កម្ពុជាដំណឹង

ស្រុត​អគារ​ចិន៖ ប្រតិបត្តិការ​សង្គ្រោះ​បាន​«បញ្ចប់» – ​មនុស្ស​​២៨នាក់​ស្លាប់

ប្រតិបត្តិការជួយសង្គ្រោះជីវិត ពីក្នុងគំនរបាក់បែក នៃអគារកំពស់៧ជាន់ សាងសង់ដោយសហគ្រាសចិន បាន«បញ្ចប់»ហើយ នៅយប់ថ្ងៃចន្ទទី២៤ ខែមិថុនានេះ។ នេះ បើតាមសេចក្ដីប្រកាសព័ត៌មាន របស់រដ្ឋបាលខេត្តព្រះសីហនុ ដែលចេញផ្សាយ កាលពីប៉ុន្មាននាទីមុន។

សេចក្ដីប្រកាសព័ត៌មាន បានឲ្យដឹងថា ប្រតិបត្តិការរយៈពេល២ថ្ងៃកន្លះ បាន«បញ្ចប់»នៅម៉ោង ១៩និង៣០នាទី យប់ថ្ងៃចន្ទនេះ ជាមួយនឹងតុល្យភាពចុងក្រោយ ដ៏ធ្ងន់ធ្ងរ និងអាណោចអធម៖ មនុស្ស២៨នាក់បានស្លាប់ និង២៦នាក់ទៀត បានរងរបួស។

«ឧបទ្ទវហេតុ…»

ជាថ្មីម្ដងទៀត និងមិនខុសពីការលើកឡើង របស់លោកនាយករដ្ឋមន្ត្រី ហ៊ុន សែន ក្នុងពេលកន្លងមកទេ រដ្ឋបាលខេត្តព្រះសីហនុ បានប្រើពាក្យ«ឧបទ្ទវហេតុ» ដើម្បីសម្គាល់ពីគ្រោះមហន្តរាយខាងលើ និងថែមទាំងបានឆ្លៀតឱកាសនេះ ដើម្បីអរគុណលោក ហ៊ុន សែន ដែលបានចុះដល់កន្លែងកើតហេតុ ដើម្បី«ត្រួតពិនិត្យ និងដឹកនាំបញ្ជាផ្ទាល់»។

គេមិនទាន់ដឹងថា តើសហគ្រាសចិន ដែលជាម្ចាស់សំណង រួមនឹងជនពាក់ព័ន្ធផ្សេងទៀត នឹងត្រូវរងការផ្តន្ទាទោស បែបណា នៅចំពោះការស្រុតបាក់សំណង កំពស់៧ជាន់មួយនេះ ដែលត្រូវបានអាជ្ញាធរវាយតម្លៃថា ត្រូវបានសាងសង់ឡើង ដោយ«គ្មានច្បាប់អនុញ្ញាត»នៅឡើយ។ យ៉ាងណា​ លោក ស ខេង រដ្ឋមន្ត្រីមហាផ្ទៃ អះអាងថានឹងស្វែងរកមូលហេតុពិតឲ្យឃើញ ហើយជនដែលពាក់ព័ន្ធ នឹងត្រូវផ្ដន្ទាទោស។

ដោយឡែក គ្រួសារ​អ្នកដែល​បាត់បង់​ជីវិត នឹងទទួល​បាន​ប្រាក់​ឧបត្ថម្ភ​ ជាង​៦ម៉ឺនដុល្លារ បន្ថែមពីលើប្រាក់ឧបត្ថម្ភ ៤០លានរៀល (ប្រមាណជា១ម៉ឺនដុល្លារ) ដែលផ្ដល់ដោយរដ្ឋាភិបាល ហើយ​ជន​រងគ្រោះ​ដែលកំពុងសម្រាកព្យាបាល​ នឹងទទួលបាន​១ម៉ឺនដុល្លារ​ បន្ថែមពីលើប្រាក់៥លានរៀល ដែលផ្ដល់ដោយរដ្ឋាភិបាល។

ហេតុការណ៍ដ៏អាក្រក់មួយនេះ ក៏បានធ្វើមន្ត្រីជាន់ខ្ពស់ ថ្នាក់មូលដ្ឋានម្នាក់ និងមន្ត្រីជាន់ខ្ពស់ ថ្នាក់ជាតិម្នាក់ទៀត ផ្លាស់ចេញពីតំណែងដើម របស់ផងខ្លួនដែរ។ ជោគវាសនារបស់មន្ត្រីទាំងពីរ ត្រូវបានសម្រេចដោយលោក ហ៊ុន សែន ក្នុងថ្ងៃចន្ទនេះដដែល។

