រដ្ឋសភាកម្ពុជា ដែលមានតំណាងរាស្ត្រ មកពីគណបក្សប្រជាជនកម្ពុជាតែមួយ កំពុងគ្រោងធ្វើវិសោធនកម្មច្បាប់ជាថ្មីទៀត ទៅលើច្បាប់ ស្ដីពីគណបក្សនយោបាយ ដើម្បីបើកផ្លូវ «ឲ្យមន្ត្រីប្រឆាំង»ទាំង១១៨នាក់ ដែលត្រូវបានតុលាការកំពូលហាមឃាត់ មិនឲ្យធ្វើនយោបាយចំនួន៥ឆ្នាំនោះ អាចធ្វើនយោបាយឡើងវិញ។

សេចក្ដីជូនដំណឹង របស់រដ្ឋសភាឯកបក្សកម្ពុជា ដែលចេញផ្សាយកាលពីម្សិលម៉ិញ បានឲ្យដឹងថា គឺក្រុមតំណាងរាស្ត្រ មកគណបក្សកាន់អំណាច ចំនួន៨៧នាក់ ជាអ្នកស្នើសុំឲ្យធ្វើវិសោធនកម្មច្បាប់ខាងលើ នៅត្រង់មាត្រា ៤៥ថ្មី (ស្ទួន) មកដាក់បន្ថែមវាក្យខណ្ឌ ដែលមានខ្លឹមសារជាអាទិ៍ថា៖

បុគ្គលដែលត្រូវតុលាការសម្រេច ហាមឃាត់ការធ្វើសកម្មភាពនយោបាយ មិនអាចបង្កើតគណបក្សនយោបាយ ឬចូលរួម ក្នុងគណបក្សនយោបាយណាមួយ ឬឈរឈ្មោះឲ្យគេបោះឆ្នោត ឬធ្វើសកម្មភាពណាមួយគាំទ្រ ឬប្រឆាំងគណបក្ស ណាមួយបានឡើយ។ បុគ្គលដែលបានតុលាការសម្រេច ហាមឃាត់ធ្វើសកម្មភាពនយោបាយនេះ នឹងអាចទទួលបានវិញ នូវសិទ្ធិនយោបាយពេញលេញ ដោយពេញច្បាប់ បន្ទាប់ពីផុតរយៈពេល ​នៃការហាមឃាត់ដែលកំណត់ ដោយសាលដីការរបស់តុលាការកំពូល ឬក្នុងករណីដែលបុគ្គលនោះ ត្រូវបានផ្តល់នីតិសម្បទាឡើងវិញ ដោយព្រះមហា​ក្សត្រ តាមសំណើរបស់នាយករដ្ឋមន្ត្រី តាមសេចក្តីស្នើសុំរបស់រដ្ឋមន្ត្រីក្រសួងមហាផ្ទៃ។

សេចក្ដីជូនដំណឹងនោះ បានអះអាងបន្ថែមថា វិសោធនកម្មខាងលើ មានគោលដៅសំខាន់ពីរ គឺបញ្ជាក់ឲ្យបានច្បាស់តាមផ្លូវច្បាប់ ពីបុគ្គលដែលត្រូវតុលាការហាមឃាត់ និងបើកលទ្ធភាព ឲ្យពួកគេអាចទទួលនីតិសម្បទាឡើងវិញ តាមច្បាប់នេះ។

មន្ត្រីគណបក្សសង្គ្រោះជាតិ និងមន្ត្រីស្និតនឹងគណបក្សនេះ ចំនួន១១៨នាក់ ត្រូវបានតុលាការកំពូល ហាមឃាត់ធ្វើនយោបាយ ក្នុងរយៈពេល៥ឆ្នាំ កាលពីថ្ងៃទី១៦ ខែវិច្ឆិកា ឆ្នាំ២០១៨ នៅក្នុងសវនាការដ៏ចម្រូងចម្រាសមួយ ដើម្បីរំលាយគណបក្សសង្គ្រោះជាតិ ទៅតាមបណ្ដឹងរបស់គណបក្សហ្វ៊ុនស៊ីនប៉ិច និងគណបក្សយុវជនកម្ពុជា។ ការរំលាយគណបក្សប្រឆាំងនេះ បានធ្វើឡើង ដោយអនុលោមតាមការធ្វើវិសោធនកម្ម យ់ាងតក់ក្រហល់ ទៅលើច្បាប់ស្ដីពីគណបក្សនយោបាយដដែលនេះ ដែលត្រូវបានរដ្ឋសភាអនុម័ត តែប៉ុន្មានសប្ដាហ៍ មុនថ្ងៃបើកសវនាការប៉ុណ្ណោះ។

