ស្ត្រីអ្នកស្រាវជ្រាវម្នាក់ អាយុ៤៤ឆ្នាំ បានទទួលមរណភាព ដោយត្រូវសត្វក្រពើ លេប​ទាំងរស់ នៅខណៈពេលដែលអ្នកស្រី បានបោះចំណី ដើម្បីចិញ្ចឹមសត្វតិរច្ឆាន ដែលមានបណ្ដោយ ប្រវែង៥ម៉ែត្រ មួយក្បាលនេះ។

ហេតុការណ៍ដ៏រន្ធត់ បានកើតឡើង កាលពីថ្ងៃសុក្រ សប្ដាហ៍មុន ក្នុងមជ្ឈមណ្ឌលស្រាវជ្រាវមួយកន្លែង មានទីតាំង នៅក្រុង «Tomohon» ភាគខាងជើង នៃប្រទេស​ឥណ្ឌូនេស៊ី

សារព័ត៌មានក្នុងស្រុក «Tribun-Timur» បានរាយការណ៍ថា ដើម្បីចិញ្ចឹមសត្វក្រពើ ដូចរាប់សិបដង អ្នកស្រី «Deasy Tuwo» បានឡើងលើរបងមួយ កំពស់ ២,៥ម៉ែត្រ ហើយបានបោះចំណី ទៅឲ្យសត្វក្រពើរបស់អ្នកស្រី ដែលមានឈ្មោះថា «Merry»។

រំពេចនោះ សត្វតិរច្ឆានដែលមានទំហំខ្លួន ដ៏សម្បើមអស្ចារ្យ បានលោតឡើង ទៅត្របាក់អ្នកឲ្យចំណីចិញ្ចឹមខ្លួន ហើយបានអូស​យកចូល ទៅក្នុងអាងទឹកនៅក្បែរនោះ។ អ្នកស្រី «Deasy Tuwo» ត្រូវបានលេបទាំងរស់ ហើយក្នុងពេលភ្លាមៗ គ្មាននរណាម្នាក់បានដឹង ពីគ្រោះថ្នាក់នេះទេ។

លុះប៉ុន្មានម៉ោងក្រោយមក ទើបក្រុមបុគ្គលិក​នៃមន្ទីរពិសោធ «CV Yosiki» បានសង្កេតឃើញ មានវត្ថុចម្លែកអ្វីម្យ៉ាង នៅក្នុងទឹក។ បន្ទាប់ពីបានទៅជិតរួច ពួកគេបានដឹងថា នោះគឺជារាងកាយមួយផ្នែក របស់អ្នកស្រី «Deasy Tuwo» ដែលនៅជាប់នឹងមាត់ក្រពើ ហើយដែលវា មិនទាន់​លេបចូល​អស់។

អ្នកជួយសង្គ្រោះ បានព្យាយាមតាមគ្រប់វិធី ដើម្បីដណ្ដើមសាកសព ចេញពីមាត់ក្រពើ ដែលមានកម្លាំងកៀប ដ៏ខ្លាំងក្លា។ យ៉ាងណា សត្វដ៏សាហាវមួយនេះ ត្រូវអាជ្ញាធរចាប់ចង ហើយត្រូវបញ្ចូនទៅពិនិត្យ ដើម្បីបញ្ជាក់ថា តើ «Merry» បានលេបចូលទៅក្នុងពោះ នូវសាកសពមួយផ្នែកទៀត របស់អ្នកស្រី «Deasy Tuwo» ឬយ៉ាងណា។

ក្នុងពេលកន្លងមក «Merry» ធ្លាប់បានត្របាក់ស៊ីរួចហើយ នូវចំណី​មានជីវិត​ផ្សេងទៀត តែមិនដែលធ្លាប់មាន​ករណី លេប​ទាំងរស់ កើតឡើងទៅលើមនុស្ស នោះទេ។

ក្នុងខណៈនេះ នគរបាលកំពុងស្វែងរក ម្ចាស់របស់វា ដែលគេស្គាល់ថា ជាបុរសជាតិជប៉ុន​មួយរូប និងដែលបានបង្កើត មជ្ឈមណ្ឌលស្រាវជ្រាវ មួយនេះឡើង។ បុរសជាតិជប៉ុនរូបនោះ មិនមានវត្តមាន នៅនឹងកន្លែងកើតហេតុទេ។

នាយនគរបាលតំបន់ បានថ្លែងឡើងថា៖

«យើងចង់ដឹងថា តើគាត់មានការអនុញ្ញាត ឲ្យចិញ្ចឹមសត្វក្រពើ និងសត្វសាហាវក្នុងទឹក ផ្សេងទៀតឬទេ។ បើគាត់មិនមាន ការអនុញ្ញាតទេ យើងនឹងចាប់ខ្លួនគាត់។»៕

