កម្ពុជាដំណឹង

ហ៊ុន សែន ប្រកាស​រៃអង្គាស​ថវិកា សម្រាប់​គ្រួសារ​នៃជន​រងគ្រោះ

បន្ទាប់ពីត្រឡប់ពីកិច្ចប្រជុំកំពូល នៃសមាគមអាស៊ាន លោកនាយករដ្ឋមន្ត្រី ហ៊ុន សែន បានប្រកាសនៅមុននេះ អំពាវនាវឲ្យមានការជួយជាថវិកា សម្រាប់​គ្រួសារ​នៃជន​រងគ្រោះ នៅក្នុងហេតុការណ៍រលំបាក់អគារ កំពស់៧ជាន់ កាលពីព្រឹកថ្ងៃសៅរ៍។

ការអំពាវនាវរបស់លោក ហ៊ុន សែន ធ្វើឡើងនៅលើទំព័រហ្វេសប៊ុករបស់លោក ដោយលោកបានបញ្ជាក់ថា លោកកំពុងធ្វើដំណើរ ទៅកាន់ខេត្តព្រះសីហនុ ដើម្បីចូលរួមក្នុងការរុករកជនរងគ្រោះ ជាមួយនឹងក្រុមអ្នកសង្គ្រោះច្រើនសិបនាក់ ដែលកំពុងបន្តការរុករករបស់ពួកគេ។

នាយករដ្ឋមន្ត្រីកម្ពុជា បានសរសេរឡើងថា៖

«ពេលនេះ ខ្ញុំកំពុងធ្វើដំណើរ ទៅកាន់ខេត្តព្រះសីហនុ ដើម្បីចូលរួមក្នុងកិច្ចខិតខំប្រឹងប្រែងរុករក និងសង្រ្គាះជាបន្ត ជាមួយបងប្អូន ដែលកំពុងធ្វើការ នៅទីនោះស្រាប់។ ខ្ញុំសុំអំពាវនាវ ចំពោះសប្បុរសជន មេត្តាជួយជាថវិកា ដល់គ្រួសារនៃអ្នកបាត់បង់ជិវិត និងអ្នករបួស ក្នុងហេតុការណ៍នេះ។»

តុល្យភាពជាថ្មីទៀត ដែលផ្ដល់ដោយសាលាខេត្តព្រះសីហនុ ក្នុងល្ងាចថ្ងៃអាទិត្យនេះ បានបន្តបន្ថែមតួលេខ នៃចំនួនជនរងគ្រោះ ក្នុងហេតុការណ៍ខាងលើ ដោយមនុស្សស្លាប់បានកើនឡើង ដល់ចំនួន១៨នាក់ ខណៈមនុស្សរងរបួស មានចំនួន២៤នាក់ដដែល។ កាលពីព្រឹកម៉ិញ សាលាខេត្ត បានអះអាងថា ចំនួនមនុស្សស្លាប់ មាន​១៧នាក់។

កាលពីយប់ថ្ងៃសៅរ៍​ម្សិលម៉ិញ លោក ហ៊ុន សែន បានសរសេរពីរាជធានី បាងកង (ទីកន្លែង នៃកិច្ចប្រជុំកំពូលអាស៊ាន) សំដែងការសោកស្ដាយ ចំពោះហេតុការណ៍នេះ និងបានទម្លាក់កំហុស ទៅលើការធ្វេសប្រហែស របស់ក្រុមហ៊ុនសំណង់របស់ចិន ដែលទទួលបន្ទុក​សាងសង់​អគារនេះ។

បុរសខ្លាំងកម្ពុជា បានសសេរនៅលើបណ្ដាញសង្គមថា៖

«ខ្ញុំសូមចូលរួមសោកស្តាយយ៉ាងខ្លាំង ចំពោះការបាត់បង់អាយុជីវិតពលរដ្ឋ ដោយសារ​កាធ្វេសប្រហែស របស់ក្រុមហ៊ុនសាងសង់ ដែលបណ្តាលឲ្យមានគ្រោះថ្នាក់កើតឡើងបែបនេះ។»