នៅក្នុងសន្និសីទសារព័ត៌មាន កាលពីល្ងាចម្សិលម៉ិញ (ថ្ងៃទី៣ ខែធ្នូ ឆ្នាំ២០១៨) ។  លោក ឡេង ប៉េងឡុង អ្នកនាំពាក្យរដ្ឋសភា បានទទួលស្គាល់ថា ការធ្វើវិសោធនកម្មលើកមុខ ពិតជាមានចន្លោះប្រហោង ដោយមិនបានគិតគូរ ដល់បុគ្គលដែលតុលាការហាមឃាត់នោះ អាចទទួលបានសិទ្ធិ ធ្វើសកម្មភាពនយោបាយឡើងវិញ។

លោកថា៖

«អីចឹងច្បាប់នេះ ធ្វើវិសោធនកម្មគិតគូរ ដល់បុគ្គលដែលត្រូវបានតុលាការហាមឃាត់ធ្វើនយោបាយ (…) ។ យើងគិតគូរយ៉ាងម៉េច គឺថាធ្វើឲ្យច្បាប់ពាក់ព័ន្ធហ្នឹង។ ឥឡូយើងធ្វើហើយ។ អ្នកដែលច្បាប់ហាមឃាត់ គឺអាចទទួលបាននីតិសម្បទា អាចទទួលបានសិទ្ធិធ្វើនយោបាយវិញ បន្ទាប់ពីមានសំណើរពីនាយករដ្ឋមន្ត្រី ស្នើព្រះមហាក្សត្រ តាមសំណើររបស់រដ្ឋមន្ត្រីក្រសួងមហាផ្ទៃ។»។

អ្នកនាំពាក្យរូបនេះ បញ្ជាក់បន្តថា សេចក្តីវិសោធនកម្មច្បាប់ខាងលើ ជាវិសោធនកម្មច្បាប់ ដែលមានការប្រញាប់ ហើយគណៈអចិន្ត្រៃយ៍រដ្ឋសភា នឹងបើកកិច្ចប្រជុំពិភាក្សា ក្នុងពេលឆាប់ៗនេះ ដើម្បីដាក់ចូល សម័យប្រជុំរដ្ឋសភាពេញអង្គ ដើម្បីធ្វើការអនុម័ត។ យ៉ាងណា លោក ប៉េងឡុង មិនបានបញ្ជក់ទេថា តើការបើកសម័យប្រជុំពេញអង្គនោះ នឹងត្រូវបើកធ្វើនៅពេលណា៕



លំអិតបន្ថែមទៀត

កម្ពុជា

ហ៊ុន សែន ស្វាគមន៍ រៀល ខេមរិន្ទ្រ ដោយ​អានសារ​វិលចូល​ស្រុក​របស់​លោក

នៅព្រឹកថ្ងៃចន្ទនេះ លោក រៀល ខេមរិន្ទ្រ ទទួលបានការស្វាគមន៍ ពីលោកនាយករដ្ឋមន្ត្រី ហ៊ុន សែន ដោយត្រូវលោកនាយករដ្ឋមន្ត្រី លើកទឹកចិត្តឲ្យធ្វើសកម្មភាពនយោបាយ ឲ្យបានពេញលេញ បន្ទាប់ពីអតីតតំណាងរាស្ត្រមណ្ឌលស្វាយរៀងរូបនេះ បានវិលត្រឡប់មកដល់រាជធានីភ្នំពេញវិញ ...
កម្ពុជា

អ្នកវិភាគថា ហ៊ុន សែន អួត​ពីអភិក្រម​ទី៥ តែមិន​ទម្លាយ​ពី​«អភិ​ក្រម​ទី៦»

នៅចំពោះការលើកឡើងច្រំដែលៗ ពីសំណាក់លោក ហ៊ុន សែន ខ្លួនលោកផង ពីសំណាក់អ្នកគាំទ្រ​ផង ជុំវិញ«អភិក្រមទី៥ ស្ដីពីការវះកាត់» ដែលដាក់ចេញ​ដោយនាយករដ្ឋមន្ត្រីបីទសវត្សន៍ជាង របស់កម្ពុជានោះ លោក គឹម សុខ ...
កម្ពុជា

អង្គការចំនួន៣ នៅអាស៊ី រួមគ្នាថ្កោលទោស​ដីកា​ចាប់ខ្លួន​មេដឹកនាំ CNRP

អង្គការចំនួន៣ នៅអាស៊ី បានចេញសេចក្ដីថ្លែងការណ៍រួមមួយ ថ្កោលទោសការចេញ​ដីកា​របស់សាលាដំបូង​រាជធានីភ្នំពេញ កាលពីថ្ងៃទី១២ ខែមិនា ឲ្យចាប់ខ្លួនមេដឹកនាំគណបក្សប្រឆាំងទាំង៨រូប ដោយហៅដីកានោះ ថាជាភស្ដុតាងថ្មីបង្ហាញពីការប្ដេជ្ញាចិត្ត របស់របបឯកបក្សក្រុងភ្នំពេញ ក្នុងការបំបាត់សម្លេងប្រជាធិបតេយ្យ នៅក្នុងប្រទេសកម្ពុជា។ សម្រាប់អ្នកនាំពាក្យក្រសួងយុត្តិធម៌កម្ពុជា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...