប្រធានសហភាពសហជីពកម្ពុជា និងជា[អតីត]ប្រធាន​​សមាគមគ្រូ​បង្រៀន​​ឯករាជ្យ នៃ​ព្រះរាជា​ណាចក្រកម្ពុជា ត្រូវបានអាជ្ញាធរ នៃរបបលោក ហ៊ុន សែន ចាប់ខ្លួនដោយបំពាន នៅ​រាត្រីថ្ងៃទី៣១ ខែកក្កដា ឆ្នាំ២០២០ នេះ។»

ការចាប់ខ្លួនលោកសាស្ត្រាចារ្យ រ៉ុង ឈុន ដែលជាសកម្មជនមិនចេះនឿយហត់ ក្នុង​កិច្ច​ការពារ​សិទ្ធិមនុស្ស​ សិទ្ធិគ្រូបង្រៀន សិទ្ធិកម្មករ និងសិទ្ធិជនរងគ្រោះដទៃទៀត ធ្វើឡើង​តែ​ប៉ុន្មាននាទី ក្រោយពី​លោកបានបញ្ចប់ ការថ្លែង​របស់លោក ជុំវិញ​បញ្ហា​ព្រំដែន​រវាង​កម្ពុជា និង​វៀតណាម នៅ​ក្នុងការផ្សាយ​របស់​វិទ្យុ​អាស៊ីសេរី (RFA)៕



You may also like

កម្ពុជា

សម រង្ស៊ី បរិហារ ហ៊ុន សែន ថារៃអង្គាសប្រាក់​«ដើម្បីចិញ្ចឹម​អំពើពុករលួយ»

សម្រាប់លោក សម រង្ស៊ី បានជឿជាក់ថា ការរៃអង្គាសប្រាក់ដោយលោក ហ៊ុន សែន គឺជាការប្រមូលប្រាក់ «ដើម្បីចិញ្ចឹម​អំពើពុករលួយ» ព្រោះការរៃអង្គាស ដែលថា​ដើម្បី​ទិញថ្នាំវ៉ាក់សាំង បង្កាជំងឺកូវីដ-១៩ (Covid-19) ...
កម្ពុជា

សម រង្ស៊ី បន្តប្រាប់ ហ៊ុន សែន កុំដើររករឿងគេឯង«ទាំងងងើល»

ភាគបន្ត នៃសង្គ្រាមពាក្យសំដី ហ៊ុន សែន-សម រង្ស៊ី អាចនឹងរកទីបញ្ចប់គ្មាន។ ក្នុងយប់ថ្ងៃពុធ ទី១៦ ខែមករា ឆ្នាំ២០១៩នេះ មេដឹកនាំប្រឆាំងបានបន្តលើកឡើង ដោយប្រើពាក្យខ្លាំងៗថា លោកនាយករដ្ឋមន្ត្រី ហ៊ុន ...
កម្ពុជា

សភាអ៊ីតាលី​អនុម័ត​ញត្តិ​ស្នើឲ្យ​ភាគីកម្ពុជា​ជជែកគ្នា និង​ចូលរួម​នីតិវិធីព្យួរ EBA

រដ្ឋសភានៃប្រទេសអ៊ីតាលី ដែលជាសមាជិកដ៏សំខាន់មួយ របស់សហភាពអ៊ឺរ៉ុប បានអនុម័តញត្តិមួយ កាលពីថ្ងៃអង្គារទី១២ ខែកុម្ភៈ ឆ្នាំ២០១៩ ដើម្បីចាត់រដ្ឋាភិបាលរបស់ខ្លួន ឲ្យ«អញ្ជើញ»ភាគីជម្លោះខ្មែរទាំងអស់ធ្វើការជជែកគ្នា និងត្រូវចូលរួមយ៉ាងសកម្ម ក្នុងដំណើរការនីតិវិធី របស់គណៈកម្មការអ៊ឺរ៉ុប ដើម្បីឈានទៅព្យួរប្រទេសកម្ពុជា ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...