លោកនាយករដ្ឋមន្ត្រី បានអះអាងថា លោក យន្ដ មីន ដែលពេលនេះ ក្លាយជា​«អតីត»​អភិបាលខេត្ត បានសុំលាលែងពីតំណែង ខណៈលោក ញឹម វណ្ណដា ដែលពេលនេះ ក្លាយជា«អតីត»អនុប្រធានទី១ នៃគណៈកម្មការជាតិគ្រប់គ្រងគ្រោះមហន្តរាយ ត្រូវបានដកចេញពីតំណែង​  ព្រោះខ្វះការទទួលខុសត្រូវ និងភូតភរ។

«បង្ហាញ…»

យ៉ាងណា មន្ត្រីជាន់ខ្ពស់ទាំងពីររូប ត្រូវបានផ្លាស់ទៅកាន់តំណែងថ្មី ក្នុងថ្ងៃចន្ទដដែលនេះ។ លោក យន្ត មីន ត្រូវបានផ្ទេរ ទៅ​បម្រើការងារនៅក្រសួងមហាផ្ទៃ ខណៈលោក ញឹម វណ្ណដា ត្រូវបានតែងតាំង ឲ្យក្លាយជា«ទីប្រឹក្សារដ្ឋាភិបាល» មានឋានៈស្មើទេសរដ្ឋមន្ត្រី។

លោក ហ៊ុន សែន ថែមទាំងបានការពារ ការសម្រេចចិត្តរបស់លោក ក្នុងការផ្លាស់ប្ដូរតំណែងទាំងនេះ គឺដើម្បីបង្ហាញ«ពីការទទួលខុសត្រូវ​របស់អាជ្ញាធរ» នៅចំពោះមុខប្រជា​ពលរដ្ឋ។ មេដឹកនាំកម្ពុជារូបនេះ បានឲ្យដឹង នៅលើទំព័រហ្វេសប៊ុក​របស់លោកថា៖

«ឯកឧត្តម យន្ត មីន បានទទួលស្គាល់ ទទួលខុសត្រូវ​អំពីកំហុស លើការ​អនុវត្តសមត្ថភាព​ សមត្ថកិច្ចរបស់គាត់​។ គាត់បានលាលែងចេញពី​​ដំណែង​ ជាអភិបាល​ខេត្ត បង្ហាញ​ពីការទទួលខុសត្រូវ​ របស់​អាជ្ញាធរ នៅចំពោះមុខប្រជាពលរដ្ឋ​កម្ពុជា៕»



លំអិតបន្ថែមទៀត

កម្ពុជា

កម្ពុជា​ជាប់ក្នុង​«បញ្ជីប្រផេះ»​នៃស្ថាប័ន​ឃ្លាំមើល​ការលាង​លុយ​កខ្វក់

ប្រទេសកម្ពុជា ស្ថិតក្នុងចំណោម​ប្រទេសចំនួន១២ ដែលជាប់ក្នុង​«បញ្ជីប្រផេះ» នៃការឃ្លាំមើល​ការលាងប្រាក់កខ្វក់ របស់«អង្គការឃ្លាំមើលសកម្មភាពហិរញ្ញវត្ថុ (ហៅ​ជា​ភាសា អង់គ្លេស “Financial Action Task Force – FATF” ...
កម្ពុជា

ហ៊ុន សែន ថា«កំពុង​ជិះឡាន»​ខណៈ​​មិនបានបង្ហាញខ្លួន​តាំងពី​ច្រើន​សប្ដាហ៍

លោកនាយករដ្ឋមន្ត្រី ហ៊ុន សែន បានអះអាងនៅថ្ងៃនេះ ថាលោក​«កំពុង​ជិះឡាន»​ធ្វើ​ដំណើរ​នៅតាមដងផ្លូវ ដោយអើត«មើលពីក្នុងរថយន្ដ» ឃើញប្រជាពលរដ្ឋកម្ពុជា ខិតខំ​ប្រឹងប្រែងធ្វើការងារ។ ប៉ុន្តែអវត្តមានរបស់លោក ដែលមិនបាន​បង្ហាញខ្លួន​ជា​សាធារណៈ តាំងពីច្រើនសប្ដាហ៍មកនោះ បានបង្កមន្ទិល ជុំវិញ​បញ្ហាសុខភាព​របស់​លោក។ ...
កម្ពុជា

COVID-19 ៖ ករណីឆ្លង​នៅ​កម្ពុជា កើនឡើង​ដល់ ៩៦នាក់

មកដល់យប់នេះ ករណីឆ្លងជំងឺ «Covid-19» នៅក្នុងប្រទេសកម្ពុជា បានកើនឡើងដល់ចំនួន ៩៦នាក់ បន្ទាប់ពីបានរកឃើញថា មានជនជាតិបារាំងពីរនាក់ និងជនជាតិខ្មែរបីនាក់ បានឆ្លងមេរោគនេះ បន្ថែមពីលើតួលេខពីម្សិលម៉ិញ ដែលមាន៩១នាក់។ សេចក្ដីប្រកាសព័ត៌មាន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...