កាលពីថ្ងៃអាទិត្យចុងសប្ដាហ៍កន្លងមកនេះ អ្នកស្រី«Torrie Heathcoat» ដែលរស់នៅក្នុងក្រុង«Fort Myers» ភាគខាងត្បូងរដ្ឋផ្លរីដា (សហរដ្ឋអាមេរិក) ត្រូវបង្ខំចិត្តហៅអ្នកជួយសង្គ្រោះ បន្ទាប់ពីអ្នកស្រីនិងគ្រួសារបាន ប្រទះឃើញក្រពើមួយក្បាល ប្រវែង២ម៉ែត្រ បានបំពានចូលផ្ទះអ្នកស្រី ដោយគ្មានការអញ្ជើញ និងចូលទៅសំងំលាក់ខ្លួន នៅក្នុងចំណតរថយន្ដ។
ក្រុមការងាររបស់គណៈកម្មការទទួលបន្ទុកអភិរក្សសត្វ ប្រចាំក្នុងតំបន់ (Florida Fish and Wildlife Conservation Commission) បានឆ្លើយតបនឹងសំណើររបស់អ្នកស្រី និងបានចូលមកចាប់ភ្ញៀវពិសេស មុននឹងបញ្ចូលចូលក្នុងរថយន្ដ ហើយដឹកចេញទៅ។
បើតាមសារព័ត៌មានក្នុងស្រុក បានឲ្យដឹងថា សត្វក្រពើវ័យជំទង់ខាងលើ ត្រូវបានបញ្ជូនទៅកាន់អាងចិញ្ចឹមក្រពើមួយកន្លែង ដែលស្ថិតក្នុងតំបន់ជាប់ក្រុង «Fort Myers» និងមានសុខភាពល្អធម្មតា៕
