បើប្ដូរជំហរម្ដងហើយ រឿងអីមិនអាចប្ដូរជំហរម្ដងទៀត? នេះ ជាអ្វីដែលលោក ហ៊ុន សែន បានប្រកាសថាលោក «ឈប់ចាក់​វ៉ាក់សាំងចិន» ដែលលោកអះអាងថា នឹងត្រូវបញ្ជូន​មកដល់កម្ពុជា នៅថ្ងៃទី៧ ខែកុម្ភៈខាងមុខ។

នាយករដ្ឋមន្ត្រីកម្ពុជាលោក ហ៊ុន សែន បានប្ដូរជំហរជាលើកទី៤ ជុំវិញការសម្រេចថា តើលោកទទួលចាក់ ឬមិនចាក់ថ្នាំវ៉ាក់សាំង «SinoPharm» ដែលជាជំនួយរបស់​ប្រទេសចិន ទាំងបើគ្មានការទទួលស្គាល់ ពីអង្គការសុខភាពពិភពលោក (Who /OMS)។ រីឯជំហរថ្មីរបស់លោក ដែលទំនងជាជំហរ«ចុងក្រោយ» ត្រូវបានលោកប្រកាសឲ្យដឹង នៅមុននេះបន្តិច តាមរយៈទំព័រ​ហ្វេសប៊ុក​របស់លោក។

លោក ហ៊ុន សែន បានសរសេរ ដោយផ្ទាល់ដៃថា៖

«ខ្ញុំទើបបានទទួលព័ត៍មាន តាមរយៈក្រសួងសុខាភិបាល ដែលបានទទួលលិខិតផ្លូវការ ពីការិយាល័យនៃ​ទីប្រឹក្សា​សេដ្ឋកិច្ច និងពាណិជ្ជកម្ម ប្រចាំស្ថានទូត​នៃសាធារណរដ្ឋប្រជាមានិតចិន ប្រចាំ​ព្រះរាជាណាចក្រ​កម្ពុជា ដែលបញ្ជាក់ថា វ៉ាក់សាំងឈ្មោះសុីណូហ្វាម (SinoPharm) ចាក់បានតែមនុស្ស​មានអាយុពី ១៨ឆ្នាំ ទៅ៥៩ឆ្នាំតែប៉ុណ្ណោះ។»

បុរសខ្លាំងនៅកម្ពុជា​ បានបន្តថា៖

«សម្រាប់ខ្ញុំ ដែលមានអាយុជាង៦៨ឆ្នាំទៅហើយ មិនទាន់អាចចាក់បានទេ។ ដូចនេះគម្រោងចាក់វ៉ាក់សាំង ដែលគ្រោងចាក់នៅថ្ងៃទី១០ កុម្ភៈ ២០២១ នៅមន្ទីរពេទ្យកាល់ម៉ែត្រ នឹងត្រូវលុបចោល អាស្រ័យដោយទាំងខ្ញុំ ទាំងមន្ត្រីជាន់ខ្ពស់ផ្សេងទៀត​ភាគច្រើន មានអាយុលើសពី ៦០ឆ្នាំទៅហើយ មិនអាចចាក់បានទេ។»

កាលពីថ្ងៃម្សិលម៉ិញ រដ្ឋមន្ត្រីក្រសួងសុខាភិបាលកម្ពុជា លោក ម៉ម ប៊ុនហេង បានចុះហត្ថលេខាលើលិខិតមួយ ប្រកាសអនុញ្ញត​ឲ្យប្រើប្រាស់​ថ្នាំវ៉ាក់សាំង​ខាងលើ ជាសាធារណៈ។ លិខិតនោះ បានលើកយកហេតុផល នៃការអនុញ្ញាតនេះ ថាជា​«ការយល់ព្រម​​ដ៏ខ្ពង់ខ្ពស់»​ពីលោក ហ៊ុន សែន តែមិនបានពន្យល់ថា តើថ្នាំវ៉ាក់សាំងមួយនេះ ទទួលបានការត្រួតពិនិត្យ​ និងការអនុញ្ញាត ពីអ្នកវិទ្យាសាស្ត្រ ឬយ៉ាងណាទេ។