លោក ហ៊ុន សែន ថែមទាំងបានប្រកាស (ក្នុងយប់ថ្ងៃសៅរ៍) សម្រេចយកថវិកាជាតិ ជួយឧបត្ថម្ភ ដល់ជនរងគ្រោះ ក្នុងហេតុការណ៍នេះ ដោយគ្រួសារអ្នកស្លាប់ ទទួលបានប្រាក់៤០លានរៀល (មួយម៉ឺនដុល្លារ) និងអ្នករងរបួស៥លានរៀល ព្រមទាំងទទួលបានការព្យាបាល ដោយឥតគិតថ្លៃ៕



លំអិតបន្ថែមទៀត

កម្ពុជា

មេទ័ព ហ៊ុន សែន ប្រាប់​ពលទាហាន​ឲ្យ​«សម្រកក្បាលពោះ»

បុរសខ្លាំងកម្ពុជា លោក ហ៊ុន សែន ដែលមានតួនាទី ជានាយករដ្ឋមន្ត្រីផង និងជាអគ្គមេបញ្ជាការ នៃកងកម្លាំងប្រដាប់អាវុធកម្ពុជាផង បានថ្លែងប្រាប់ ឲ្យពលទាហាន ក្រោមបង្គាប់ទាំងឡាយ ត្រូវ«សម្រកក្បាលពោះ»។ មេដឹកនាំកម្ពុជា ...
កម្ពុជា

ការវិលត្រឡប់​នៃ សម រង្ស៊ី មក​ដឹកនាំ​បក្ស​​ «ធ្វើ​ឲ្យ​យុទ្ធសាស្ត្រ ហ៊ុន សែន បរាជ័យ»

«យុទ្ធសាស្ត្រ របស់លោក ហ៊ុន សែន បរាជ័យទាំងស្រុង ក្នុងការប៉ុនប៉ងកម្ទេចគណបក្សសង្គ្រោះជាតិ ពីខាងក្នុង» ដោយសារការវិលត្រឡប់ របស់លោក សម រង្ស៊ី មកដឹកនាំគណបក្សសង្គ្រោះជាតិវិញ ក្នុងឋានៈជាប្រធានស្តីទី។ ...
កម្ពុជា

ផែង វណ្ណៈ ត្រូវ​ឃុំខ្លួន​នៅ​​គុក​ព្រៃស តែ​ពីរថ្ងៃ​បន្ទាប់​ពីត្រូវ ហ៊ុន សែន ប្ដឹង​

រងបណ្ដឹងរបស់លោកនាយករដ្ឋមន្ត្រី ហ៊ុន សែន ត្រឹមតែរយៈពេល២ថ្ងៃប៉ុណ្ណោះ ភាគីចុងចោទ លោក ផែង វណ្ណៈ បានស្គាល់រសជាតិពន្ធនាគារ រួចជាស្រេចហើយ។ មន្ត្រីយោធាស័ក្ដិ៤កន្លះ និងជាម្ចាស់គណនី-ទំព័រហ្វេសប៊ុកដ៏ល្បីឈ្មោះ ត្រូវបានចៅក្រមស៊ើបសួរ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...
កម្ពុជា

អ្នកជំនាញ អ.ស.ប៖ ការឃុំខ្លួនយុវជន៧រូប ធ្វើឡើងដោយ​«បំពាន»

ការឃុំខ្លួនយុវជន៧រូប (ក្នុងនោះមានព្រះសង្ឃ១អង្គ) ទំនងជាត្រូវបានធ្វើ ដោយ«បំពាន»។ នេះ បើតាម​ការលើក​ឡើង របស់ក្រុមអ្នកជំនាញ​ខាងសិទ្ធិមនុស្ស របស់អង្គការសហប្រជាជាតិ ដោយជំរុញ​ទៅអាជ្ញាធររបប​ក្រុងភ្នំពេញ ឲ្យដោះលែងពួកគេ​ឲ្យនៅក្រៅឃុំ ដោយអនុលោម​​តាមច្បាប់ជាតិ និងអន្តរជាតិ។ ក្រុមអ្នកជំនាញទាំងនោះ ...