នៅវេលាម៉ោង ប្រមាណជា៩និង៤០នាទី យប់ថ្ងៃទី៣១ ខែកក្កដា ឆ្នាំ២០២០នេះ លោក​សាស្ត្រាចារ្យ រ៉ុង ឈុន ត្រូវបានអាជ្ញាធររដ្ឋាភិបាលលោក ហ៊ុន សែន ចាប់ខ្លួនពីក្នុង​គេហដ្ឋាន​របស់លោក ដែលស្ថិតក្នុងសង្កាត់​ចាក់អង្រែក្រោម ខណ្ឌមានជ័យ រាជធានីភ្នំពេញ។ នេះ បើតាមដំណឹង ដែលផ្ដល់ដោយអ្នកជិតដិត របស់លោកនៅ​មុន​នេះបន្តិច។

ការចាប់ខ្លួនលោក រ៉ុង ឈុន សកម្មជនមិនចេះនឿយហត់ ក្នុងកិច្ចការពារសិទ្ធិមនុស្ស​ ប្រធានសហភាពសហជីពកម្ពុជា និងជា​សមាជិក​ក្រុម​ប្រឹក្សា​ឃ្លាំមើល​កម្ពុជា ធ្វើឡើង​បន្ទាប់ពី​លោកបានថ្លែង ​អំពី​បញ្ហា​ព្រំដែន​រវាង​កម្ពុជា និង​វៀតណាម នៅ​ក្នុងការផ្សាយ​របស់​វិទ្យុ​អាស៊ីសេរី (RFA) កាលពីប៉ុន្មានម៉ោងមុន។

ដំណឹងចុងក្រោយ ដែលផ្សាយតាមរយៈប្រព័ន្ធឃោសនា របស់របបក្រុងភ្នំពេញ បានឲ្យ​ដឹង​ថា លោកសាស្ត្រាចារ្យ ត្រូវបានចាប់ខ្លួន ពីបទល្មើស«ជាក់ស្ដែង» ទាក់ទងនឹងការ«ញុះញង់ បង្កឲ្យ​មានភាព​វឹកវរធ្ងន់ធ្ងរ ដល់សន្តិសុខសង្គម តាមមាត្រា៤៩៥ នៃក្រមព្រហ្មទណ្ឌ»។ លោក​សាស្ត្រាចារ្យ ទំនងជាត្រូវបានបញ្ជូនខ្លួន ទៅកាន់​ស្នងការដ្ឋាន​នគរបាល​រាជធានី​ភ្នំពេញ។

លោក គ្រូ រ៉ុង ឈុន ត្រូវបានប៉ូលីសជាច្រើនឡាននាំចេញពីផ្ទះរបស់គាត់នៅល្ងាចមិញនៅម៉ោងប្រហែល៩ និង៤០នាទី…

Posted by CATU – សហព័ន្ធសហជីពកម្ពុជា on Friday, 31 July 2020

ក្នុងព្រឹកថ្ងៃនេះដែរ គណៈកម្មាធិការចម្រុះ កិច្ចការព្រំដែន ដែលជាសេនាធិការមួយ របស់​របបដឹកនាំក្រុងភ្នំពេញ បានចេញសេចក្តីថ្លែងការណ៍ បដិសេធការលើកឡើង របស់លោក រ៉ុង ឈុន ដែលបាន​អះអាង​នៅក្នុង​សេចក្ដីថ្លែងការណ៍ កាលពីថ្ងៃទី២១ ខែកក្កដា ជុំវិញ​បញ្ហា​នៅតាមព្រំដែន កម្ពុជា-វៀតណាម។ គណៈកម្មកាធិការនោះ បានហៅទង្វើរបស់​លោកសាស្ត្រាចារ្យ ថាបានផ្សាយ​ព័ត៌មាន​មិនពិត និងបំផ្លើស អំពី​បញ្ហាព្រំដែន ជាមួយ​ប្រទេស​​ជិតខាង ក្នុងគោលបំណង​ឲ្យមតិជាតិ និងអន្តរជាតិ មានការភ័ន្តច្រឡំ។

ក្នុងសេចក្តីថ្លែងការណ៍ ចុះថ្ងៃទី២១ ខែកក្កដា លោកសាស្ត្រាចារ្យ​បានលើកឡើងថា៖

«ការបោះ បង្គោលព្រំដែន ពីលេខ​១១៤ ដល់លេខ១១៩ មានភាពមិនប្រក្រតីច្រើន ដែល​ធ្វើឲ្យពលរដ្ឋបាត់បង់ដី​អាស្រ័យផល ទៅខាងភាគីយួនជាច្រើនហិកតា ហើយបើ​គិតពី​បន្ទាប់​ព្រំដែន ចាស់មកដល់ការបោះបង្គោលឡាក់ និងបង្គោលរណបថ្មី បានចូល​មក​ប្រហែល ៥០០ម៉ែត្រក្នុងដីកម្ពុជា… ។ ខ្សែបន្ទាត់ព្រំដែន ចេះតែរំកិល​បន្តិច​ម្តងៗ​ចូល​មកក្នុង​ទឹកដីកម្ពុជា ប្រមាណ ៣គីឡូម៉ែត្របច្ចុប្បន្ននេះ។»