លិខិតរបស់លោក ម៉ម ប៊ុនហេង បានសរសេរនៅចុងបញ្ចប់ថា៖

«វ៉ាក់សាំងនេះ (SinoPharm) ត្រូវបានដាក់ឲ្យអនុវត្ត តាមពិធីសារស្ដីពី​យុទ្ធនាការ ចាក់វ៉ាក់សាំងកូវីដ-១៩ របស់រាជរដ្ឋាភិបាល​ចាប់ពីម៉ោង៩និង​៣០នាទី ថ្ងៃទី៤ ខែកុម្ភៈ ឆ្នាំ២០២១។»

វ៉ាក់សាំង «SinoPharm» ដែលជាជំនួយរបស់ចិន ប្រមាណ ៦០ម៉ឺនដូស ក្នុងចំណោម ១លានដូស នឹងមកដល់ប្រទេសកម្ពុជា នៅថ្ងៃទី​០៧ ខែកុម្ភៈ ឆ្នាំ២០២១។ ប្រព័ន្ធឃោសនានៅកម្ពុជា បានអះអាងថា វ៉ាក់សាំងនេះ នឹងចាក់ជូនក្រុមគ្រូពេទ្យ មន្ត្រីរាជការ កងកម្លាំង​ប្រដាប់អាវុធ និងអ្នកផ្តល់សេវាចាំបាច់មួយចំនួន។

បើលោក ហ៊ុន សែន ប្រកាស«ឈប់ចាក់​វ៉ាក់សាំងចិន» ព្រោះលោកមានអាយុ​ច្រើនជាង៦០ឆ្នាំនោះ តែមកដល់ម៉ោងនេះ គេមិនទាន់ដឹងថា តើកូនចៅផៅសន្ដាន​របស់លោក ដែលមានអាយុរវាងពី១៨ ដល់៥៩ឆ្នាំ នៅតែទទួលចាក់មុនគេ នូវថ្នាំវ៉ាក់សាំងខាងលើ ដូចការអះអាង​របស់លោក កាលពីពេល​កន្លងមកដែរឬទេ៕



លំអិតបន្ថែមទៀត

កម្ពុជា

ស្ថានទូត​ចិន​តប​ទៅ​ស្ថានទូត​អាមេរិក ពី«ពាណិជ្ជកម្ម​កម្ពុជា-ចិន»

ស្ថានទូតនៃសាធារណរដ្ឋប្រជាមានិតចិន ប្រចាំនៅកម្ពុជា បានប្រតិកម្មនៅមុននេះ តបទៅការបង្ហោះមួយ កាលពីម្សិលម៉ិញ នៅលើទំព័រហ្វេសប៊ុក របស់ស្ថានទូតសហរដ្ឋ​អាមេរិក ដែលអះអាងថា ទំនាក់ទំនង«ពាណិជ្ជកម្ម​កម្ពុជា-ចិន» ផ្ដល់ប្រយោជនដ៏ច្រើន សម្រាប់ប្រទេសចិន ជាងសម្រាប់ប្រទេស​កម្ពុជា​ខ្លួនឯង។ ស្ថានទូតចិនបានប្រើប្រាស់ទំព័រហ្វេសប៊ុករបស់ខ្លួន ...
កម្ពុជា

ឈ្មោះ​​មន្ត្រី​រដ្ឋាភិបាល​កម្ពុជា ​ដែល​អាច​ជាប់​«បញ្ជីខ្មៅ»​ត្រូវ​បាន​ទម្លាយ​ឲ្យ​ដឹង

ឈ្មោះ​​មន្ត្រី​រដ្ឋាភិបាល​កម្ពុជា ចំនួន១៧រូប ត្រូវបានរដ្ឋសភាអាមេរិក បញ្ជូនឈ្មោះភ្ជាប់​មក​ជាមួយ ច្បាប់លេខ «H.R. 5754» ដែលទើបត្រូវបានអនុម័ត ជាឯកច្ឆ័ន្ទ ក្នុងថ្ងៃទី២៥ ខែកក្កដា ឆ្នាំ២០១៨នេះ ដើម្បីដាក់ទណ្ឌកម្ម ...
កម្ពុជា

មេដឹកនាំរដ្ឋាភិបាល«ពាក់ម៉ាស់» ទៅ​ទទួល​ព្រះរាជា​យាង​ត្រឡប់​ពីចិន

«ពាក់ម៉ាស់» ៖ ពិធីទទួលព្រះមហាក្សត្រ សម្ដេច នរោត្ដម សីហមុនី និងព្រះមហាក្សត្រី សម្ដេច មុនីនាថ សីហនុ ដែលយាងត្រឡប់ ពីប្រទេសចិន ក្នុងរសៀលថ្ងៃចន្ទនេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...