#evakuasi#tkp#buaya

Gepostet von Rully Rangga Lomboan am Sonntag, 13. Januar 2019


លំអិតបន្ថែមទៀត

កម្ពុជា

Covid-19៖ កម្ពុជាមាន​២ករណី​ទៀត ជាអ្នកដំណើរ​មកពី​ ឥណ្ឌូនេស៊ី

ពី​ចំណោម​អ្នកដំណើរ​​៤៦នាក់ ដែលជិះយន្ដហោះ មកពីប្រទេស ឥណ្ឌូនេស៊ី ប្រទេសកម្ពុជា បានរកឃើញករណីឆ្លង ជំងឺ«Covid-19» ចំនួនពីរនាក់ ដែលជាជនជាតិ​ខ្មែរ។ នេះ បើ​តាមសេចក្តីប្រកាសព័ត៌មាន របស់ក្រសួងសុខាភិបាលកម្ពុជា ដែលបានធ្លាក់មកដល់​ដៃ​អ្នក​សារព័ត៌មាន ...
កម្រមាន

បារាំង៖ ប្រើ​​«ទួនវីស»​ចាក់សម្លាប់​ឆ្កែ​ខ្លួនឯង ទាំងនៅ​កណ្ដាល​ផ្លូវ

ហេតុការណ៍ដ៏ហួសនិស្ស័យមួយ បានកើតឡើង នៅក្បែររដ្ឋធានីប៉ារីស (បារាំង) កាលពី​ព្រឹក​ថ្ងៃសៅរ៍។ បុរសម្នាក់បានបណ្ដើរឆ្កែរ ប្រភេទប៊ែរហ្សេ មួយក្បាលរបស់ខ្លួន ចេញមក​តាមដង​ផ្លូវ ហើយដក«ទួនវីស» មកចាក់ចំនួនពីរដង ទៅលើសុនខ បណ្ដាលឲ្យដួលស្លាប់ ...
ដំណឹង

ឥណ្ឌូនេស៊ី៖ ទិដ្ឋភាពដ៏ព្រឺព្រួច នៃការផ្ទុះភ្នំភ្លើង​«Sinabung»

ភ្នំភ្លើង«Sinabung» នៃកោះស៊ូម៉ាត្រា (ប្រទេសឥណ្ឌូនេស៊ី) បានបញ្ចេញកំហឹងក្រេវក្រោក ក្នុងព្រឹកថ្ងៃអង្គារទី២ ខែមីនា ឆ្នាំ២០២១ ដោយ​បញ្ចេញកំអែទៅក្នុងអាកាស ឡើងខ្ពស់ដល់ជាង៥គីឡូម៉ែត្រ។ គ្រោះមហន្តរាយ ត្រូវបានវាយតម្លៃ ក្នុងកម្រិត៣ភាគ៤ តែអាជ្ញាធរឥណ្ឌូនេស៊ី​មិនបានប្រកាស​ភាពអាសន្នទេ ...

Comments are closed.

យល់ស៊ីជម្រៅផ្នែក កម្រមាន

កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

កម្រមាន

ប៉ាគីស្ដង់៖ បាញ់«៥គ្រាប់»​សម្លាប់កូនខ្លួន​ទើបកើត ព្រោះមិនមែនប្រុស

បុរសជាឪពុកមួយរូប ត្រូវបានចាប់ខ្លួន ក្នុងថ្ងៃព្រហស្បត្តិ៍នេះ បន្ទាប់ពីបានសម្លាប់ទារិការបស់ខ្លួន ដែលទើបនឹងចាប់កំណើត ដោយគ្រាប់កាំភ្លើង«៥គ្រាប់»។ បើតាមអាជ្ញាធរ បានអះអាងថា បុរសរូបនោះចង់បានកូនប្រុស និងមានការខកចិត្តជាខ្លាំង បន្ទាប់ពីកូនខ្លួនដែលកើតមក ជាទារិកា។ ហេតុការណ៍កើតឡើង ...
កម្រមាន

បារាំង៖ ជាប់គុក៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់

កាលពីថ្ងៃព្រហស្បត្តិ៍ ទី១៨ ខែមីនា ឆ្នាំ២០២១នេះ បុរសម្នាក់ត្រូវបានតុលាការ នៅរដ្ឋធានីប៉ារីស (បារាំង) ផ្ដន្ទាទោស​ឲ្យជាប់​ពន្ធនាគារ៨ឆ្នាំ ពីបទរំលោភ​ស្ត្រីពេស្យា​ប្ដូរភេទ​ម្នាក់ ដោយការគម្រាមប្រើកាំបិត នៅក្នុង​ពេល​កើតហេតុ។ ហេតុការណ៍ចាប់រំលោភ​បានកើតឡើង តាំងពីខែវិច្ឆិកា ...