មេដឹកនាំសហជីពរូបនេះ រៀបរាប់ទៀតថា៖

«អាជ្ញាធរយួនបានមកចូលរួមបណ្តេញ និងរុញច្រានប្រជាពលរដ្ឋខ្មែរ ដែលរងគ្រោះ​ពីដីធ្លី​ចូលប្រមាណ​ជាង​២០០ម៉ែត្រ ក្នុងដីខ្មែរ ដែលអាជ្ញាធរខ្មែរ មិនបានទប់ស្កាត់​ចំពោះទង្វើ​អាជ្ញាធរ យួនធ្វើមកលើ​ពលរដ្ឋរងគ្រោះ នៅឃុំ​ត្រពាំងផ្លុង ស្រុក​ពញាក្រែក ខេត្ត​ត្បូងឃ្មុំ៕»



លំអិតបន្ថែមទៀត

លោក វ៉ា គឹមហុង (រូបអង្គុយខាងឆ្វេង) ប្រធានគណៈកម្មការចម្រុះកិច្ចការព្រំដែនកម្ពុជា និងលោក ឡឺ ហ្វាវត្រឹង សមភាគីវៀតណាម បានចុះហត្ថលេខារួមគ្នា ក្រោមអធិបតីរបស់នាយករដ្ឋមន្ត្រី នៃប្រទេសទាំងពីរ កាលពីថ្ងៃទី៣១ ខែមីនា ឆ្នាំ២០១៨។ (រូបថតកាសែតវៀតណាម)។
កម្ពុជា

វ៉ា គឹមហុង បានចុះ​ហត្ថលេខា​«សម្ងាត់»​ទទួលផែនទី​ព្រំដែន​ពី​វៀតណាម?

ខណៈលោកសាស្ត្រាចារ្យ រ៉ុង ឈុន ត្រូវបានអាជ្ញាធររបបក្រុងភ្នំពេញ ចាប់ខ្លួន​ឃុំក្នុង​ពន្ធនាគារ ព្រោះ​បានចុះ​ទៅមើលបញ្ហា​នៅ​ព្រំដែននោះ នៅថ្ងៃទី១ ខែសីហា ឆ្នាំ២០២០នេះ នៅ​ច្រក​អន្តរជាតិ ម៉ុកបៃ (Moc Bai) ...
ដំណឹង

Fitch Solutions ថាវៀតណាម​ចំណេញ​ជាងគេ ពីវិបត្តិ​វាយនភណ្ឌ

ផ្ទុយពីប្រទេសបង់ក្លាដេស កម្ពុជា និងភូមា ប្រទេសកុម្មុយនីស្ដិ៍វៀតណាម នឹងទទួល​ផល​ចំណេញ ច្រើនជាងគេ ពីវិបត្តិ​វាយនភណ្ឌ ដែលប្រទេសទាំងនោះ កំពុងមាន​ក្នុង​ពេលនេះ។ នេះ បើតាម​ការអះអាង​របស់ «Fitch Solutions» ...
លោកសាស្ត្រាចារ្យ រ៉ុង ឈុន នៅក្នុងរថយន្ដនគរបាល នៅក្រោយលោកត្រូវបានចាប់ខ្លួន ក្នុងយប់ថ្ងៃសុក្រ ទី៣១ ខែកក្កដា ឆ្នាំ២០២០។ (រូបថតនគរបាល)
កម្ពុជា

CNRP ថ្កោលទោស និងហៅ​ការចាប់​ខ្លួន រ៉ុង ឈុន ថា«រំលោភច្បាប់»

ការចាប់ខ្លួនលោកសាស្ត្រាចារ្យ រ៉ុង ឈុន ក្នុងយប់ថ្ងៃទី៣១ ខែកក្កដា ឆ្នាំ២០២០នេះ ទទួល​បានការថ្កោលទោស ពីគណបក្សសង្គ្រោះជាតិ ដោយហៅការចាប់ខ្លួននេះ ជាទង្វើ​«រំលោភច្បាប់»​យ៉ាងកម្រោល ពីសំណាក់របបក្រុងភ្នំពេញ។ សេចក្ដីថ្លែងការណ៍ របស់គណបក្សសង្គ្រោះជាតិ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...