ព្រះចៅអធិការវត្តច្បារអំពៅ ព្រះតេជគុណ ហោ សុខុន ត្រូវបានក្រុមអាជ្ញាធរ នាំចេញពីវត្ត ដើម្បី«ចាប់ផ្សឹក»​ក្នុងយប់ថ្ងៃទី១៣ ខែកុម្ភៈ ឆ្នាំ២០១៩នេះ។ ប្រភពស្និតនឹងដំណើររឿង បានឲ្យដឹងថា សង្ឃទីប្រឹក្សា ហោ សុខុន ត្រូវបានផ្សឹក នៅវត្តបុទុមវតី ដោយមានវត្តមានសម្តេចសង្ឃនាយក នន្ទ ង៉ែត និងមន្ត្រីថ្នាក់ដឹកនាំសង្ឃ ជាច្រើនអង្គផ្សេងទៀត។

ប្រភពមិនបានអះអាងលំអិតថា តើការចាប់ផ្សឹកនេះ បណ្ដាលពីព្រះសង្ឃអង្គនេះ បានប្រព្រឹត្តិទង្វើអ្វីទេ ដោយគ្រាន់តែបញ្ចាក់ថា ព្រះសង្ឃ ហោ សុខុន បានធ្វើ«ខុសធម៌វិន័យ»។

សូមថ្វាយបង្គំព្រះតេជគុណ ហោ សុខុន (Facebook Page: Hor Sokhon)! ក្រោយពីខ្ញុំព្រះករុណាខ្ញុំបានអានសារនៅលើ…

Gepostet von Samdech Krolahom Sar Kheng, Cambodian Deputy Prime Minister am Freitag, 8. Februar 2019

ក្នុងប៉ុន្មានថ្ងៃចុងក្រោយនេះ ព្រះសង្ឃ ហោ សុខុន បានក្លាយជាចំណុចកណ្ដាលមួយ នៃការបង្ហោះនៅលើទំព័រហ្វេសប៊ុករបស់ព្រះអង្គ នូវសារដ៏វែងអន្លាយមួយ មានន័យបញ្ចើចបញ្ចើរលោក ស ខេង រដ្ឋមន្ត្រីមហាផ្ទៃ ដែលក្រោយមក ត្រូវបានបុរសខ្លាំងទីពីរ​​នៃរដ្ឋាភិបាល​ក្រុងភ្នំពេញ​រូបនេះ បដិសេធមិនទទួលយក ដោយលោក​អះអាងថា អាចជាកលល្បិច ដើម្បីបំបែកបំបាក់​ផ្ទៃក្នុង​គណបក្ស​ប្រជាជន​កម្ពុជា។

នៅចំពោះប្រតិកម្មដោយផ្ទាល់ ពីសំណាក់លោក ស ខេង ព្រះសង្ឃ ហោ សុខុន បានចេញព្រះភ័ក្រ​មកអះអាងវិញថា ព្រះអង្គមិនមានបំណងដូច្នេះទេ និងគ្រាន់តែសំដែង នូវទឹកចិត្តស្រឡាញ់​លោក ស ខេង ដោយស្មោះសរប៉ុណ្ណោះ។

ដំណើររឿងលំអិតបន្ថែមទៀត ជុំវិញការចាប់ផ្សឹកព្រះសង្ឃ ហោ សុខុន នឹងមានផ្សាយបន្តទៀត នៅក្នុងអត្ថបទលើកក្រោយ៕



You may also like

កម្ពុជា

សម រង្ស៊ី ថា​«ការញាំញី»​ពីសំណាក់​ក្រុងភ្នំពេញ ជា​កិត្តិយស​សម្រាប់​លោក

មេដឹកនាំប្រឆាំង បានឆ្លើយតបទៅនឹងសេចក្ដីប្រកាស តាមចាប់ខ្លួនរូបលោក ពីសំណាក់អាជ្ញាធររបបក្រុងភ្នំពេញ ដោយចាត់ទុកទង្វើនោះ ថាជា«ការញាំញី» ដែលផ្ដល់ជា«កិត្តិយស»សម្រាប់លោកទៅវិញទេ។ កាលពីចុងសប្ដាហ៍មុន ​អគ្គស្នងការ​នគរបាល​ជាតិ​កម្ពុជា បាន​ចេញសេចក្ដីប្រកាសមួយ ថាខ្លួននឹងប្រើគ្រប់មធ្យោបាយ ដើម្បី​តាម​ចាប់ខ្លួន​លោក សម រង្ស៊ី ...
កម្ពុជា

ហ៊ុន ម៉ាណែត ថ្លែងសារដំបូង ក្នុង​តួនាទី​ជា​ប្រធាន​ថ្មី​នៃយុវជន CPP

«ដាច់ខាត» «ពង្រីក» និង«ពង្រឹង» ដើម្បីគណបក្សប្រជាជនកម្ពុជា ( CPP )! នេះជា​ខ្លឹមសារ​សំខាន់ ដែលលោក ហ៊ុន ម៉ាណែត កូនប្រុសច្បងនាយករដ្ឋមន្ត្រី បានថ្លែងឡើង​ជាលើកដំបូង ...
កម្ពុជា

សម រង្ស៊ី៖ ទណ្ឌកម្ម EU ដាក់លើ​របប​ក្រុង​ភ្នំពេញ ជា«វិធានការ​ត្រឹមត្រូវ»

ចំណាត់ការរបស់សហភាពអឺរ៉ុប ប្រឆាំងរបបដឹកនាំ របស់លោកនាយករដ្ឋមន្ត្រី ហ៊ុន សែន ជា«វិធានការ​ត្រឹមត្រូវ និងសមស្រប ដែលអាចទទួលយកបាន»។ នេះ បើតាមការអះអាង របស់លោក សម រង្ស៊ី ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...