កម្ពុជាដំណឹង

ប្រធាន​សមាគម​គ្រូបង្រៀន​ឯករាជ្យ រងគ្រោះ​ដួលម៉ូតូ​ព្រោះ​ជន​មិន​ស្គាល់​មុខ

អ្នកស្រី អ៊ុក ឆាយ៉ាវី ប្រធាន​សមាគម​គ្រូបង្រៀន​ឯករាជ្យ និងជាមនុស្សដ៏ជិតដិតម្នាក់ របស់លោក រ៉ុង ឈុន បាន​រងគ្រោះ​ថ្នាក់ចរាចរណ៍ ក្នុងល្ងាចថ្ងៃចន្ទ ទី១០ ខែសីហានេះ បន្ទាប់ពីត្រូវជនមិនស្គាល់មុខម្នាក់ ដែលជិះ​មកទន្ទឹម រួចទាញដៃចង្កូតម៉ូតូ ឲ្យដួល​ច្រងាប់​ច្រងិល។ នេះ បើតាមប្រភពជិតដិតនឹងអ្នកស្រី មុននឹងអះអាងបន្ថែម ដោយ​អ្នកស្រី​ខ្លួនឯង​ផ្ទាល់។

គ្រោះថ្នាក់នោះ បានកើតឡើង ត្រង់ចំណុចភូមិកោះចិន ឃុំគគី ស្រុកគៀនស្វាយ ខេត្ត​កណ្ដាល នៅក្រោយ​ពេល​អ្នកស្រី និងស្វាមី​បានជិះម៉ូតូ វិលត្រឡប់ពីធ្វើការ ក្នុងរាជធានី​ភ្នំពេញវិញ។

ស្ថិតក្នុងសភាពរំរបួសច្រើនកន្លែង អ្នកស្រី អ៊ុក ឆាយ៉ាវី ដែលដឹងខ្លួន​អាចនិយាយ​ឡើងវិញ បានឲ្យដឹងថា គ្រោះថ្នាក់ខាងលើ បណ្ដាលមកពីជនពាក់អាវខ្មៅ និងពាក់មួក​ម្នាក់ ដែលបានជិះម៉ូតូ​មកទន្ទឹម ហើយបានទាញ កញ្ឆក់​ដៃចង្កូតម៉ូតូអ្នកស្រី និងស្វាមី ឲ្យដួលទៅលើថ្នល់។

អ្នកស្រី អ៊ុក ឆាយ៉ាវី បានហៅហេតុការណ៍នេះ ថាមានហេតុផលនយោបាយ«សុទ្ធសាធ» ដើម្បី​គម្រាមកំហែង​អ្នកស្រី និងសកម្មជនតស៊ូមតិ​ផ្សេងទៀត កុំឲ្យចេញធ្វើការតវ៉ា ទាមទាររកយុត្តិធម៌សង្គម ជំទាស់នឹង​​របបដឹកនាំ​ក្រុងភ្នំពេញ។

Posted by Anna Holy on Monday, 10 August 2020

ក្នុងពេលភ្លាមៗ មិនមានការធ្វើអត្ថាធិប្បាយ ឬការអះអាងផ្សេងទៀត ពីសំណាក់​អាជ្ញាធរនៅនឹងកន្លែង ជុំវិញ​គ្រោះថ្នាក់​ចរាចរណ៍​នេះទេ។

ប្រធាន​សមាគម​គ្រូបង្រៀន​ឯករាជ្យ ដែលជាមនុស្សជិតដិត ជាមួយលោក រ៉ុង ឈុន បានដឹកនាំការតវ៉ា ដោយ​សន្តិវិធី ដើម្បីទាមទារឲ្យដោះលែងលោក រ៉ុង ឈុន ដែលត្រូវ​បានក្រុមអាជ្ញាធរ ចាប់ខ្លួន កាលពីយប់​ថ្ងៃទី៣១ ខែកក្កដា ឆ្នាំ២០២០៕



You may also like

លោក ម៉ៅ មុនីវណ្ណ ថ្លែងកាលពីថ្ងៃទី៤ ខែកញ្ញា ឆ្នាំ២០១៦ នៅចំពោះរូបថតនិមិត្តរូប នៃគណបក្សសង្គ្រោះជាតិ។ (រូបថតហ្វេសប៊ុក)
កម្ពុជា

ម៉ៅ មុនីវណ្ណ អំពាវនាវ​ឲ្យពលរដ្ឋ​«តស៊ូ» ដើម្បីទាមទារ​ឲ្យដោះលែង រ៉ុង ឈុន

លោក ម៉ៅ មុនីវណ្ណ មន្ត្រីជាន់ខ្ពស់គណបក្សសង្គ្រោះជាតិ ដែលមានកូតា មកពី​គណបក្ស​សិទ្ធិមនុស្ស បានធ្វើការ​អំពាវនាវ នៅមុននេះបន្តិច ឲ្យពលរដ្ឋ«តស៊ូ»ដោយអហិង្សា ដើម្បី​ទាមទារឲ្យដោះលែង​លោក រ៉ុង ឈុន ដែលត្រូវអាជ្ញាធរ​របបក្រុងភ្នំពេញ ...
លោក វ៉ា គឹមហុង (រូបអង្គុយខាងឆ្វេង) ប្រធានគណៈកម្មការចម្រុះកិច្ចការព្រំដែនកម្ពុជា និងលោក ឡឺ ហ្វាវត្រឹង សមភាគីវៀតណាម បានចុះហត្ថលេខារួមគ្នា ក្រោមអធិបតីរបស់នាយករដ្ឋមន្ត្រី នៃប្រទេសទាំងពីរ កាលពីថ្ងៃទី៣១ ខែមីនា ឆ្នាំ២០១៨។ (រូបថតកាសែតវៀតណាម)។
កម្ពុជា

វ៉ា គឹមហុង បានចុះ​ហត្ថលេខា​«សម្ងាត់»​ទទួលផែនទី​ព្រំដែន​ពី​វៀតណាម?

ខណៈលោកសាស្ត្រាចារ្យ រ៉ុង ឈុន ត្រូវបានអាជ្ញាធររបបក្រុងភ្នំពេញ ចាប់ខ្លួន​ឃុំក្នុង​ពន្ធនាគារ ព្រោះ​បានចុះ​ទៅមើលបញ្ហា​នៅ​ព្រំដែននោះ នៅថ្ងៃទី១ ខែសីហា ឆ្នាំ២០២០នេះ នៅ​ច្រក​អន្តរជាតិ ម៉ុកបៃ (Moc Bai) ...
លោក រ៉ុង ឈុន ថតរូបជាមួយបង្គោលព្រំដែនមួយ នៅព្រំដែនកម្ពុជា-វៀតណាម។ (រូបថតលើហ្វេសប៊ុក)
កម្ពុជា

អង្គការសិទ្ធិមនុស្ស គ្រោងប្រតិកម្ម​ជុំវិញការចាប់ខ្លួន រ៉ុង ឈុន ដើមសប្ដាហ៍នេះ

ប្រតិកម្មកំពុងធ្លាក់ចុះ ជាបន្តបន្ទាប់ ជាពិសេសនៅ ដើមសប្ដាហ៍នេះ ។ ហើយ​អង្គការ​ឃ្លាំមើល​សិទ្ធិមនុស្ស (Human Rights Watch) ក៏ស្ថិតក្នុងចំណោមស្ថាប័ន​អន្តរជាតិ​ទាំងនោះ ដែលបាន​ប្រតិកម្ម ចំពោះការចាប់ខ្លួន​លោក រ៉ុង ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...