ដំណឹងពិភពលោក

តំណាងរាស្ត្រវ័យក្មេងអាមេរិក វាយបក ថិត យ៉ូហូ ដែលហៅនាង«សំផឹង»

តំណាងរាស្ត្រវ័យក្មេង របស់គណបក្សប្រជាធិបតេយ្យ កញ្ញា អាឡិចសង់ដ្រា អូកាស៊ីយ៉ូ-ក័រទេស (Alexandria Ocasio-Cortez) បានថ្លែងវាយបក ទៅតំណាងរាស្ត្រ​របស់គណបក្សសាធារណរដ្ឋ លោក ថិត យ៉ូហូ (Ted Yoho) នៅចំពោះសំដី​ដែលលោក​តំណាងរាស្ត្ររូបនេះ ហៅរូបនាងថា ជា«សំផឹង»។

សម្រាប់ប្រទេសកម្ពុជា លោក ថិត យ៉ូហូ ត្រូវបានស្គាល់ថា ជាអ្នកស្នើច្បាប់លេខ «H.R. 5754» ដែលមាន​ឈ្មោះថា «Cambodia Democracy Act» កាលពីឆ្នាំ២០១៨។ ប៉ុន្តែ​ច្បាប់នោះ មិនទាន់​ត្រូវបាន​ព្រឹទ្ធសភា​អាមេរិក លើកមកអនុម័តនៅឡើយ ដោយហេតុ​ស្ថាប័នមួយនេះ ជាប់មមាញឹក​ក្នុងសំនុំរឿង​ផ្សេងទៀត។

កាលពីដើមសប្ដាហ៍កន្លងមក ក្នុងដំណើរដើរចូលវិមានរដ្ឋសភា លោក យ៉ូហូ បានថ្លែង​ហៅ​កញ្ញា អាឡិចសង់ដ្រា ថាជា«មនុស្សឆ្កួត» និង«គួរឲ្យខ្ពើមរអើម» បន្ទាប់ពីអ្នក​តំណាង​រាស្ត្រ​វ័យក្មេង បានលើកឡើងអំពីការកើនឡើង នៃឧក្រិដ្ឋកម្ម និងភាពក្រីក្រ នៅក្រុង​ញ៉ូយក ក្នុងអំឡុងពេលនៃជំងឺរាតត្បាត​«Covid-19»។

អ្នកកាសែតដែលនៅផ្ទាល់ ក្នុងហេតុការណ៍នេះ បានរាយការណ៍ទៀតថា បន្ទាប់មក លោក យ៉ូហូ នៅបាន​បន្លឺ​ពាក្យ​ហៅកញ្ញា អាឡិចសង់ដ្រា ថាជា«សំផឹង (Fucking Bitch)»ថែមទៀត។

នៅមួយថ្ងៃក្រោយមក លោក ថិត យ៉ូហូ បានសំដែងការសុំទោស ប៉ុន្តែលោកបានបដិសេធ ថាលោក​មិនបាន​និយាយ ពាក្យខាងលើនេះទេ។ លោកបានការពារខ្លួន ដោយអះអាងថា លោកជាបុរសម្នាក់ ដែលបានរៀបការរួច និងជាឪពុក​របស់កូនស្រី ចំនួនពីរនាក់​ទៀត។ លោកថា៖

«ខ្ញុំដឹងច្បាស់ណាស់ អំពីអ្វីដែលខ្ញុំនិយាយ។»

តែកញ្ញា អាឡិចសង់ដ្រា ដែលអ្នកផងបានដាក់រហស្សនាមឲ្យនាង ថាជា«តារារះថ្មី» នៃ​គណបក្សប្រជាធិបតេយ្យ បានឆ្លើយតបទៅលោក យ៉ូហូ វិញក្នុងសម័យប្រជុំរដ្ឋសភា កាលពី​ថ្ងៃព្រហស្បត្តិ៍ថា៖

«មានកូនស្រី មិនធ្វើឲ្យមនុស្សនោះ ក្លាយជាបុរសពេញលក្ខណៈទេ។ រៀបអាពាហ៍ពិពាហ៍ មិនធ្វើឲ្យមនុស្សនោះ ក្លាយជាបុរសពេញលក្ខណៈទេ។ តែគឺការវាយតម្លៃមនុស្ស ប្រកប​ដោយ​ភាពថ្លៃថ្នូ និងនិងការគោរព នោះទើបជាអ្វី ដែលធ្វើឲ្យមនុស្សនោះ ក្លាយជា​បុរស​ពេញលក្ខណៈ។»

ស្ត្រីតំណាងរាស្ត្រអាយុ៣០ឆ្នាំ បានបន្ថែមទៀតថា នាងក៏ជាកូនស្រី របស់​«មនុស្សម្នាក់»​ដែរ។ នាងថា៖

«សំណាងណាស់ ដែលឪពុករបស់ខ្ញុំ មិនបាននៅមានជីវិត ដើម្បីសំលឹងឃើញលោក យ៉ូហូ ជេរប្រទេចកូនស្រី​របស់គាត់៕»



You may also like

កម្ពុជា

ឯកអគ្គរដ្ឋទូត​អាមេរិក​ថ្មី ថ្លែង​​«សារដំបូង»​និយាយពី​លទ្ធិ​ប្រជាធិបតេយ្យ

ឯកអគ្គរដ្ឋទូតអាមេរិកថ្មី ប្រចាំកម្ពុជា លោក ផាទ្រីក មរហ្វី (W. Patrick Murphy) បានថ្លែង«សារដំបូង»របស់លោក ទៅកាន់ពលរដ្ឋកម្ពុជា ក្នុងថ្ងៃនេះ ដោយមានពាក្យពេចន៍មួយចំនួនអះអាងថា លោកនឹងផ្ដល់ការគាំទ្រ ...
ដំណឹង

ត្រាំ រំលើកថា​បាន​លប់ចោល​ការវាយប្រហារ អៀរ៉ង់ ដើម្បី​កុំឱ្យ​ស្លាប់​មនុស្ស

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាងនៅថ្ងៃសុក្រនេះថា លោកមិនជាប្រញាប់ប្រញាល់ណាស់ណា ក្នុងការឆ្លើយតប ដោយកម្លាំងយោធា តបនឹងប្រទេស អៀរ៉ង់ នោះឡើយ។ ...
កម្ពុជា

ស្ថានទូត​ចិន​តប​ទៅ​ស្ថានទូត​អាមេរិក ពី«ពាណិជ្ជកម្ម​កម្ពុជា-ចិន»

ស្ថានទូតនៃសាធារណរដ្ឋប្រជាមានិតចិន ប្រចាំនៅកម្ពុជា បានប្រតិកម្មនៅមុននេះ តបទៅការបង្ហោះមួយ កាលពីម្សិលម៉ិញ នៅលើទំព័រហ្វេសប៊ុក របស់ស្ថានទូតសហរដ្ឋ​អាមេរិក ដែលអះអាងថា ទំនាក់ទំនង«ពាណិជ្ជកម្ម​កម្ពុជា-ចិន» ផ្ដល់ប្រយោជនដ៏ច្រើន សម្រាប់ប្រទេសចិន ជាងសម្រាប់ប្រទេស​កម្ពុជា​ខ្លួនឯង។ ស្ថានទូតចិនបានប្រើប្រាស់ទំព័រហ្វេសប៊ុករបស់ខ្លួន ...

Comments are closed.

កម្ពុជា

អ្នកវិភាគ​ជើងចាស់ ប្រាប់អ្នកវិភាគ​ជំនាន់ថ្មី ឲ្យយកគំរូ​តាម«ធនញ្ជ័យ»

ដំណឹង

ដូណាល់ ត្រាំ អាចនឹងត្រូវ​ហាមឃាត់ ការឈរឈ្មោះ​ជាប្រធានាធិបតី

ដោយសារលោក ដូណាល់ ត្រាំ (Donald Trump) អស់តំណែងជាប្រធានាធិបតីហើយនោះ ដូច្នេះសវនាការនៅព្រឹទ្ធសភា ជុំវិញ​ការចោទប្រកាន់​ប្រឆាំងរូបលោក អាចនឹងសម្រេចទៅ ដោយការហាមឃាត់ ការកាន់តំណែង ក៏ដូចជា ការឈរឈ្មោះ​ជាប្រធានាធិបតី ...
ដំណឹង

យន្ដហោះ«Boeing 737 MAX»នឹង«ហោះហើរ​ជាថ្មី»នៅអ៊ឺរ៉ុប

នៅសប្ដាហ៍ខាងមុខ ភ្នាក់ងារអ៊ឺរ៉ុបទទួលបន្ទុកសន្តិសុខ នៃការហោះហើរ ហៅកាត់ថា «EASA» នឹងអនុញ្ញាត​ឲ្យយន្ដហោះ «Boeing 737 MAX» ហោះហើរ​ជាថ្មី នៅក្នុងលំហរមេឃ នៃសហភាពអ៊ឺរ៉ុប បន្ទាប់ពីយន្ដហោះប្រភេទនេះ ...